इफिसुस 3:4 - Muria Far Western

⁴ अदेन निमाट वाचेकियाकिट ते मसिना बारेता ओद रहस्यता योजनाता बारेते नाकुन समजेमायाना बचोन मन्ता इन्जोर निमाट पुन्द परान्तोरिट।

इफिसुस 3:4 Iomraidhean Croise

मत्ति 13:11

येसु ओरकुन “स्वरग राज्यता रहस्य पुन्दान साटि मिकुन वरदान हिता मन्ता मति ओरकुन पुटो।

लूका 8:10

असके येसु आपुनोर चेलालोरकुन इतुर, “मिकुन परमेस्वरना राज्यता गुप्त पोल्लोतुन समजेमायान साटि समज हितोर। मति दुसरोलोरकुन, ‘ओरक हुळान्तोर मति हुळवाप साटि अनि केन्जुन वने मति समजेमायवाप साटि’ पिटोते करिहला लागतुर।”

रोमि 11:25

हे नावोर बायि-दादालोरक, निमाट आपुनतुन हुश्यार समजेमायमाट इन्जोर निमाट परमेस्वरना द्वारा मकिहता रहस्यता पोल्लो पुन्ट इदाम नावा इच्चा मन्ता। अनि इस्रायेलतोर हुचुलोर लोकुरा मन कटोर आता। मति इद कटोर मन दरोज साटि हिले अनि बचोक यहुदि आयोर लोकुरकुन परमेस्वर आचतोरक ओरक सबोय लोकुरक परमेस्वरना हेरे वायनुर। अदेना पजा ओरा कटोर मन बदलेमायार इन्जोर परमेस्वरना द्वारा इदेकवनाह मकिहता रहस्य पोल्लो मन्ता।

रोमि 16:25

परमेस्वरना स्तुति आयि! येसु मसिना सोबाता पोल्लो नना मिकुन वेहान्तोना अदेना अनुसार परमेस्वरे येसु मसिना विस्वासते माकुन मजबुत बनेमायान साटि लाववाले मन्तोर। अनि येसु मसिना सोबाता पोल्लो युगानयुगताल परमेस्वर रहस्यता रुपते इरस मतोर अदेन परमेस्वर इदेक सबोय लोकुरक साटि तोहतुर। मुने परमेस्वरना पोल्लो वेहवालोरक ओरा पुस्तकतिगा येसु मसिना वायाना बारेते वेहच मतोरक।

१ कुरिन्थुस 13:2

अनि नाकुन परमेस्वरना पोल्लो वेहाना वर्दान पुटस नावागा परमेस्वरना मकिस इरस मता सबोय योजनातुन समजेमायाना लाव अनि सबोयि ग्यान मन्ता अनि मटातुन गुचाहाना लेहका हजोर विस्वास नावागा मन्ता मति नना दुसरोन मया केवोन ते नना बाताले हिलेन।

१ कुरिन्थुस 4:1

आपुलोस अनि नना परमेस्वर इदेकवनाह बोरे मानेयनिगा बसकेय तोहोर आस मता ओद पोल्लो दुसरोन वेहान साटि सोपेहकिता मसिना बुतो केवालोर मन्तोरोम इन्जोर मावा बारेते निमाट समजेमायिला पहाजे।

२ कुरिन्थुस 11:6

लोकुरा मुने नना सोबायि रितिते वेहवाल आयो इदाम नावा विरोद केवालोरक वळकिन्तोरक ते वने नना वने ओरा लेहका ग्यानि मन्तोना। इव पोल्लोंग मावा सबोय पोल्लोतिगा सबोय प्रकारते नना मिकुन तोहतोना।

इफिसुस 1:9

परमेस्वर आपुना मन्दे इरस मता ओद रहसय योजनातुन येसु मसिना द्वारा आपुना गिरदाता अनुसार माकुन प्रगट कितुर।

इफिसुस 3:3

ओद रहस्य योजना नावागा दिव्यदर्शनता द्वारा प्रगट आत इन्जोर नना मुनेय हुडुन्सा कोटतोना।

इफिसुस 3:9

सबोयतुन बेनहकेवाल परमेस्वरना मन्दिगा पकाय काळताल मकस मता ओद रहस्य योजनाता अर्थ बाताल मन्ता इन्जोर सबोय लोकुरकुन वेहान साटि इद दया नाकुन हितोर।

इफिसुस 5:32

इद रहस्य पकाय महत्वता मन्ता, मति नना इद मसिहा अनि मसिलोकुरा सभाता बारेते इन्तोना।

इफिसुस 6:19

अनि नना मसिना राजदूत आस परमेस्वरना सोबाता पोल्लो वेहान्तोना इन्जोर जेहलतिगा मन्तोना। नना परमेस्वरना सोबाता पोल्लो वेहाना बेरा सोबाता पोल्लोता रहस्य हिमतासंग वेहान साटि नाकुन पोल्लो पुटि,

कुलुसि 1:26

युगयुगताल पिळि-पिळिता लोकुरकुन ओद रहस्यतुन पुरा समजेमायाना गुपित इरस मतोर मति इदेक पवित्र लोकुरकुन ओद प्रगट आता।

कुलुसि 2:2

अनि परमेस्वरना रहस्य योजना मसि मन्तोर, ओद रहस्य योजनाता पुरा ग्यान समजेमायान साटि निमाट आपसता मयाते उन्दि आस मन्दुन हिमत पुटि इन्जोर नना इचोन हजोर मेहनत कियाला आतोना इदाम निमाट पुन्ट इन्जोर नावा इच्चा मन्ता।

कुलुसि 4:3

अनि मसिना बारेता ओद रहस्य योजनाता वर्णन लोकुरकुन वेहान साटि परमेस्वर सन्दि हेविर इन्जोर मावा साटि वने प्रार्थना किम्ट। नना इद सोबाता पोल्लो वेहतान इन्जोर इगा जहेलतिगा मन्तोना।

१ तिमुति 3:16

अनि मसिहा मानेय आस जनम आतुर अनि ओर मसिहा आन्दुर इन्जोर पवित्र आत्माता द्वारा प्रगट आतुर। अनि स्वरग दूततुन दिसतुर अनि येसु मसिना बारेते ओनोर चेला लोकुरक सबोय जातिता लोकुरकुन वेहतुर। पजा लोकुरक ओनिगा विस्वास कितुरक। अनि परमेस्वर ओन स्वरगतिगा येतितुर। इदाम माक बाताल विस्वास किन्तोरोम अदेना खरोयिता रहस्य पकाय हजोर मन्ता। अनि इदेना बारेते बाताले शंका माकुन हिले।

१ तिमुति 3:9

अनि परमेस्वर बोद खरोय पोल्लो प्रगटकितुर ओद खरोय पोल्लोतुन सोबाय विस्वास केवाल मनिर।