इफिसुस 3:3 - Muria Far Western

³ ओद रहस्य योजना नावागा दिव्यदर्शनता द्वारा प्रगट आत इन्जोर नना मुनेय हुडुन्सा कोटतोना।

इफिसुस 3:3 Iomraidhean Croise

बुतोंग 22:17

पोलुस असा वेहतुर, “अनि पजा नना येरुसलेम सहेरतिगा असा वातान अनि नना मन्दिरतिगा प्रार्थना कियानपा प्रबु नाकुन इदाम पोल्लो इन्दाना उन्दि दरशन हुळतान:

बुतोंग 22:21

अनि प्रबु नाकुन इतुर: ‘हन, नना निकुन लक-लक मन्वालोरक यहुदि आयोर लोकुरा हेरे लोहका।’ ”

बुतोंग 23:9

असके पकाय गळबड आतु अनि परीसि दलतोर मूसाना नियमतुन करिहवालोरक निकेडाल हुचुलोरक निचुन इदाम इन्ज पोलुसिन साटि वळकिला लागतुरक: “माक येर मानेयनिगा बाताले दोष हुळोम, अनि बोदे आत्मा या स्वरगदूत ओनासंग वळक परान्ता” इन्जोर इतुर।

रोमि 11:25

हे नावोर बायि-दादालोरक, निमाट आपुनतुन हुश्यार समजेमायमाट इन्जोर निमाट परमेस्वरना द्वारा मकिहता रहस्यता पोल्लो पुन्ट इदाम नावा इच्चा मन्ता। अनि इस्रायेलतोर हुचुलोर लोकुरा मन कटोर आता। मति इद कटोर मन दरोज साटि हिले अनि बचोक यहुदि आयोर लोकुरकुन परमेस्वर आचतोरक ओरक सबोय लोकुरक परमेस्वरना हेरे वायनुर। अदेना पजा ओरा कटोर मन बदलेमायार इन्जोर परमेस्वरना द्वारा इदेकवनाह मकिहता रहस्य पोल्लो मन्ता।

रोमि 16:25

परमेस्वरना स्तुति आयि! येसु मसिना सोबाता पोल्लो नना मिकुन वेहान्तोना अदेना अनुसार परमेस्वरे येसु मसिना विस्वासते माकुन मजबुत बनेमायान साटि लाववाले मन्तोर। अनि येसु मसिना सोबाता पोल्लो युगानयुगताल परमेस्वर रहस्यता रुपते इरस मतोर अदेन परमेस्वर इदेक सबोय लोकुरक साटि तोहतुर। मुने परमेस्वरना पोल्लो वेहवालोरक ओरा पुस्तकतिगा येसु मसिना वायाना बारेते वेहच मतोरक।

२ कुरिन्थुस 12:1

हजोरपण कियानाते बाताले फायदा हिले मति हुचुक पोल्लोतिगा हजोरपण कियाना जरुरि मन्ता। इन्जोर नना प्रबुना द्वारा तोहता पोल्लोंग अनि प्रकाशनता बारेते इदेक तोहका।

गलाति 1:12

बाक्याकि ओद पोल्लो नना मानेयनिकेडाल स्विकार केवोन अनि नाकुन बोरे मानेय करहोर मति येसु मसिना प्रकाशनताल पुटता मन्ता।

इफिसुस 1:17

मावोर प्रबु येसु मसिना महिमातोर बाबो परमेस्वर मिकुन येसु मसिन बराबर पुन्दान साटि ग्यान अनि दिव्यदर्शनता आत्मा हेविर इन्जोर नना प्रार्थना किन्तोना।

इफिसुस 3:4

अदेन निमाट वाचेकियाकिट ते मसिना बारेता ओद रहस्यता योजनाता बारेते नाकुन समजेमायाना बचोन मन्ता इन्जोर निमाट पुन्द परान्तोरिट।

इफिसुस 3:6

यहुदिलोकुरक आयोर मसिना संगतिगा परमेस्वरना सोबाता पोल्लोतुन विस्वास किस यहुदि लोकुरासंग परमेस्वरना सबोय भलायिता वारिसदार आयिला पहाजे। यहुदि आयोर अनि यहुदिलोकुरक उन्दि मेन्दुलता अलग अलग भाग मन्ता अनि इद रन्ड दल येसु मसिना वाचाता आशिषतुन सहभागि आयिला पहाजे इन्जोर ओद रहस्य योजना मन्ता।

इफिसुस 3:9

सबोयतुन बेनहकेवाल परमेस्वरना मन्दिगा पकाय काळताल मकस मता ओद रहस्य योजनाता अर्थ बाताल मन्ता इन्जोर सबोय लोकुरकुन वेहान साटि इद दया नाकुन हितोर।

इफिसुस 6:19

अनि नना मसिना राजदूत आस परमेस्वरना सोबाता पोल्लो वेहान्तोना इन्जोर जेहलतिगा मन्तोना। नना परमेस्वरना सोबाता पोल्लो वेहाना बेरा सोबाता पोल्लोता रहस्य हिमतासंग वेहान साटि नाकुन पोल्लो पुटि,

कुलुसि 2:2

अनि परमेस्वरना रहस्य योजना मसि मन्तोर, ओद रहस्य योजनाता पुरा ग्यान समजेमायान साटि निमाट आपसता मयाते उन्दि आस मन्दुन हिमत पुटि इन्जोर नना इचोन हजोर मेहनत कियाला आतोना इदाम निमाट पुन्ट इन्जोर नावा इच्चा मन्ता।

कुलुसि 4:3

अनि मसिना बारेता ओद रहस्य योजनाता वर्णन लोकुरकुन वेहान साटि परमेस्वर सन्दि हेविर इन्जोर मावा साटि वने प्रार्थना किम्ट। नना इद सोबाता पोल्लो वेहतान इन्जोर इगा जहेलतिगा मन्तोना।

यहुदि 13:22

हे बायि-दादालोरक, नना मिकुन पकाय कमि पोल्लोते कोटतोना इव उपदेशता पोल्लोनुंग सहन किस येताट इन्जोर नना मिकुन विनन्ति किन्तोना।

१ पतरस 5:12

निमाट अनुभव किन्तोरिट इद दया परमेस्वरना खरोय दया आन्दु, अनि इदेनिगा निमाट स्थिर मन्ट इन्जोर मिकुन सल्ला किस गवाहि कियान साटि नना विस्वासयोग्य तमो समजेमान्तोना ओर सिलवानुसना द्वारा इव हुचुक पोल्लोंग पोल्लो कोटतोना।

२ पतरस 3:15

अनि आकरि न्यायता दन्डताल निमाट पिसान साटि इन्जोर प्रबु पोसोरिंग सहेन किस मन्तोर इदाम समजेमाम्ट। अदामे मावोर मायातोर तमो पोलुस वने ओद पिसानाता बारेते आपुनतुन परमेस्वरताल पुटता ओद ग्यानता अनुसार मिकुन कोटतोर।