इफिसुस 3:6 - Muria Far Western

⁶ यहुदिलोकुरक आयोर मसिना संगतिगा परमेस्वरना सोबाता पोल्लोतुन विस्वास किस यहुदि लोकुरासंग परमेस्वरना सबोय भलायिता वारिसदार आयिला पहाजे। यहुदि आयोर अनि यहुदिलोकुरक उन्दि मेन्दुलता अलग अलग भाग मन्ता अनि इद रन्ड दल येसु मसिना वाचाता आशिषतुन सहभागि आयिला पहाजे इन्जोर ओद रहस्य योजना मन्ता।

इफिसुस 3:6 Iomraidhean Croise

१ कुरिन्थुस 12:12

मानेयना मेन्दुल उन्दिय मन्ता मति ओद मेन्दुलता अलग अलग भाग मन्तांग। अनि ओव भाग अलग अलग मन्ज वने सबोय मिलेमास उन्दि मेन्दुल आता। इन्जोर मसिना मेन्दुल वने, मन्जे मसिलोकुरा सभा वने अदामे मन्तोर।

१ कुरिन्थुस 12:27

नावा इन्दानाता अर्थ इदाम मन्ता: इदेक निमाट सबोय विस्वासि लोकुरक मसिहना मेन्दुल आन्दिट अनि मसिलोकुरा सभाता सबोय लोकुरक ओना मेन्दुलता उन्दि उन्दि भाग मन्तोरिट।

गलाति 3:14

अब्राहामतुन हिता आशिष येसु मसिना द्वारा यहुदि आयोर लोकुरकुन वने पुटि अनि परमेस्वरना ओद वाचा पवित्र आत्मातुन विस्वासता द्वारा माक पुटि इन्जोर इदाम आत।

गलाति 5:24

अनि बोर येसु मसिनोर मन्तोर ओरक आपुना मेन्दुलता खराब स्वभाव अनि अदेना इच्चातुन कुरुस पोरो अन्जिहतोरक मन्जे आपुना मेन्दुलता खराब स्वभावतुन पुरा तासितोरक।

इफिसुस 3:3

ओद रहस्य योजना नावागा दिव्यदर्शनता द्वारा प्रगट आत इन्जोर नना मुनेय हुडुन्सा कोटतोना।

इफिसुस 5:30

बाक्याकि माक ओना मेन्दुलता भाग मन्तोम।

इफिसुस 5:7

इन्जोर साटि निमाट ओरा सहभागि आयमाट।

कुलुसि 2:19

बदाम तला मेन्दुलतुन नियत्रण किन्ता अदामे मसिलोकुरा सभाता तला आस सबोय विस्वासि लोकुरकुन मसि नियन्त्रन किन्तोर। मति इदाम खोटाल पोल्लो पळकवाल लोकुरक मसिना बारेता खरोयतुन बराबर विस्वास किस करहोर। सबोय मेन्दुल तलाता नियत्रणते जोळक अनि नस्कना द्वारा पालन-पोषन आस अनि सबोय मेन्दुल उन्दिय आस बरसोरिंग दान्ता। अदामे येसु मसिना संबन्दते आपुना मेन्दुल मन्ता मसिलोकुरा सभाता विस्वासि लोकुरक परमेस्वरना योजनाता अनुसार परमेस्वरना बारेते समजेमास बरसोर दान्तोरक।

१ युहनाल 1:3

बाताल आयि माक हुळतोम अनि केन्जान्तोरोम ओदेना बारेते माक मिकुन वने वेहतोम बाक्याकि निमाट वने मावासंग संगवारि आम्ट। अनि मावा संबन्दते बाबोना अनि ओनोर मरि येसु मसिना संग मन्ता।

१ युहनाल 2:25

अनि ओर येसु मसि माकुन हिता वाचा अनन्ता जिवन आन्दु।