इफिसुस 1:7 - Muria Far Western

⁷ येसु मसिना द्वारा ओना बलिदानता कारण मावा पापताल पिसाना मन्ता मन्जे मावा अपरादता मापि मन्ता। ओद परमेस्वरना पकाय दयाता अनुसार मन्ता।

इफिसुस 1:7 Iomraidhean Croise

मत्ति 20:28

नना मानेयतोर मरि नावा सेवा किहाना साटि आयो मति नना दुसरोना सेवा कियान साटि अनि पापता बन्दनते मतोरक पकाय लोकुरकुन लेहचियान साटि आपुना जिवा अदेना किमत आस हेविर इन्जोर वातान।”

मत्ति 26:28

इद नावा नतुर आन्दु, इदेनते परमेस्वर आपुना लोकुरासंग उन्दि पुनाल करार बनेकितोर। अनि इद पकाय लोकुरा पापता मापि साटि पसियता मन्ता।

मत्ति 6:12

अनि माक आपुना दोषिहकुन मापि कितोम अदामे निमा वने मावा दोषतुन मापि किम।

मरकुस 14:24

अनि येसु ओरकुन इतुर, “इद नावा नतुर आन्द, इद नतुर पकाय लोकुरक साटि किता बलिदान मन्ता। इद नतुरते परमेस्वर आपुना लोकुरासंग किता करारतुन मजबुत किन्तोर।

लूका 1:77

मावोर परमेस्वरना पकाय हजोर दयाते ओना लोकुरकुन परमेस्वरना पापता मापि मिलेमास पिसाना पुटान साटि निमा परमेस्वरना लोकुरकुन बुद्धि वेहचुन प्रबुना हरि तयार कियान साटि निमा ओना मुने मुने दाकि,

लूका 24:47

अनि येसु मसिना पोरोयदे लोकुरकला मन्दुन परमेस्वरनिके मलस ततान साटि पापताल मुक्ति हियाना इद सन्देश्तुन येरुसलेम सहेरतिगाडाल सुरुकिस सबोय जातितोरक लोकुरकनिगा वेहिला पहाजे इन्जोर पवित्र पुस्तकतिगा कोटताल मन्ता।

युहनाल 20:23

अनि बोरा पापतुन निमाट मापि कियाकिट ओरा पाप मापि आता; अनि बोना पाप निमाट मापि केविट ओरा पाप अदामे मन्दार।”

बुतोंग 10:43

ओनिगा विस्वास किन्तोर बोरे मानेयतुन ओना पोरोयता द्वारा पापतुन मापि पुटार इन्जोर सबोय परमेस्वरना पोल्लो वेहवालोर गवाहि हिन्तोरक।”

बुतोंग 2:38

पतरस ओरकुन इतुर: “मियागडाल सबोय लोकुरक आप आपुना पापता मापि साटि पाप कियाना बन्द किस परमेस्वरना मुने मलस वास येसु मसिना पोरोयते बपतिस्मा येताट अनि मिकुन पवित्र आत्मातुन दान आस पुटार।

बुतोंग 20:28

इन्जोर आपुनतुन अनि बेळांग लेहका मन्ता मसिलोकुरा सबोय सभातुन चवकसि किम्ट। परमेस्वर आपुनोर मरिना नतुर हिस असतोर परमेस्वरना बेळांग लेहका मन्ता मसिलोकुरा सभातुन केपान साटि पवित्र आत्मा मिकुन अध्यक्ष ठहरे कितोर।

बुतोंग 3:19

पाप कियाना बन्द किस परमेस्वरनिके मलस वायकिट ते मिया पापतुन मापि पुटि,

रोमि 2:4

परमेस्वरना दया निया मन्दुन पस्तेमायाना करहो इन्जोर समजेमास ओना दया सहनशिलता अनि धिरजतुन निमा तुच्च समजेमान्तोन बहे?

