इफिसुस 2:21 - Muria Far Western

²¹ ओनिगा निमाट विस्वासु लोकुरक सबोय रचेकिता इटांग लेहका उन्दि मिलेमास प्रबुनिगा पवित्र मन्दिर आस बरसोर दानता,

इफिसुस 2:21 Iomraidhean Croise

१ कुरिन्थुस 3:9

माक परमेस्वर साटि बुतो केवाल संगवारि आन्दोम अनि निमाट परमेस्वरना डन्ड लेहका अनि परमेस्वर बनेकियाला आतोर उन्दि लोन लेहका मन्तोरिट।

२ कुरिन्थुस 6:16

अनि मूरतिहनासंग परमेस्वरना मन्डिलिता बाताल संबन्द मन्ता? बाक्याकि माक जिवित परमेस्वरना मन्दिर आन्दोम। “नना ओरासंग मनका अनि ओरासंग ताकिका; अनि नना ओरा परमेस्वर आयिका अनि ओरक नावोर लोकुरक आयनुरक” इदाम परमेस्वर इतोर इन्जोर पवित्र पुस्तकतिगा कोटता मन्ता।

कुलुसि 2:19

बदाम तला मेन्दुलतुन नियत्रण किन्ता अदामे मसिलोकुरा सभाता तला आस सबोय विस्वासि लोकुरकुन मसि नियन्त्रन किन्तोर। मति इदाम खोटाल पोल्लो पळकवाल लोकुरक मसिना बारेता खरोयतुन बराबर विस्वास किस करहोर। सबोय मेन्दुल तलाता नियत्रणते जोळक अनि नस्कना द्वारा पालन-पोषन आस अनि सबोय मेन्दुल उन्दिय आस बरसोरिंग दान्ता। अदामे येसु मसिना संबन्दते आपुना मेन्दुल मन्ता मसिलोकुरा सभाता विस्वासि लोकुरक परमेस्वरना योजनाता अनुसार परमेस्वरना बारेते समजेमास बरसोर दान्तोरक।

१ तिमुति 3:15

परमेस्वरना परिवारतिगा वरोर मानेय बदाम मन्दान इन्जोर नाकुन वायान साटि पकाय बेरा आयार ते इद निमाट समजेमायिला पहाजे। बाक्याकि परमेस्वरना परिवार मन्जे जिवित परमेस्वरना मसिलोकुरा सभा मन्ता। अनि इगा सबोय विस्वासि लोकुरक विस्वासता पायवा अनि खम्बा लेहका मन्तोरक। अनि बदाम पायवा अनि खम्बा पुरा लोतुन लाव हिन्ता अदामे मसिलोकुरा सभाता विस्वासि लोकुरक सोबाता पोल्लोतुन लाव हिन्तोरक।