इफिसुस 2:1 - Muria Far Western

¹ निमाट पापते अनि परमेस्वरना विरुद किता आपुना गलतिता कारणते हास मतोरिट। अगडाल येसु मिकुन जितो कितुर।

इफिसुस 2:1 Iomraidhean Croise

मत्ति 8:22

मति येसु ओन, “निमा नावा परके वाय, अनि हातोरक आपुना हातोर लोकुरा मुरदा मिसिला हिम” इन्जोर इतुर।

लूका 15:24

बाक्याकि येर नावोर मरि पापते हास मतोर, मति इदेक पापतुन हरचुन, जिवेमातोर; मायस मतोर, इदेक कलिय्तोम’ इदाम इतुर अनि इदाम ओरक पकाय गिरदा आतुरक।”

लूका 15:32

मति येर निवोर तमो पापते हास मतोर, मति इदेक पाप कियाना हरचुन जिवेमातोर, मायस मतोर इदेक ओन कलिय्ताट’ इन्जोर गिरदा आसुन सोबाय मन्दिला पहाजे।”

युहनाल 10:10

अनि कलेर वान्तोर ते केवल बेळानुंग कलिला अनि हव्कसुन नाश कियान साटि वान्तोर मति नना अवेकुन जिवन हियान साटि वातोना अनि नना हिन्तोना ओद जिवन पकाय अनि सोबाय मन्ता।

युहनाल 14:6

अनि येसु ओन इतुर, “हरि अनि खरोय अनि जिवन ननाय आन्दान। अनि नावा सिवायि बोरायि बाबोना हेरे अविला परोर।

युहनाल 5:21

बदाम बाबो हातोर लोकुरकुन जितो किन्तोर अदामे मरि वने बोनागा इच्चा किन्तोना ओन जितो किन्तोना।

युहनाल 5:25

अनि येसु ओरकुन असा इतुर, “मिकुन खरोय खरोय इन्तोना, हातोर लोकुरक नना परमेस्वरनोर मरिना पोल्लोंग केन्जुन बोरक मानेमान्तोरक ओरक जिवेमायनुरक ओद बेरा वायिला आता; अनि ओद बेरा इदेक वाता।

रोमि 8:2

येसु मसि हिन्तोर ओर पवित्र आत्मा माकुन जिवन हिन्तोर। ओर पवित्र आत्मा मिकुन पापता अदिकारताल अनि पापता द्वारा वान्ता हायानाता योग्य दन्डताल स्वतन्त्र किन्तोर।

१ कुरिन्थुस 15:45

इन्जोर “पुरकातोर मानेय आदम जिवित मानेय आतुर” इन्जोर परमेस्वरना पवित्र पुस्तकतिगा कोटता मन्ता। अनि आकरि आदम मन्जे येसु मसि ओद आत्मिक मेन्दुलतुन मन्जे स्वरगतिगा मन्दाना योग्य मेन्दुल हेवाल आतुर।

२ कुरिन्थुस 5:14

वरोर मानेय मन्जे मसि सबोय लोकुरक साटि हातोर ते सबोय लोकुरक हातोरक इदाम माक सोबाय पुन्तोरोम इन्जोर मसिना मया माकुन उत्साहित किन्ता।

इफिसुस 4:18

ओरक परमेस्वरना बारेते बराबर पुनोर अनि परमेस्वरना बारेते समजेमायान साटि ओरकुन इच्चा हिले इन्जोर ओर अदेन पकाय विरोद किस परमेस्वर आपुना लोकुरकुन हिन्तोर ओद पुनाल जिवनताल ओरक लक हतुरक।

इफिसुस 5:14

इन्जोर ओर इदाम इन्तोर, “हे हुन्जवाल, हातोर निगाडाल जिवे माम; ते मसिना वेळिचि नियागा चमकेमायार।”

कुलुसि 2:13

निमाट परमेस्वरनिगा विस्वास कियाना पहले पाप किसोर मन्दिट बाक्याकि आपुना पापि स्वभावतुन कदियवाय मतोरिट इन्जोर आत्मिक रुपते निमाट हास मतोरिट। मति मावा सबोय पापतुन मापि हिस परमेस्वर मिकुन मसिनासंग जिवेहकितुर।

१ तिमुति 5:6

अनि बोदे रान्डि आसक आपुना भोगविलास साटि मन्दार ते ओव रान्डि आसक जिवोत मन्ज वने ओव आत्मिक जिवाते हातोर लेहका मन्तांग।

१ युहनाल 3:14

अनि माक हायानाताल पार आस जिवनते अवतोम इन्जोर तमोहकुन मया इरानाता कारण माक पुन्तोराट। अनि मया इरोर ओर हायानाता अदिकारता अडिय मन्तोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:1

“सरदिस सहेरता मसिलोकुरा सभाता दूततुन इद कोटा: परमेस्वरना सात आत्मांग अनि सात हुकोंग मन्तोर ओर इदाम इन्तोर: नना निया बुतोंगतुन पुन्तोना, निकुन जितो इन्तोरक मति निमा हास मन्तोन।