रोमि 3:24

मति परमेस्वरना दयाते येसु मसिना द्वारा पापता बन्दनताल लेहचिस फुकोटते पुटता उन्दि बकसिस लेहका माकुन परमेस्वरना मुने येताना योग्य ठहरे किन्तोर।

रोमि 3:25

परमेस्वर मावा पापता गुना निहान साटि येसु मसिन दुनियातिगा लोहतुर। ओर मावा पापताल पिसहान साटि नतुर हिस बलिदान आतुर। अनि ओर मावा साटि नतुर हिस बलिदान आतुर इन्जोर माक विस्वास कियाकाट ते ओर मावा पापतुन मापि किस परमेस्वरना मुने येतानाता योग्य बनेकिन्तोर। अनि आपुना स्वभावते ओर लोकुरक मुने किता पापतुन दन्ड हेवाय तासिस पापि लोकुरकुन मापि किस परमेस्वर आपुना दारमिकता तोहान्तोर,

रोमि 9:23

अनि आपुना हजोर महिमातिगा सहभागि बनेकियान साटि परमेस्वर मुनेटाले तयार कितोर लोकुरकुन वने ओर बचोन महान मन्तोर इन्जोर तोहान साटि,

१ कुरिन्थुस 1:30

परमेस्वरे मिकुन येसु मसिनसंग मिलेह कितुर अनि परमेस्वर मसिन मावोर ग्यान बनेकितुर। मसि माकुन परमेस्वरना मुने येताना योग्य अनि परमेस्वरना पवित्र लोकुरक बनेकिस माकुन पापता सबोय बन्दनताल लेहच हितुर।

२ कुरिन्थुस 8:9

मावोर प्रबु येसु मसि सावकार मन्ज वने ओना गरिब आयानाते निमाट सावकार आयकिट इन्जोर ओर मिया साटि गरिब आतुर ओना ओद दयातुन निमाट पुन्तोरिट।

इफिसुस 1:14

परमेस्वर आपुना लोकुरा संपुर्ण पिसाना साटि मावा वारिसता बयाना मन्ता इन्जोर पवित्र आत्माता द्वारा ओर माकुन शिक्का किस मतोर। ओना महिमाता स्तुति आयि।

इफिसुस 1:18

अनि मिकुन ओर केयतोर असके मियागा हिता आशा बाताल मन्ता अनि ओना पवित्र लोकुरा वारिसता महिमाता धन बाताल मन्ता इन्जोर निमाट पुन्दान साटि मिया मन्दा कोन्डांग तरयिंग इन्जोर नना प्रार्थना किन्तोना।

इफिसुस 1:6

ओन आपुना मायातोर मरिना द्वारा माकुन फुकोटते हिता ओना पकाय दयाता स्तुति आयि।

इफिसुस 1:8

अनि ओद ओर मावा साटि सबोय ग्यान अनि समजेमायानातासंग माकुन हितुर।

इफिसुस 2:4

मति परमेस्वर पकाय दयावाले मन्तोर अनि ओना हजोर मयाता कारण ओर माकुन पकाय मया कितुर।

इफिसुस 2:7

इदेनते परमेस्वरना अतुलय रूपता पकाय हजोर दया अनि दया येसु मसिना द्वारा माकुन हितुर इन्जोर परमेस्वरिन वायाना काळता सबोय लोकुरकुन इद पोल्लो तोहपरान्तोर।

इफिसुस 3:16

ओर आपुना महिमाता पकाय हजोर धनता अनुसार आपुना पवित्र आत्माता द्वारा मिया मन्दा लावतुन मजबुत केविर इन्जोर,

इफिसुस 3:8

अनि सबोय पवित्र लोकुरकनिगा नना हुडलोरताल हुडलोर मन्तोना मति यहुदि आयोर लोकुरकनिगा नाकुन मसिना अनन्त दनरुपि सोबाता पोल्लोतुन प्रचार कियाना,

फिलिप्पि 4:19

नावोर परमेस्वर येसु मसिना कारण मिया सबोय कमितुन परमेस्वर ओना पकाय हजोर धनसंपतिता अनुसार पुरा कियानुर।

कुलुसि 1:14

ओनिगा पापताल लेहचियाना मन्ता मन्जे माकुन पिसाना मन्ता।

कुलुसि 1:27

इद पकाय आश्चरय अनि महत्व पुर्ण रहस्यतुन बोर यहुदि लोकुर आयोर ओर लोकुरकुन वेहका इन्जोर परमेस्वर इच्चा कितुर। अनि ओद रहस्य मन्जे महिमाता आशा मन्ता ओर येसु मसि ओनागा विस्वास केवाल मियासंगे मन्तोर।

