इफिसुस 4:18 - Muria Far Western

¹⁸ ओरक परमेस्वरना बारेते बराबर पुनोर अनि परमेस्वरना बारेते समजेमायान साटि ओरकुन इच्चा हिले इन्जोर ओर अदेन पकाय विरोद किस परमेस्वर आपुना लोकुरकुन हिन्तोर ओद पुनाल जिवनताल ओरक लक हतुरक।

इफिसुस 4:18 Iomraidhean Croise

मत्ति 13:15

बाक्याकि येर लोकुरा मन पकाय कटोर आता। ओरक आपुना कविंग बन्द किस इरतोर, अनि आपुना कोन्डानुंग मुच इरतोर, ओरक कोन्डाते हुळमाकिर, अनि कविते केन्जमाकिर अनि मन्दे समजेमायमाकिर अनि विस्वास केमाकिर इदाम मतोरक। ओरक इदाम हिलेर आस मनेर ते ओरक नावा हेरे मलस वास मनेर अनि नना ओरकुन सुदरे किस मनेना’।

मरकुस 3:5

येसु लोकुरा हिरमुटा हुळसुन दुःखि आस होंगदे ओरकुन नालंगोसबासा हुळतुर अनि वतिता कयवाले मानेयतुन, “निया कयक मुने ताहा” इन्जोर इतुर; ओर आपुना कयक मुने ताहतुर अनि ओना कय बेस आत!

युहनाल 12:40

“ओरक आपुना कोन्डाते हुळिला या मन्दे समजेमायिला या सुदरेमायान साटि बसकेय परमेस्वरना परके असा वायिला परमाकिर इन्जोर परमेस्वर ओरा कोन्डानुंग आन्दराल अनि ओरा मन्दुन कटोर कितुर।”

बुतोंग 17:30

अनि मुने लोकुरक परमेस्वरतुन पुनोर आस मतोर मति ओर अन्जानता बेरातुन परमेस्वर ध्यान हेवोर आस इदेक सबोय जागातिगा सबोय मानेयकुन पस्तेमायिला पहाजे इन्जोर आग्या हिन्तोर।

बुतोंग 3:17

पतरस असा लोकुरकुन इतुर, “मति इदेक हे नावोर बायि-दादालोरक केन्जाट! निमाट अनि मिवोर नेता लोकुरक येसुन विरुद बाताल कितिट ओद अन्जानते कितिट इन्जोर इदेक नना पुन्तोना।

रोमि 1:28

बसके ओर परमेस्वरना बारेते विचार कियाना वने विरोद कितुर असकेडाल परमेस्वर ओरकुन ओरा मन्दा बेकार विचार ओरा पोरो अदिकार कियाला हितुर। इन्जोर ओर बसकेय केमाकिर अदाम पकायि खराब बुतो ओर लोकुरक कितुरक।

रोमि 11:25

हे नावोर बायि-दादालोरक, निमाट आपुनतुन हुश्यार समजेमायमाट इन्जोर निमाट परमेस्वरना द्वारा मकिहता रहस्यता पोल्लो पुन्ट इदाम नावा इच्चा मन्ता। अनि इस्रायेलतोर हुचुलोर लोकुरा मन कटोर आता। मति इद कटोर मन दरोज साटि हिले अनि बचोक यहुदि आयोर लोकुरकुन परमेस्वर आचतोरक ओरक सबोय लोकुरक परमेस्वरना हेरे वायनुर। अदेना पजा ओरा कटोर मन बदलेमायार इन्जोर परमेस्वरना द्वारा इदेकवनाह मकिहता रहस्य पोल्लो मन्ता।

रोमि 11:7

ते बाताल आतु? इस्रायेल लोकुरक परमेस्वरना मुने येताना योग्य आयाना कोसिस किन्दुरक मति ओरक आय परोरक। मति परमेस्वर आचतोर ओर लोकुरक परमेस्वरना मुने येताना योग्य बनेमान्तोरक अनि पिसतोर सबोय लोकुरा मन्दुन कटोर बनेकितोर।

रोमि 2:19

नियमतिगा ग्यान अनि खरोय मन्ता। ओद ग्यान अनि खरोय निकुन नियमताल पुटता इन्जोर निमा परमेस्वरतुन पुनोर ओर लोकुरकुन ताकिहवाल मन्तोन। अनि बोर आन्दारते लेसकतोर ओरा साटि निमा वेळिचि मन्तोन ते,

