इफिसुस 4:13 - Muria Far Western

¹³ अनि बचोनवनाह विस्वासतिगा अनि परमेस्वरना मरिना अग्यानतिगा उन्दि आस मसि बदाम संपुर्ण मन्तोर अदाम माक वने ओना लेहकाय उन्दि संपुर्ण मानेय बनेहमायनावनाह मन्ता।

इफिसुस 4:13 Iomraidhean Croise

मत्ति 11:27

नावोर बाबो नाकुन सबोय अदिकार सोपेह कितोर अनि बाबोना तासि बोरे मरिन पुनोर; अनि मरि अनि मरि बोना साटि ओन तोहाना इच्चा कितुर केवल ओरक बाबोन पुन्तोरक।

युहनाल 1:16

बाक्याकि ओना दया दरोज मावागा पकाय मन्ता इन्जोर माकुन पकाय आशिरवाद पुटान्ता।

युहनाल 16:3

अनि ओरक बाबोन पुनोरक अनि नाकुन वने पुनोरक इन्जोर ओरक इदाम कियानुरक।

युहनाल 17:21

अनि ओरक सबोय लोकुरक उन्दि आयान साटि, हे बाबो, बदाम निमा नावागा मन्तोन अनि नना नियागा मन्तोना अदामे ओरक वने मावागा मनिर इदेनते निमा नाकुन लोहतोन इन्जोर दुनिया विस्वास कियान साटि नना विनन्ति किन्तोना।

युहनाल 17:3

अनि निमाय उन्दिय खरोय परमेस्वर मन्तोन अनि निमाय नाकुन लोहतोन अनि नना येसु मसिहा आन्दान इदाम नाकुन पुन्तोरक ओरकुनेय अनन्त जिवा पुटार।

युहनाल 6:69

अनि परमेस्वर लोहतोर पवित्र मानेय निमाय आन्दि इन्जोर माक विस्वास कितोम अनि पुतोम।”

बुतोंग 4:32

प्रबु येसुनिगा विस्वास कितोरक उन्दि मन अनि उन्दि जिवाते मतोरक; ओरक आपुना धन संपतितुन नावा संपति इनोर आन्दुरक इन्जोर ओरा हेरे मता सबोय चिज आपसते तुसिन्दुरक।

१ कुरिन्थुस 1:10

हे बायि-दादालोरक, निमाट सबोय आपसते उन्दिय जिवा आस मिया नडुम बोदे फुट आयमाकि अनि उन्दिय मन अनि उन्दिय विचारते मिलेमास मन्दिला पहाजे इन्जोर मावोर प्रबु येसु मसिना अदिकारते नना मिकुन विनन्ति किन्तोना।

१ कुरिन्थुस 14:20

हे नावोर बायि-दादालोरक, निमाट बालक लेहका विचार केमाट मति हजोर मानेयना लेहका बुद्धिमान बनेमाम्ट। मति बदाम बालकलोरक खराब कियानाता विचार केवोर अदामे निमाट वने ओरा लेहका बनेमाम्ट।

१ कुरिन्थुस 2:6

नना वेहान बेरा मानेयना ग्यानता अनुसार वळकोन ते वने मसिना विस्वासते पका आतोरा नडुम माक ग्यानता पोल्लोंग केन्जान्तोरोम। मति इद दुनियाता ग्यान अनि नाश कळियवालोर इद दुनियाता अदिकारि लोकुरा ग्यानता पोल्लोंग आयो।

२ कुरिन्थुस 4:6

बाक्याकि “आन्दारताले वेळिचि मान्जार” इदाम इन्ज मतोर ओरे परमेस्वर मसिना चेहराते दिसता परमेस्वरना महिमाता बारेता ग्यान माक पुन्दाना साटि मावा मन्दिगा मान्जिहतुर।

गलाति 4:19

हे नावोर प्रिय बालक, निमाट मसिना लेहका बनेमायाना वानाह नना मिया साटि असा प्रसव आयानाता नोमुर लेहका आपुना मन्दे नोमुर सहे मान्तोना।