कुलुसि 2:13

निमाट परमेस्वरनिगा विस्वास कियाना पहले पाप किसोर मन्दिट बाक्याकि आपुना पापि स्वभावतुन कदियवाय मतोरिट इन्जोर आत्मिक रुपते निमाट हास मतोरिट। मति मावा सबोय पापतुन मापि हिस परमेस्वर मिकुन मसिनासंग जिवेहकितुर।

कुलुसि 2:2

अनि परमेस्वरना रहस्य योजना मसि मन्तोर, ओद रहस्य योजनाता पुरा ग्यान समजेमायान साटि निमाट आपसता मयाते उन्दि आस मन्दुन हिमत पुटि इन्जोर नना इचोन हजोर मेहनत कियाला आतोना इदाम निमाट पुन्ट इन्जोर नावा इच्चा मन्ता।

१ तिमुति 2:6

ओर सबोय लोकुरा पापता पिसाना साटि आपुना जिवनतुन कुरुसतिगा बलिदान हितुर लेहचियानाता इद गवाहि परमेस्वर सबोय लोकुरकुन खरोय बेराते हितुर।

तितुस 2:14

अनि मावा गलतिताल पिसान साटि अनि भलाता बुतो कियान साटि पकाय तयार मन्तोर लोकुरकुन आपुना साटि शुद्धि कियालाय येसु मसि मावा साटि हातुर।

तितुस 3:6

अनि परमेस्वर मावा साटि पिसिहवाल येसु मसिना द्वारा मावागा पवित्र आत्मातुन पकाय हितोर।

यहुदि 9:22

अनि मूसाना नियमता अनुसार सबोय चिजक नतुरता द्वारा शुद्ध आन्ता; अनि नतुरता बलि हेवाय पापतुन मापि पुटो।

१ पतरस 2:24

माक पाप संबन्दताल हास दारमिकता साटि जिवन जिवेमायकाट इन्जोर ओर आपुना मेन्दुलतिगा मावा पापतुन येचुन कुरुस पोरो अन्जतोर, ओना मार तिन्दानाता कारण निमाट चंगा आतोरिट।

१ पतरस 3:18

बाक्याकि मसिहाल वने माकुन परमेस्वरना संबन्दते ओयिर इन्जोर ओर निरदोष मतोर ते वने माक पापि लोकुरक साटि उन्दि बेरा दुःख ताहतुर। अनि मेन्दुलते ओन हायानाता दन्ड पुटतु मति पवित्र आत्माता लावदे ओन असा जितो कितुर।

१ युहनाल 2:12

हे बालक, येसुना अदिकारते अनि येसु मावा साटि किता बुतोता द्वारा मियांग पाप मापि आतांग इन्जोर नना मिकुन कोटान्तोना।

१ युहनाल 2:2

अनि ओरे मावोर पापता प्रायश्चित मन्तोर अनि केवल मावोर पापता साटि आयो मति सबोय लोकुरा पापता साटि ओर प्रायश्चित मन्तोर।

१ युहनाल 4:10

अनि माक परमेस्वरदुन मया केवोम मति ओर माकुन मया कितुर अनि मावा पापता प्रायश्चित साटि आपुनोर मरिन लोहतुर इदेनते ओर आपुना मया प्रगट कितुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:4

येरक कुवाराह मन्तोरक इन्जोर आळदासंग मेन्दुलता संबन्द केवोरक। बगाय बेळा पिला दान्तोर ओरक ओना परके दान्तोरक मति येरकुन परमेस्वर साटि अनि बेळा पिला साटि पहले काया आयान साटि मानेयनिकेडाल अस ततोर आन्दुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 5:9

ओरक इदाम उन्दि पुनाल पाटा ओयिला लागतुरक: “इद गुन्डे किस मता ओद पुस्तकतुन येतान साटि अनि इदेना शिल देहान साटि निमा योग्य मन्तोन, बाक्याकि निकुन कदियतोर अनि निया नतुरते सबोय गोत्रताल अनि बोलिताल अनि लोकुरकनिकेडाल अनि सबोय जातितोर लोकुरकनिकेडाल परमेस्वर साटि लोकुरकुन निमा असतोन।