इफिसुस 2:3 - Muria Far Western

³ ओरिगा माक सबोय लोकुरक पहले आपुना मन्दा खराब इच्चाता अनुसार ताकिन्दोम, मेन्दुलतुन अनि मन्दा इच्चातुन गिरदा किस दुसरो लोकुरा लेहका परमेस्वरना दन्ड येताना योग्य बालक मतोम।

इफिसुस 2:3 Iomraidhean Croise

मरकुस 4:19

अनि आपुना जिवनता बारेता चिन्ता अनि धनसंपतिते लोकुरकुन गिरदा पुटार इन्जोर ओद धनता दोखा अनि बोदे दुसरो चिजता लालुच अगा मिलेमास परमेस्वरना पोल्लोतुन नोवचान्तांग अनि अव नाश आसिन्तांग।

युहनाल 1:13

अनि मानेयना पिळिताल बदाम मानेयना इच्चा ते अनि मुत्ते इवुरा संबन्दते मरि जनम आन्तोर अदाम ओर परमेस्वरनोर मरक जनम आयोरक मति ओरक परमेस्वरनिकेडाल जनम आतुरक।

युहनाल 8:44

मिवोर बाबो सयतान आन्दुर अनि निमाट ओनोरे मरि आन्दिट। बोद इच्चा येर किन्तोर अदे निमाट कियाना इच्चा किन्तोरिट। ओर ते मुनेटाले हव्कवाल मन्तोर, अनि दरोज परमेस्वरना खरोय पोल्लोता विरोदि मन्तोर, बाक्याकि ओनागा बाराय खरोय हिले, ओर खोटाल मन्तोर अनि जुटाह वळकवालोरा बाबो आन्दुर। इन्जोर आपुना स्वभावते ओर खोटाल वळकान्तोर।

बुतोंग 14:16

होनेटा काळदे परमेस्वर सबोय जातितुन आपुना आपुना हरिते ताकिला हितुर।

रोमि 1:24

इन्जोर परमेस्वर ओरकुन आप आपुना मन्दा खराब इच्चाते हन्दिला हितुर। अनि ओर लोकुरक आप आपुना इच्चाते बुतो कितुर अनि ओरा बेकार विचारता कारण वरोर दुसरोना मेन्दुलतिगा अनादर कितुरक।

रोमि 11:30

निमाट मुने परमेस्वरना आग्यातुन मानेमायवि आन्दिट मति इदेक ओरक इस्रायेल लोकुरक परमेस्वरना आग्यातुन स्विकार केवोरक इन्जोर निमाट यहुद आयोर लोकुरकुन परमेस्वरना दया पुटता अदामे,

रोमि 13:14

मति बदाम प्रबु येसु मसिना जिवन मता अदामे जिवन निमाट वने जिवेमाम्ट। अनि आपुना मेन्दुलता पाप स्वभावता इच्चातुन पुरा कियाना कोसिस केमाट।

रोमि 2:14

मूसाना नियम हिलेर ओर यहुदि आयोर लोकुरक नियमता आग्या आपुना स्वभावतेय मानेमास ताकान्तोरक ते ओरा हेरे मूसाना नियम हिले ते वने आपुनास मानेमान्तोर। इन्जोर ओद नियम आपुनतुन मूसाना नियम लेहकाय मन्ता।

रोमि 5:10

बाक्याकि माक परमेस्वरना वेयरि मन्दानपा ओना मरिना हायानाता कारण माकुन असा परमेस्वरनासंग गोतियाह बनेहकितुर। इदेक माक परमेस्वरना गोतियाह मन्तोरोम ते मसिना जिवनता कारणते माक पिसाना पुटार इन्जोर जरुरि मन्ता।

रोमि 5:9

इन्जोर इदेक माक मसिना नतुरता कारण परमेस्वरना मुने येताना योग्य आतोम ते इदेक ओना द्वारा परमेस्वरना होंगते मन्ता ओद दन्डताल जरुर पिचिहकोम।

रोमि 6:12

इन्जोर निमाट पापता इच्चाता अनुसार ताकमाट इन्जोर मिया नाश आयवाल मेन्दुलतिगा पाप बसकेय अदिकार केमाकिर।

रोमि 7:18

नावागा बाताले सोबाता पोल्लोंग हिलेंग इन्जोर नना पुन्तोना। नना पाप स्वभावतोर मानेय मन्तोना। नना सोबाय पोल्लोंग कियाना इच्चा किन्तोना मति ओद सोबाय बुतो कियाला परोन।

रोमि 9:22

अदामे परमेस्वर होंग कियाना अनि आपुना लाव तोहाना अदिकार मन्ता। मति परमेस्वरना होंग किस बोरकुन नाश कियान साटि आचतोर ओरकुन परमेस्वर दिरजते सहेमास ओर लोकुरकुन दया किन्तोर।

१ कुरिन्थुस 4:7

इन्जोर दुसरोताल नना हजोर मन्तोना इदाम विचार कियान साटि निया हेरे विशेषाल बाताल मन्ता? ओद सबोय निकुन परमेस्वरनिकेडाल पुटता मन्ता। सबोय निकुन परमेस्वरनिकेडाल पुटतु ते पजा निमा नावा इद सबोय पोल्लोंग ननाय कमेहकितोना इदाम लेहका वळकस निमा आपुनतुन बाक्या हजोर किन्तोन?