इफिसुस 1:17

मावोर प्रबु येसु मसिना महिमातोर बाबो परमेस्वर मिकुन येसु मसिन बराबर पुन्दान साटि ग्यान अनि दिव्यदर्शनता आत्मा हेविर इन्जोर नना प्रार्थना किन्तोना।

इफिसुस 1:23

अनि मसिलोकुरा सभा मसिहानोर मेन्दुल आन्दुर, अनि मसिलोकुरा सभाता द्वारा मसि सबोय लोकुरा हेरे अविन्तोर अनि ओरा सबोय पोल्लोतुन सबोय रितिते परिपूर्ण बनेहकिन्तोर।

इफिसुस 2:15

उन्दि वेटाड लेहका लोकुरकुन अलगो किस मता येहुदि लोकुरा सबोय नियम अनि अदेना आदेशता कानुनतुन येसु मसि आपुना बलिदानता द्वारा बन्द कितुर।

इफिसुस 4:12

अनि ओर लोकुरा सेवाता द्वारा मसिना मेन्दुल मन्ता ओद मसिलोकुरा सभातुन मसिना संबन्दते मजबुत बनेहकियाना साटि परमेस्वरना सबोय लोकुरकुन तयार कियाना मन्ता।

इफिसुस 4:3

मिया सबोय सोबाय बुतोतुन शान्तितासंग पवित्र आत्माता एकजुटताते कियान साटि सबोय प्रकारता कोसिस किम्ट।

इफिसुस 4:5

वरोरे प्रबु मन्तोर, उन्दिय विस्वास अनि उन्दिय बपतिस्मा मन्ता,

फिलिप्पि 3:10

येसु मसिन अनि ओना असा जिवेमायानाता लावतुन पुन्दाना,

फिलिप्पि 3:8

अचोने आयो, नना नावोर प्रबु येसु मसिना बारेते आपुनतुन समजेमायानाता किमत दुसरो सबोयताल हजोर मन्ता इदाम पुन्ज नेन्डवनाह इव सबोय पोल्लोंगतुन वियार लेहका समजेमास ओव सबोयतुन तासिस नष्ट सहेन कितान।

कुलुसि 1:28

इन्जोर माक ओना प्रचार किन्तोरोम। अनि सबोय लोकुरकुन मसिनिगा परिपूर्ण किस परमेस्वरना मुने उपस्थित कियान साटि माक सबोय लोकुरकुन चेतावनि किस सबोय ग्यानते सबोय लोकुरकुन करहान्तोरोम।

कुलुसि 2:2

अनि परमेस्वरना रहस्य योजना मसि मन्तोर, ओद रहस्य योजनाता पुरा ग्यान समजेमायान साटि निमाट आपसता मयाते उन्दि आस मन्दुन हिमत पुटि इन्जोर नना इचोन हजोर मेहनत कियाला आतोना इदाम निमाट पुन्ट इन्जोर नावा इच्चा मन्ता।

यहुदि 5:14

मति हजोर जेवन हजोर लोकुरक साटि मन्ता बाक्याकि ओरक आपुना अनुभवते खरोय अनि खराबतुन पुन्दाना करियतोरक मन्तोरक।

२ पतरस 1:4

इद दुनियातिगा लोकुरा खराब इच्चाता कारण मन्ता ओद नाशताल पिसिच, परमेस्वरना स्वभावता सहभागि आयान साटि ओर अवेहना द्वारा माकुन पकाय किमति अनि पकायि महान वाचांग हितोर।

२ पतरस 3:18

मावोर प्रबु अनि पिसिहवाल येसु मसिना दया अनि पुन्दानातिगा विळसोर हन्ट। ओनाय दरोज अनि सबोय काळदे महिमा आसोर मनि। आमिन।

१ युहनाल 5:20

अनि परमेस्वरनोर मरि वातोर अनि ओर माकुन खरोय परमेस्वरतुन समजेह किस हितुर इन्जोर माक पुन्तोराट। अनि परमेस्वरनासंग मावा सोबाय संबन्द मन्ता बाक्याकि माक येसु मसिनिगा मन्तोरोम ओर खरोय परमेस्वर मन्तोर। अनि खरोय परमेस्वर अनि अनन्त जिवन ओरेय आन्दुर।