इफिसुस 1:22 - Muria Far Western

²² अनि परमेस्वर सबोय पोल्लोतुन मसिना काल्कना अडिय किस ओर मसिहान मसिलोकुरा सभाता तला बनेहकितुर।

इफिसुस 1:22 Iomraidhean Croise

मत्ति 16:18

अनि निमा पतरस आन्दि अदेना अर्थ आदि इन्जोर मता, अनि इद आदितिगा नावा पोरो विस्वास केवालोरा सभा नना बनेहकियाका, अनि हायानाता लाव वने नावा सभातुन बसकेय जिको आयनुंग इन्जोर नना निकुन इन्तोना।

बुतोंग 20:28

इन्जोर आपुनतुन अनि बेळांग लेहका मन्ता मसिलोकुरा सबोय सभातुन चवकसि किम्ट। परमेस्वर आपुनोर मरिना नतुर हिस असतोर परमेस्वरना बेळांग लेहका मन्ता मसिलोकुरा सभातुन केपान साटि पवित्र आत्मा मिकुन अध्यक्ष ठहरे कितोर।

१ कुरिन्थुस 11:3

इन्जोर सबोय मुतेहना तला अदेनोर मुजो मन्तोर अनि सबोय मुजोनोर तला मसि मन्तोर अदामे मसिहनोर तला परमेस्वर मन्तोर इन्जोर इव पोल्लोनुंग निमाट समजेमाम्ट इदाम नावा इच्चा मन्ता।

इफिसुस 3:21

मसिलोकुरा सभातिगा अनि येसु मसिनिगा ओना महिमा पिळि-पिळिवनाह हमेशा आसोर मनि। आमिन।

इफिसुस 5:23

बाक्याकि बदाम मसि आपुना मेन्दुल मन्ता ओद मसिलोकुरा सभाता पिसियवाल आस मसिलोकुरा सभाता तला मन्तोर अदामे मुजो वने मुत्तेना तला आन्दुर।

कुलुसि 1:18

अनि तला आपुना मेन्दुलतुन बदाम नियन्त्रन किन्ता अदामे आपुना मेन्दुल मन्ता मसिलोकुरा सभातुन ओर नियन्त्रन किन्तोर। सबोय पोल्लोतिगा मुनेटा स्थान ओन पुटि इन्जोर ओर मसिलोकुरा सभातुन बनेकेवाल अनि ओर मसिलोकुरा सभातुन जिवन हेवाल मन्तोर, अनि हातोरिगाडाल असो जिवे मायवालनिगा मुनेटोर मन्तोर

कुलुसि 1:8

पवित्र आत्मा मिकुन हिता मयाता बारेते ओर माकुन वने वेहतुर।

कुलुसि 2:10

सबोय शासक अनि अदिकारिलोकुरकुन नियन्त्रन केवाल ओरे मन्तोर ओनासंगते निमाट पुरा बनेमातोरिट।

कुलुसि 2:19

बदाम तला मेन्दुलतुन नियत्रण किन्ता अदामे मसिलोकुरा सभाता तला आस सबोय विस्वासि लोकुरकुन मसि नियन्त्रन किन्तोर। मति इदाम खोटाल पोल्लो पळकवाल लोकुरक मसिना बारेता खरोयतुन बराबर विस्वास किस करहोर। सबोय मेन्दुल तलाता नियत्रणते जोळक अनि नस्कना द्वारा पालन-पोषन आस अनि सबोय मेन्दुल उन्दिय आस बरसोरिंग दान्ता। अदामे येसु मसिना संबन्दते आपुना मेन्दुल मन्ता मसिलोकुरा सभाता विस्वासि लोकुरक परमेस्वरना योजनाता अनुसार परमेस्वरना बारेते समजेमास बरसोर दान्तोरक।

१ तिमुति 3:15

परमेस्वरना परिवारतिगा वरोर मानेय बदाम मन्दान इन्जोर नाकुन वायान साटि पकाय बेरा आयार ते इद निमाट समजेमायिला पहाजे। बाक्याकि परमेस्वरना परिवार मन्जे जिवित परमेस्वरना मसिलोकुरा सभा मन्ता। अनि इगा सबोय विस्वासि लोकुरक विस्वासता पायवा अनि खम्बा लेहका मन्तोरक। अनि बदाम पायवा अनि खम्बा पुरा लोतुन लाव हिन्ता अदामे मसिलोकुरा सभाता विस्वासि लोकुरक सोबाता पोल्लोतुन लाव हिन्तोरक।

यहुदि 2:8

निमा सबोय ओना काल्क अडिय किति, परमेस्वर सबोय ओना अदिकारतिगा इरतुर”, पवित्र पुस्तकतिगा इदाम कोटता मन्ता अनि बोदे पोल्लो ओना अदिकारतिगा इरान साटि परमेस्वर मरंगोर आतुर। मति इदेक सबोय चिजतुन ओना अदिकारते माक हुळोम।