२ कुरिन्थुस 7:1

इन्जोर हे नावोर बायि-दादालोरक, इव वाचांग माकुन पुटतांग इन्जोर वराट माक परमेस्वरना मुने आपुना मेन्दुलता अनि आत्माता अशुद्ध किन्ता पोल्लोंग सबोय हरचिस परमेस्वरतुन मानेमास पवित्रतातुन पुरा केविट।

गलाति 3:22

मति विस्वास किन्तोर लोकुरकुन परमेस्वर वाचा हिता पुनाल जिवन येसु मसिना पोरोयता विस्वासता द्वारा पुटहि इन्जोर मूसाना नियम सबोय लोकुरकुन पापता अदिकारता बन्दनते कितु।

इफिसुस 2:2

ओदेनते निमाट पहले आबारता दुष्टात्मांगता राजान अनि बोर आग्यातुन मानेमायोरक ओरिगा बुतोकिन्तोर ओव आत्मातुन केन्जुन इद सन्सारता गलति हरिते इद दुनियाता लोकुरा लेहका निमाट ताकसोर मतोरिट।

इफिसुस 4:22

निमाट आपुना पहलेटा चालचनता बारेते मिकुन दोखा हिन्द ओद जुनाल स्वभावतुन टन्डस हरचिम्ट इन्जोर करहितोरिट।

कुलुसि 1:21

निमाट येसु मसिना विस्वासते वायाना पहले आपुना खराब विचार अनि खराब बुतोंगता कारण परमेस्वरना हेरेटाल लक मतोरिट अनि ओनोर विरोदि मन्दिट।

१ तिस्लुनि 4:13

हे बायि-दादालोरक, बोर येसु मसिनिगा विस्वास किस हातोरक ओर लोकुरकना बारेते निमाट समजेमायिला पहाजे इन्जोर माक इच्चा किन्तोरोम। बाक्याकि येसु मसिनिगा विस्वास केवोर आस हातोर लोकुरकना बारेते बोदे आशा हिले। अनि निमाट ओरा लेहका दुःख किसुन मनमाट।

१ तिस्लुनि 5:6

इन्जोर निमाट अविस्वासि लोकुरक लेहका मिया हेरे बाताल बाताल आन्ता अदेना बारेते पुन्वाप लेहका मनमाट मति निमाट पकाय ध्यान किसुन आपुना मन अनि मेन्दुलतुन नियन्त्रन किसोरिन मन्ट।

१ तिमुति 6:9

अनि सावकार आयाना इच्चा किन्तोर ओर लोकुरक परिक्षातिगा अनि नाशता फन्दातिगा अरस पकाय व्यर्थ अनि दोखाता लालचते ओरा नाश आयार अनि परमेस्वर ओरकुन सोळेकियानुर।

तितुस 3:3

अनि माक वने येसु मसिन विस्वास कियानाता मुने निरबुद्धि, परमेस्वर अनि मानेयना आग्यानुंग मानेमायोम आन्दोम, असके माक खरोय हरितुन लेस मतोरोम अनि मन्दा पकाय खराब विचार अनि पाप कियानाता विचारता नियत्रणते मतोम अनि माक एका-मेका होंगते मतोम, हेवा किन्दोम, दुसरो लोकुरक माकुन होंग किन्दुरक अनि माक वने ओरकुन होंग किन्दोम।

१ पतरस 1:14

निमाट परमेस्वरना आग्या मानेमायवाल बालक मन्तोरिट इन्जोर निमाट अळानि मन्तोरिट ओद बेरा मियागा मता खराब इच्चाता पालन केमाट।

२ पतरस 2:14

ओर लोकुरक व्यभिचारता इच्चाते सबोय लोकुरकुन दरोज हुळान्तोर अनि इदाम पाप कियाना ओरा इच्चा बसकेय बन्द केवोर आयनुरक। अनि मसिना विस्वासते कमजोर मन्तोरक चन्चल मनवालोर लोकुरकुन ओर लोकुरक पाप कियाना साटि फसेह किन्तोर। अनि ओरा लालुचता जरुरतुन पुराकियान साटि ओर लोकुरक सबोय पोल्लोंग पुन्तोरक। अनि परमेस्वर ओरकुन दन्ड हियानुर।

२ पतरस 2:18

ओरक खराब बुतो किस-किस जिवित मन्वालोर लोकुरकनिकेडाल पकायि मुसकिलते इदेक पिसिस वातोर ओर लोकुरकुन, येरक बेकार हजोरपणता पोल्लोंग वळकस वळकस आपुना शारिरिक इच्चाता खराब बुतो कियाना साटि फसेकिहिन्तोरक।

१ युहनाल 2:16

बाक्याकि दुनियाता बोदायि खराब इच्चा अनि कोन्डाना इच्चा अनि जिवाता घमन्ड ओद बाबो परमेस्वरनिकेडाल आयो मति दुनियाताल मन्ता।

१ युहनाल 2:8

ते वने नना मिकुन पुनाल आग्या कोटान्तोना अनि इदेना खरोय येसु मसिनिगा अनि मियागा मन्ता बाक्याकि बदाम आन्दार मायसोर दान्ता अदाम लेहका पाप अनि खरोयता बारेता अन्जान कम आसोर मन्ता अनि बदाम वेळिचि मान्जिला आता अदामे परमेस्वरना बारेता खरोय मान्जिला आता।