इफिसुस 3:16 - Muria Far Western

¹⁶ ओर आपुना महिमाता पकाय हजोर धनता अनुसार आपुना पवित्र आत्माता द्वारा मिया मन्दा लावतुन मजबुत केविर इन्जोर,

इफिसुस 3:16 Iomraidhean Croise

मत्ति 6:13

अनि माकुन परिक्षाते अरिहमा, सयतानताल पिसहा; बाक्याकि राज्य, लाव अनि महिमा दरोज नियाय मन्ता। आमिन।’ ”

रोमि 2:29

अनि परमेस्वरना नियम सबोय मन्दे बोर मानेमान्तोर ओरे खरोय यहुदि मन्तोर; मूसाना नियमता कोटता कतना खरोय आयो मति पवित्र आत्माता द्वारा मन्दा पापता कतना खरोय कतना आन्दु। ओर मानेयना स्तुति आयो मति परमेस्वरनिकेडाल स्तुति आन्ता।

रोमि 7:22

अनि नावा मन्दे परमेस्वरना नियम पालन कियान साटि पकाय गिरदा मन्ता।

रोमि 9:23

अनि आपुना हजोर महिमातिगा सहभागि बनेकियान साटि परमेस्वर मुनेटाले तयार कितोर लोकुरकुन वने ओर बचोन महान मन्तोर इन्जोर तोहान साटि,

१ कुरिन्थुस 16:13

हे नावोर बायि-दादालोरक, निमाट हुशारते मन्ट, अनि विस्वासते स्थिर मन्ट अनि हिमतवाले बनेमाम्ट। अनि विस्वासतिगा लाव वाले बनेमाम्ट।

२ कुरिन्थुस 12:9

मति प्रबु नाकुन “नावा दया निया साटि आयार, कमजोरितिगा नावा लाव पकाय तोहान्तोना” इन्जोर इतुर। इन्जोर मसिना लाव नावागा मन्दान साटि नना पकाय गिरिदाते नावा कमजोरिता बारेते हजोरपण किन्तोना।

२ कुरिन्थुस 4:16

इन्जोर माक निराश आयोम आस मावा मेन्दुलता लाव कमि आसोर दान्ता ते वने मावा अन्तरात्मा दियांग दियांग पुनालताल पुनाल आसोर दान्ता।

इफिसुस 1:18

अनि मिकुन ओर केयतोर असके मियागा हिता आशा बाताल मन्ता अनि ओना पवित्र लोकुरा वारिसता महिमाता धन बाताल मन्ता इन्जोर निमाट पुन्दान साटि मिया मन्दा कोन्डांग तरयिंग इन्जोर नना प्रार्थना किन्तोना।

इफिसुस 1:7

येसु मसिना द्वारा ओना बलिदानता कारण मावा पापताल पिसाना मन्ता मन्जे मावा अपरादता मापि मन्ता। ओद परमेस्वरना पकाय दयाता अनुसार मन्ता।

इफिसुस 2:7

इदेनते परमेस्वरना अतुलय रूपता पकाय हजोर दया अनि दया येसु मसिना द्वारा माकुन हितुर इन्जोर परमेस्वरिन वायाना काळता सबोय लोकुरकुन इद पोल्लो तोहपरान्तोर।

इफिसुस 3:15

ओर बाबोना मुने मिन्डांग टेकेकिस प्रार्थना किन्तोना।

इफिसुस 3:8

अनि सबोय पवित्र लोकुरकनिगा नना हुडलोरताल हुडलोर मन्तोना मति यहुदि आयोर लोकुरकनिगा नाकुन मसिना अनन्त दनरुपि सोबाता पोल्लोतुन प्रचार कियाना,

इफिसुस 6:10

आकरिते प्रबुनिगा अनि ओना पकाय हजोर लावता प्रभावते लाववाले बनेमाम्ट।

फिलिप्पि 4:13

नाकुन लाव हेवाल येसु मसि मन्तोर इन्जोर इदाम सबोय परिस्थितिते ओना मदतते नाक इदाम सबोय किया परान्तोना।

फिलिप्पि 4:19

नावोर परमेस्वर येसु मसिना कारण मिया सबोय कमितुन परमेस्वर ओना पकाय हजोर धनसंपतिता अनुसार पुरा कियानुर।

कुलुसि 1:11

अनि ओना गिरदाता संग सबोय प्रकारते दिर अनि सहनशिलता तोह परकिट इन्जोर परमेस्वरना महिमाता लावता अनुसार सबोय प्रकारतांग सामर्थते लाववाले आसोर हन्ट।

कुलुसि 1:27

इद पकाय आश्चरय अनि महत्व पुर्ण रहस्यतुन बोर यहुदि लोकुर आयोर ओर लोकुरकुन वेहका इन्जोर परमेस्वर इच्चा कितुर। अनि ओद रहस्य मन्जे महिमाता आशा मन्ता ओर येसु मसि ओनागा विस्वास केवाल मियासंगे मन्तोर।

कुलुसि 2:2

अनि परमेस्वरना रहस्य योजना मसि मन्तोर, ओद रहस्य योजनाता पुरा ग्यान समजेमायान साटि निमाट आपसता मयाते उन्दि आस मन्दुन हिमत पुटि इन्जोर नना इचोन हजोर मेहनत कियाला आतोना इदाम निमाट पुन्ट इन्जोर नावा इच्चा मन्ता।

२ तिमुति 4:17

मति नावा वेहानाता द्वारा सबोय जातितोरक लोकुरक सोबाता पोल्लो केन्जान साटि प्रबु नाकुन लाव हिस नाकुन मदत कितुर। इन्जोर बदाम वरोर मानेय निरालता टोडिताल पिसान्तोर अदाम लेहका प्रबु नाकुन हायनाताल पिसिहतुर।

यहुदि 11:34

पयटेमाता किसिता पकाय तेजतुन पिहतुरक, दुश्मन लोकुरक ओरकुन हव्कान साटि कोसिस कितुरक मति ओरक ओरा तलवारता धारताल पिसतुरक, कमजोरितिगा लाववाले आतुरक, लळायितिगा वीर आतुरक, दुसरो देशता सयनिक लोकुरकुन पुळसितुरक।

१ पतरस 3:4

मति परमेस्वरना मुने पकाय हजोर किमत मन्ता कोमल अनि शान्त आत्माता बसकेय नाश आयो आयार इदाम साज पोन्डता ओद लोपाडा मानेय आयिला पहाजे।