इफिसुस 3:9 - Muria Far Western

⁹ सबोयतुन बेनहकेवाल परमेस्वरना मन्दिगा पकाय काळताल मकस मता ओद रहस्य योजनाता अर्थ बाताल मन्ता इन्जोर सबोय लोकुरकुन वेहान साटि इद दया नाकुन हितोर।

इफिसुस 3:9 Iomraidhean Croise

मत्ति 10:27

नना बोद मिकुन आन्दारते इन्तोना अदेन निमाट वेळिचितिगा इन्ट, नना बाताले मिया कविदिगा पुसपुस इतोना अदेन निमाट ओरा लोन पोरो अन्जुन वेहाट।

मत्ति 13:35

“नना पिटो वेहान साटि आपुना टोडि तरियका, दुनियाता उत्पतिताल गुपित मन्तांग ओद पोल्लोनुंग नना वेहका” इन्जोर परमेस्वरना पोल्लो वेहवालना द्वारा परमेस्वर इन्ज मतोर ओद पोल्लो इदाम पुरा आयि।

मत्ति 25:34

असके राजाल आपुना तिन्दान कयबासाडोरकुन इन्दानुर, ‘हे नावोर बाबोनोर धन्य लोकुरक, वराट, दुनिया बनेकियानाता मुनेटाले मिया साटि तयार किस मन्ता ओद राज्यतोर वारिस आम्ट।

मत्ति 28:19

इन्जोर निमाट हन्जुन, बाबो अनि मरि अनि पवित्र आत्माता पोरोयते बपतिस्मा हिस,

लूका 24:47

अनि येसु मसिना पोरोयदे लोकुरकला मन्दुन परमेस्वरनिके मलस ततान साटि पापताल मुक्ति हियाना इद सन्देश्तुन येरुसलेम सहेरतिगाडाल सुरुकिस सबोय जातितोरक लोकुरकनिगा वेहिला पहाजे इन्जोर पवित्र पुस्तकतिगा कोटताल मन्ता।

युहनाल 10:30

नना अनि नावोर बाबो उन्दिय मन्तोम।”

युहनाल 5:17

असके येसु ओरकुन इतुर, “नावोर बाबो दरोज बुतो किन्तोर इन्जोर नना वने दरोज बुतो किन्तोना”।

युहनाल 5:19

इन्जोर येसु ओरकुन इतुर, “खरोय खरोय नना मिकुन इन्तोना, केवल बाबो कियानपा हुळान्तोना अव पोल्लोंग तासि परमेस्वरनोर मरिन आपुनास बाराय कियापरोन; बोद बोद बुतोंग ओर किन्तोर ओदे बुतोंग नना परमेस्वरनोर मरि वने अदेय रितिते किन्तोना।

बुतोंग 15:18

पकाय मुनेटाले सबोय पोल्लोतुन तोहवाल ओर प्रबु इन्तोर’ इदाम पवित्र पुस्तकतिगा कोटस मन्ता।

रोमि 11:25

हे नावोर बायि-दादालोरक, निमाट आपुनतुन हुश्यार समजेमायमाट इन्जोर निमाट परमेस्वरना द्वारा मकिहता रहस्यता पोल्लो पुन्ट इदाम नावा इच्चा मन्ता। अनि इस्रायेलतोर हुचुलोर लोकुरा मन कटोर आता। मति इद कटोर मन दरोज साटि हिले अनि बचोक यहुदि आयोर लोकुरकुन परमेस्वर आचतोरक ओरक सबोय लोकुरक परमेस्वरना हेरे वायनुर। अदेना पजा ओरा कटोर मन बदलेमायार इन्जोर परमेस्वरना द्वारा इदेकवनाह मकिहता रहस्य पोल्लो मन्ता।

१ कुरिन्थुस 2:7

परमेस्वर दुनिया बनेकियाना मुनेय मावा हजोरपण साटि ठहरे कितोर अनि मुनेटोर लोकुरनिकेडाल मकस मता परमेस्वरना ग्यानता पोल्लो आन्दु माक वेहान्तोरोम।

इफिसुस 1:4

अनि माक ओना मुने पवित्र अनि निरदोष मन्दान साटि दुनियाता उत्पत्ति आयानाता मुने येसु मसिना कारण माकुन मया किस आचतुर।

इफिसुस 3:2

मिया साटि परमेस्वर दयातासंग विशेषाल बुतो नाकुन सोपे कितोर इन्जोर अदेना बारेते निमाट जरुर केन्ज मनकिट।

इफिसुस 6:19

अनि नना मसिना राजदूत आस परमेस्वरना सोबाता पोल्लो वेहान्तोना इन्जोर जेहलतिगा मन्तोना। नना परमेस्वरना सोबाता पोल्लो वेहाना बेरा सोबाता पोल्लोता रहस्य हिमतासंग वेहान साटि नाकुन पोल्लो पुटि,

कुलुसि 1:23

इद आबारता अडिय सबोय सृष्टितुन इद सोबाता पोल्लोता प्रचार किस नना पोलुस ओद सोबाता पोल्लो प्रचार कियान साटि सेवक बने मातोना।

