इफिसुस 1:5 - Muria Far Western

⁵ येसु मसिना कारण माकुन ओना मरक लेहका दत्तक कियाना साटि, ओना इच्चा अनि गिरदा अनुसार ओर माकुन पकाय पहलेय ठहरे कितुर,

इफिसुस 1:5 Iomraidhean Croise

मत्ति 1:25

अनि ओद पेकान जनम हेवो अचोन वनाह अदेन इटोर आतुर, ओद पेकान जनमा हितु असके ओना पोरोय येसु इरतुरक।

मत्ति 11:26

इंगो, हे बाबो, इदाम आयाना निकुन सोबाय लागतु।

लूका 10:21

अनि अचोन बेरा येसु पवित्र आत्माते पकाय गिरदा आसुन इतुर, “हे बाबा, स्वरगतोर अनि दरतितोर प्रबु, निमा इव सबोय पोल्लोनुंग ग्यानि लोकुराताल अनि समजदार लोकुराताल मकिहच इरस मतोन, अनि परमेस्वरनिगा खरोय विस्वास कियाना इच्चा मन्तोरक बालक लेहका मन्तोरक ओरक नम्र स्वभावतोर लोकुरकुन निमा तोहिति इन्जोर नना निया धन्यवाद किन्तोना। इंगो, हे बाबा, अदेय पोल्लो निकुन सोबाय लाकत।

लूका 11:32

अनि निनवे देशतोरक लोकुरक न्यायता दिया इद पिळितोरक लोकुरासंग निचुन ओरकुन दोष लावेकियानुरक; बाक्याकि निनवे देशतोरक लोकुरकुन योनाल परमेस्वरना पोल्लोतुन वेहतुर, अनि ओरक केन्जुन आपुना पापताल पस्तेमातुरक, मति हुळाट, योनाताल वने पकाय हजोर मानेय इगा मन्तोर, मति ओना पोल्लोतुन निमाट केन्जविट। ओर मानेय नना आन्दान।”

लूका 12:32

येसु असा इतुर, “हे परमेस्वर साटि अलगो कितोरक विस्वासि लोकुरक, निमाट हुचुलोरे मन्तोरिट मति वरियमाट, बाक्याकि मिवोर स्वरगतोर बाबाल स्वरग राज्य मिकुन हियान साटि मिया पोरो गिरदा मन्तोर।

युहनाल 1:12

मति हुचुक लोकुरक ओन स्विकार कितुर अनि ओनागा विस्वास कितुरक। ओरकुन परमेस्वरना मरि आयाना अदिकार हितुर।

युहनाल 11:52

अनि केवल यहुदिलोकुरक साटि आयो मति सबोय दुनियातिगा परमेस्वरनिगा विस्वास केवालोरक मन्तोरक ओर सबोयलोरकुन उन्दि कियान साटि ओर हायवाल मन्तोर।

युहनाल 20:17

अनि येसु अदेन इतुर, “नाकुन पयस इरमा बाक्याकि नना इदेकवनाह पोरो बाबोना हेरे हनोने मति निमा नावोर तमोहना हेरे हन्जुन ‘नना आपुनोर बाबो अनि मिवोर बाबो अनि आपुनोर परमेस्वर अनि मिवोर परमेस्वरना हेरे पोरो दान्तोना इन्जोर ओरकुन वेहा।’ ”

बुतोंग 13:48

यहुदि आयोर लोकुरक इद केन्जचुन गिरदा आस परमेस्वरना पोल्लोतुन महिमा कियाला लागतुरक। अनि अनन्त जिवन साटि ठहरेकिस मतोर सबोय लोकुरक पोलुस वेहता ओद पोल्लो विस्वास कितुरक।

रोमि 8:23

अनि केवल इद सृष्टि आयो मति परमेस्वरताल मुने वरदान आस पवित्र आत्मातुन पुटता माक वने आपुना मेन्दुलतुन पिसान साटि मन्जे ओना बालपोस मरक आयान साटि किलसोर हर हुळसोर मन्तोरोम।

१ कुरिन्थुस 1:1

येसु मसिनोर खास चेला आस परमेस्वर आपुना इच्चाते आचतोर नना पोलुस, अनि नावा संगे मन्तोर मावोर तमो सोस्तनेस वने कुरिन्थुस सहेरतिगा मनवालोरक मसिलोकुरा सभा साटि,

१ कुरिन्थुस 1:21

परमेस्वर खरोय ग्यानि मन्तोर। ओर परमेस्वर लोकुरक बचोने ग्यानि मनिरक ते वने ओरक आपुना ग्यानते ओन पुन्दिला परोर इदाम ओरकुन पुनपरवाहका कितुर। इदेना बदला परमेस्वरतुन पुनोर लोकुरक बेकार इन्तोर माक वळकिन्तोरोम मसिना बारेते ओद सोबाता पोल्लोतिगा विस्वास केवालोरकुन पिसहाना परमेस्वरतुन सोबाय लाकतु।

२ कुरिन्थुस 6:18

“नना मियोर बाबो आयका अनि निमाट नावोर बालक आयकिट इन्जोर सबोयताल लाव वाले प्रबु परमेस्वर वेहिन्तोर।”

गलाति 3:26

बाक्याकि येसु मसिनिगा विस्वासता द्वारा निमाट सबोय लोकुरक परमेस्वरना बालक आयकिट।

इफिसुस 1:11

आपुना इच्चाता अनुसार सबोय पोल्लोतुन पुरा किन्तोर ओर आपुना योजनाता अनुसार मसिनिगा माकुन पहलेटाले आचतुर।

इफिसुस 1:9

परमेस्वर आपुना मन्दे इरस मता ओद रहसय योजनातुन येसु मसिना द्वारा आपुना गिरदाता अनुसार माकुन प्रगट कितुर।

फिलिप्पि 2:13

बाक्याकि परमेस्वरे आपुना इच्चाते मिया मन्दिगा ओना गिरदाता पोल्लोंग कियान साटि इच्चा अनि लाव हिन्तोर।

कुलुसि 1:19

बाक्याकि आपुना सबोय परिपूर्णता ओनागा मनि,

२ तिस्लुनि 1:11

इन्जोर मावोर परमेस्वर मिकुन केयतुर ओद केयानाता योग्य अनुसार हन्दान साटि मदत केविर, अनि सबोय इच्चा अनि विस्वासता सबोय बुतोतुन सोबाय पुराकियान साटि परमेस्वर मदत केविर इन्जोर माक मिया साटि दरोज प्रार्थना किन्तोरोम।

यहुदि 2:4

अनि परमेस्वर वने चिन्हांग, अनि अत्भुत बुतोंग अनि अलग अलग प्रकारता लावता बुतोते अनि आपुना इच्चाता अनुसार पवित्र आत्माता वरदानकुन तुसानाता द्वारा पिसानाता पोल्लो वेहवालोरा ओव पोल्लोतुन परमेस्वर पका कितुर।

१ युहनाल 3:1

हुळाट माक परमेस्वरनोर बालक इन्दान साटि मावोर परमेस्वर बाबो माकुन बचोन हजोर मया कितोर। अनि माट खरोय परमेस्वरनोर बालक मन्तोराट! अनि इद दुनिया येसु मसिन बोर आन्दुर इन्जोर पुनो, इन्जोर दुनिया माक वने बोर आन्दोम इन्जोर पुनो।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:7

विजय पुटहानुर ओरे इव सबोय चिजता वारिस आयनुर, अनि नना ओनोर परमेस्वर आयका अनि ओर नावोर मरि आयनुर।