इफिसुस 4:10 - Muria Far Western

¹⁰ अनि दरतिता अडियता जागातिगा वने रयतुर ओर सबोय लोकुरकुन परमेस्वरना सबोय गुणते पुरा केविर इन्जोर सबोय आबारता पोरो अन्जतोर वने मन्तोर।

इफिसुस 4:10 Iomraidhean Croise

मत्ति 24:34

इव सबोय पोल्लोंग पुरा आयो आयनुंग अचोवनाह इद पिळिता अन्त आयो आयार इन्जोर नना मिकुन खरोय इन्तोना।

लूका 24:44

अनि हुचुक दियाना पजा येसु ओरकुन इतुर, “परमेस्वर मूसान हिताल नियमतिगा अनि परमेस्वरना पोल्लो वेहवालोरा पुस्तकतिगा अनि भजन संहिता पुस्तकतिगा नावा बारेते कोटताल मन्ता अव सबोय पोल्लोंग जरुर पुरा आयिंग पहाजे इन्जोर नना मियासंग मन्जुन मिकुन वेहच मतोना बहे।”

युहनाल 1:16

बाक्याकि ओना दया दरोज मावागा पकाय मन्ता इन्जोर माकुन पकाय आशिरवाद पुटान्ता।

युहनाल 19:24

इन्जोर ओरक आपसते इतुरक, “माट इदेन हरिहवाट मति इद बोना आयार इन्जोर इदेना पोरो चिटिंग वाटकाट।”, “ओरक नावांग सन्दरांग आपसते तुसतुरक अनि नावा सन्दरांग साटि चिटिंग वाटतुरक” इन्जोर पवित्र पुस्तकतिगा कोटस मता ओद पोल्लोंग पुरा आयान साटि सयनिक लोकुरक इदाम कितुरक।

युहनाल 19:28

इदेना पजा, सबोय पुरा आतु इद येसु पुन्जुन पवित्र पुस्तकतिगा कोटता पुरा आयान साटि, “नाकुन एर उन्दिला वसता” इदाम इतुर।

युहनाल 19:36

अनि “ओना पळेकातुन उरिहवोर आयनुर” इन्जोर पवित्र पुस्तकतिगा कोटता मन्ता अद पोल्लो पुरा आयान साटि इदाम आतु।

बुतोंग 1:11

अनि ओरकुन “हे गलीलितोरक मानेयक, निमाट बाक्या नितस आबारतिके हुळिला आतोरिट? ओर मिया हेरेटाल स्वरगापोरो ताहच ओतोर येरे येसुन बोद रितिते निमाट ओन स्वरगतिगा हन्दानपा हुळतोरिट ओदे रितिते ओर असा मलस वायनुर” इन्जोर इतुर।

बुतोंग 1:9

अनि येसु इदाम इतुर पजा ओरक ओन हुळसोर हुळसोर मतोरक असके परमेस्वरना लावदे ओर पोरो स्वरगतिगा ताहतुर अनि आबारता उन्दि ढगि ओन ओरा कोन्डांगताल मकिहतु।

बुतोंग 2:33

परमेस्वर येसुन आपुना तिन्दान कय हेरे हजोर पद हिस उपिहतुर। अनि ओर बाबोनिकेडाल प्रतिज्ञाता अनुसार पवित्र आत्मा स्विकार किस ओर इद पवित्र आत्मातुन माकुन पकाय हितुर, अदेन निमाट इदेक हुळिला अनि केन्जिला आतोरिट।

बुतोंग 3:18

मति ओनोर मसि पकाय तकलिप सहेन कियानुर इन्जोर बोव पोल्लोनुंग परमेस्वर सबोय परमेस्वरना पोल्लो वेहवालना टोडिताल पहलेय वेहच मतोर अदेन ओर इदे रितिते पुरा कितुर।

२ कुरिन्थुस 12:2

मसिनिगा वरोर मानेयतुन नना पुन्तोना ओन चवदा वरसाता मुने तिसरो स्वरगतिगा ताहच मतोर, इदाम मेन्दुल संग आस मता या बिना मेन्दुलसंग आस मता इद नना पुनोन मति परमेस्वर इद पोल्लोतुन पुन्तोर।

इफिसुस 3:19

अनि बोरे बसकेय पुरा समजेमाय परोर परमेस्वरना ओद मायातुन समजेमाम्ट अनि निमाट परमेस्वरना सबोय गुणते निन्दाट इन्जोर नना प्रार्थना किन्तोना।

कुलुसि 1:19

बाक्याकि आपुना सबोय परिपूर्णता ओनागा मनि,

कुलुसि 2:9

बाक्याकि परमेस्वरना सबोय परिपुरणता मेन्दुलता रुपते मसिनिगा मता।

१ तिमुति 3:16

अनि मसिहा मानेय आस जनम आतुर अनि ओर मसिहा आन्दुर इन्जोर पवित्र आत्माता द्वारा प्रगट आतुर। अनि स्वरग दूततुन दिसतुर अनि येसु मसिना बारेते ओनोर चेला लोकुरक सबोय जातिता लोकुरकुन वेहतुर। पजा लोकुरक ओनिगा विस्वास कितुरक। अनि परमेस्वर ओन स्वरगतिगा येतितुर। इदाम माक बाताल विस्वास किन्तोरोम अदेना खरोयिता रहस्य पकाय हजोर मन्ता। अनि इदेना बारेते बाताले शंका माकुन हिले।

यहुदि 4:14

स्वरगतिगा हतोर ओर वरोर महान हजोर याजक मन्जे परमेस्वरनोर मरि येसु स्वरगतिगा परमेस्वरना मुने मावा साटि मन्तोर इन्जोर माक विस्वास किन्तोरोम इदाम वेहान्ता ओद विस्वास बसकेय तासिमाट।

यहुदि 7:26

इदामे ओर हजोर याजक मन्जे येसु मसि मावा जरुरितुन पुरा किया परान्तोर। ओर पवित्र मन्तोर, ओर बोदे दोष या पाप केवोर, अनि पापि लोकुराल अलग मतोर अनि ओर स्वरगताल वने पोरो ताहतोर मन्तोर।

यहुदि 8:1

माक वळकिला आतोरिट अगडाल सबोयताल हजोर पोल्लो इद मन्ता: स्वरगतिगा हजोर महिमावान परमेस्वरना सिंहासनता तिन्दान कय हेरे हन्ज उदितोर वरोर हजोर याजक मावा साटि मन्तोर।