इफिसुस 2:16 - Muria Far Western

¹⁶ अनि कुरुस पोरो हासुन यहुदि अनि यहुदि आयोर लोकुरा वेयरतुन नाश किस मसि इवुरासकुन पुनाल मेन्दुल बनेकिस अदेना द्वारा ओरकुन परमेस्वरिन मिलेह केविर इन्जोर।

इफिसुस 2:16 Iomraidhean Croise

रोमि 5:10

बाक्याकि माक परमेस्वरना वेयरि मन्दानपा ओना मरिना हायानाता कारण माकुन असा परमेस्वरनासंग गोतियाह बनेहकितुर। इदेक माक परमेस्वरना गोतियाह मन्तोरोम ते मसिना जिवनता कारणते माक पिसाना पुटार इन्जोर जरुरि मन्ता।

रोमि 6:6

माक असा पापता दास मनोम आयकोम इन्जोर पापते निन्दिता मावा मेन्दुल नाश आयान साटि मावा जुनाल पापि स्वभावता मानेय मसिनासंग कुरुसतिगा अन्जिहतोर इन्जोर माक पुन्तोरोम।

रोमि 8:3

मूसाना नियम माकुन मुक्ति हिया परो बाक्याकि मावागा पाप कियाना इच्चा किस मावागा पाप अदिकार किसोर मता इन्जोर नियमतुन पालन किया परो आतोम। इन्जोर परमेस्वर आपुना मरि येसु मसिन माक पाप केवाल मानेयना मेन्दुलता रुपते मानेयना पापता बलिदान साटि दुनियातिगा लोहतुर। इदाम येसु मसिना मेन्दुलता बलिदानता द्वारा मानेयकनिगा मता ओद पापता अदिकारतुन परमेस्वर मसिना मानेयना रूपता ओदे मेन्दुलतिगाय न्याय किस बन्द कितुर।

रोमि 8:7

पापि स्वभावता अनुसार जिवे मान्तोरक ओर लोकुरक परमेस्वरना दुश्मन मन्दानुरक बाक्याकि ओरक परमेस्वरना नियमता अदिकारते मनोरक अनि परमेस्वरना नियमता अदिकारते मन परोरक।

१ कुरिन्थुस 10:17

रोटि उन्दि मन्ता। माक उन्दि रोटितुन किळिहिच तिन्तोरोम इन्जोर माक पकाय लोकुरक मन्ज वने माक उन्दिय मेन्दुल बनेमान्तोरोम।

गलाति 2:20

नना मसिनासंग कुरुस पोरो मन्तोना; इन्जोर नावा जुनाल मानेयना पापता स्वभाव बन्द आत मति मसिहा नावागा जिवित मन्तोर। अनि नना मेन्दुलतिगा इदेक जिवित मन्तोना ते केवल नाकुन मया किस नावा साटि आपुनतुन हितुर ओर परमेस्वरनोर मरिना विस्वासते जिवित मन्तोना।

इफिसुस 2:15

उन्दि वेटाड लेहका लोकुरकुन अलगो किस मता येहुदि लोकुरा सबोय नियम अनि अदेना आदेशता कानुनतुन येसु मसि आपुना बलिदानता द्वारा बन्द कितुर।

इफिसुस 3:6

यहुदिलोकुरक आयोर मसिना संगतिगा परमेस्वरना सोबाता पोल्लोतुन विस्वास किस यहुदि लोकुरासंग परमेस्वरना सबोय भलायिता वारिसदार आयिला पहाजे। यहुदि आयोर अनि यहुदिलोकुरक उन्दि मेन्दुलता अलग अलग भाग मन्ता अनि इद रन्ड दल येसु मसिना वाचाता आशिषतुन सहभागि आयिला पहाजे इन्जोर ओद रहस्य योजना मन्ता।

इफिसुस 4:4

बसके मिकुन केयस मतोर ते उन्दिय आशासाटि केयस मतोर इदामे उन्दिय मेन्दुल अनि उन्दिय आत्मा मन्ता।

कुलुसि 2:14

अनि मावा दन्डता कारण आस मावा विरुद कोटता मता ओद सबोय नियमतुन ओर मावा नडुमताल गुचिहच अदेन कुरुस पोरो कोहक्स मावा पापतुन मापि हिस ओनासंग माकुन जिवे किसिहतुर।

कुलुसि 3:15

निमाट सबोय लोकुरक मसिना मेन्दुलता भाग मन्तोरिट। अनि शान्तिते मन्दान साटि परमेस्वर मिकुन आचतुर इन्जोर मसिना शान्ति मिया विचारतुन नियत्रण केवि। अनि दरोज धन्यवाद किसोर मन्ट।