१ कुरिन्थुस 1:21

परमेस्वर खरोय ग्यानि मन्तोर। ओर परमेस्वर लोकुरक बचोने ग्यानि मनिरक ते वने ओरक आपुना ग्यानते ओन पुन्दिला परोर इदाम ओरकुन पुनपरवाहका कितुर। इदेना बदला परमेस्वरतुन पुनोर लोकुरक बेकार इन्तोर माक वळकिन्तोरोम मसिना बारेते ओद सोबाता पोल्लोतिगा विस्वास केवालोरकुन पिसहाना परमेस्वरतुन सोबाय लाकतु।

१ कुरिन्थुस 2:8

अनि इद ग्यानतुन दुनियाता अदिकारिलोरक बोरे मानेमायोरक; ओरक अदेन पुन्ज मनेर ते सबोयताल हजोर प्रबुन कुरुस पोरो हव्कोर आस मनेर।

२ कुरिन्थुस 3:14

मति ओरा मन कटोर आता बाक्याकि नेन्डवनाह जुनाल नियम वाचे कियानबेरा ओरा मन्दुन ओद दुपटाते मुचता लेहका मन्तोर इन्जोर ओरक खरोयतुन पुनोरक मति ओद दुपटा केवल मसिना विस्वासता कारणते ओद बदलेमान्ता।

२ कुरिन्थुस 4:4

मसि परमेस्वरना रुप मन्तोर। ओर मसिना महिमाता सोबाता पोल्लोता वेळिचितुन ओरक हुळिला परोर इन्जोर साटि इद सन्सारतोर स्वामि सयतान विस्वास केवोर ओर लोकुरा मन्दुन आन्दराल कितोर।

गलाति 4:8

पहले निमाट लोकुरक परमेस्वरतुन पुनविट आन्दिट अनि परमेस्वरना स्वभाव हिलेर इदाम खोटाल परमेस्वरतोरक दास मन्दिट।

इफिसुस 2:1

निमाट पापते अनि परमेस्वरना विरुद किता आपुना गलतिता कारणते हास मतोरिट। अगडाल येसु मिकुन जितो कितुर।

इफिसुस 2:12

अनि ओद बेरा निमाट मसिताल अलग अनि इस्रायेल नागरिकत्वतिगा संबन्द हिले आसि। अनि परमेस्वर इस्रायेल लोकुरासंग किता करारतिगा मन्ता ओद वाचातुन पुनविट अनि बोदे आशा हिलेर मतोरिट।

कुलुसि 1:21

निमाट येसु मसिना विस्वासते वायाना पहले आपुना खराब विचार अनि खराब बुतोंगता कारण परमेस्वरना हेरेटाल लक मतोरिट अनि ओनोर विरोदि मन्दिट।

१ तिस्लुनि 4:5

अनि परमेस्वरतुन समजेमायोर ओर अविस्वासि लोकुरा लेहका वासनाता काबुते आयमाट।

यहुदि 5:2

बाक्याकि ओर वने आपुनास कमजोरिते कारण पाप किन्तोर मन्तोर। इन्जोर गलति किन्तोर इदाम आपुनास पुनोर आस पाप केवालोरक अनि पाप किस भटकेमान्तोर सबोयि लोकुरासंग दयाते व्यवहार किया परान्तोर।

यहुदि 9:7

मति लोपाडा मन्ता सबोयता पवित्र खोलितिगा केवल हजोर याजके आपुना पाप साटि अनि लोकुरक किता गलतितुन भेट हियान साटि नतुरतासंग वरषाते केवल उन्दि बेरा हन्दुर।

याकुब 4:4

हे व्यभिचारि लोकुरक, बाताल दुनियातुन मया कियाना परमेस्वरतुन वयिर कियाना मन्ता इन्जोर निमाट पुनविट बहे? इन्जोर बोरायि मानेयतुन दुनियाता गोतियाह आयाना इच्चा मन्ता ओर मानेय आपुनतुन परमेस्वरना वयर बनेहकिन्तोर।

१ पतरस 1:14

निमाट परमेस्वरना आग्या मानेमायवाल बालक मन्तोरिट इन्जोर निमाट अळानि मन्तोरिट ओद बेरा मियागा मता खराब इच्चाता पालन केमाट।

१ युहनाल 2:11

मति बोरायि आपुना तमोन दुश्मनि किन्तोर ओर खरोयता बारेता अन्जानतिगा मन्तोर अनि ओद अन्जानतिगा ताकान्तोर अनि ओर बगा दान्तोर इन्जोर पुनोर बाक्याकि बदाम आन्दार वरोर मानेयना कोन्डाहकुन आन्दळाह बनेहकिता अदामे खरोयता बारेता अन्जान खरोयतुन समजेमायान साटि विरोद किन्ता।