कुलुसि 1:26

युगयुगताल पिळि-पिळिता लोकुरकुन ओद रहस्यतुन पुरा समजेमायाना गुपित इरस मतोर मति इदेक पवित्र लोकुरकुन ओद प्रगट आता।

कुलुसि 3:3

बाक्याकि निमाट हातोरिट मन्जे मिया जुनाल पापताल स्वभाव हाता अनि मिया पुनाल जिवन मसिनासंग परमेस्वरना मुने सुरक्षित किस मकिहिस इरता मन्ता।

कुलुसि 4:3

अनि मसिना बारेता ओद रहस्य योजनाता वर्णन लोकुरकुन वेहान साटि परमेस्वर सन्दि हेविर इन्जोर मावा साटि वने प्रार्थना किम्ट। नना इद सोबाता पोल्लो वेहतान इन्जोर इगा जहेलतिगा मन्तोना।

२ तिस्लुनि 2:13

हे बायि-दादालोरक, प्रबु मिकुन मया किन्तोर। अनि परमेस्वर मिकुन सबोय बनेकियानता मुने आचतुर इन्जोर माकुन मिया बारेते दरोज परमेस्वरना धन्यवाद हियाला पहाजे। बाक्याकि पवित्र आत्मा मिकुन पवित्र बनेकिन्तोर अनि निमाट आपुना विस्वास सच्चायिते किन्तोरिट।

१ तिमुति 3:16

अनि मसिहा मानेय आस जनम आतुर अनि ओर मसिहा आन्दुर इन्जोर पवित्र आत्माता द्वारा प्रगट आतुर। अनि स्वरग दूततुन दिसतुर अनि येसु मसिना बारेते ओनोर चेला लोकुरक सबोय जातिता लोकुरकुन वेहतुर। पजा लोकुरक ओनिगा विस्वास कितुरक। अनि परमेस्वर ओन स्वरगतिगा येतितुर। इदाम माक बाताल विस्वास किन्तोरोम अदेना खरोयिता रहस्य पकाय हजोर मन्ता। अनि इदेना बारेते बाताले शंका माकुन हिले।

२ तिमुति 1:9

अनि ओर माकुन पिसितुर अनि पवित्र जिवन जिवेमायान साटि केयतुर अनि इद मावा बुतोता अनुसार आयो मति दुनिया बनेकियानाता मुने येसु मसिना द्वारा पिसाना हियान साटि आपुना योजना पुरा कियान साटि ओर योजना कितुर,

२ तिमुति 4:17

मति नावा वेहानाता द्वारा सबोय जातितोरक लोकुरक सोबाता पोल्लो केन्जान साटि प्रबु नाकुन लाव हिस नाकुन मदत कितुर। इन्जोर बदाम वरोर मानेय निरालता टोडिताल पिसान्तोर अदाम लेहका प्रबु नाकुन हायनाताल पिसिहतुर।

तितुस 1:2

अनि इद दुनिया बनेमायानाता मुनेटाले बसकेय खोटाल वळकोर ओर परमेस्वर इद आशाता बारेता वाचा हितोर।

१ पतरस 1:20

दुनियाता उत्पन्न आयानाता पहलेटाले मसिन आचतुर मति इदेक ओर इद आकरि काळतिगा मिया साटि दिसतुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 13:8

दुनियाता उत्पतिता बेराताल असकता बेळा पिलाता जिवनता पुस्तकतिगा पोरोय कोटोर दरतितोर सबोय लोकुरक ओद जानवरता आरादना कियानुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:6

पजा असा दुसरो वरोर स्वरगदूत आबारता नडुमतिगा परयाना नना हुळतान, ओना हेरे दरतितिगा मनवालोर सबोय जातितोरक, अनि गोत्र अनि अलग-अलग बोलि वळकवालोरक अनि लोकुरकुन वेहान साटि परमेस्वरना सोबाता पोल्लोता सबोय काळ साटि मन्ता सन्देश मता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 17:8

निमा हुळतोन ओद जानवर ओद पहले मता मति इदेक हिले अनि अडिय बचोन खोल मन्ता इन्जोर माक पुनोम अचोन हजोर पतियता किसिता गडदाताल वायवाल काळते पसियस अनन्त काळता नाश साटि वायवाल मन्ता; अनि ओद जानवर पहले मता मति इदेक हिले ते वने ओद वायवाल मन्ता ओद जानवरतुन दरतिता सृष्टिता सुरुताले जिवनता पुस्तकतिगा पोरोय कोटोर आतुरक दरतितोर लोकुरक ओद जानवरतुन हुळस चकेमायनुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 4:11

“हे मावोर प्रबु, निमाय सबोय चिजक उत्पन्न किति अनि ओव सबोय नियाय इच्चाते तयार कितोन अनि उपजेह कितोन इन्जोर महिमा, आदर अनि लाव येताना निमाय योग्य मन्तोन इन्जोर वेहचुन ओरक आपुना-आपुना मुकुटक सिंहासनता मुने सोपे कितुरक।”