इफिसुस 1:19 - Muria Far Western

¹⁹ अनि माक विस्वासि लोकुरक साटि बुतो किन्ता परमेस्वरना अतुलनिय रूपता लाव बचोन हजोर मन्ता इन्जोर मिकुन समजेमायाना साटि वने नना प्रार्थना किन्तोना।

इफिसुस 1:19 Iomraidhean Croise

युहनाल 3:6

अवाल-बाबोनिगाडाल जनम आन्तोर ते ओर मेन्दुलता संबन्दते जनम आन्तोर मति आत्मिक जिवाता जनम पवित्र आत्माते आन्ता।

बुतोंग 26:18

अनि ओरांग कोन्डांग तरियान साटि अदेनते ओरकुन अन्धारताल वेळिचितिगा अनि सयताना लावताल परमेस्वरनिके वासुन ओरा पापता मापि पुटहानुर, अनि नावागा विस्वास इरानाता मारे पवित्र बनेमातोरक ओर लोकुरकनिगा जागा पुटहान साटि नना इदेक निकुन यहुदि अनि यहुदि आयोर लोकुरा हेरे लोहान्तोना।’ ”

रोमि 1:16

नना येसु मसिना बारेते सोबाता पोल्लोसाटि लज्जा आयोन; बाक्याकि बोरायि अगा विस्वास इरान्तोरक ओना पिसाना साटि मुने यहुदि अनि पजा यहुदि आयोर लोकुरकुन ओद पिसाना साटि परमेस्वरना लाव मन्ता।

२ कुरिन्थुस 4:7

मति इद अत्भुत लाव मावा आयो मति परमेस्वरना आन्दु इन्जोर दिसान साटि इद धन तोळियता दडिया लेहका नाश आयाना मन्तांग मावा मेन्दुलतिगा इरता मन्ता।

२ कुरिन्थुस 5:17

इन्जोर मसिना संगते मन्तोर ओर मानेय पुनाल सृष्टि मन्तोर; जुनाल पोल्लोंग मारतुंग अनि इदेक सबोय पुनाल आतुंग।

इफिसुस 2:10

बाक्याकि माक ओनोर बनेहकितोर मन्तोरोम। माक सोबाय बुतो कियाला पहाजे इन्जोर परमेस्वर येसु मसिना द्वारा माकुन पुनाल जिवन बनेहकितुर; माक पकाय सोबाय बुतो किसोर आपुना जिवन ताकिहिला पहाजे इन्जोर परमेस्वर मुनेटाले योजना तयार कितोर।

इफिसुस 3:20

इदेक माक बचोन तल्क परान्तोराट या बगावनाह माक विचार किया परान्तोराट अदेनताल वने पकाय कियान साटि पकाय हजोर लावदे मावागा बुतो कियापरान्तोर ओर परमेस्वरिन,

इफिसुस 3:7

अनि परमेस्वरना ओद सोबाता पोल्लोतुन ओना लावता प्रभावता अनुसार नाकुन पुटता परमेस्वरना दया दानते नना सेवक बनेमातान।

इफिसुस 6:10

आकरिते प्रबुनिगा अनि ओना पकाय हजोर लावता प्रभावते लाववाले बनेमाम्ट।

फिलिप्पि 2:13

बाक्याकि परमेस्वरे आपुना इच्चाते मिया मन्दिगा ओना गिरदाता पोल्लोंग कियान साटि इच्चा अनि लाव हिन्तोर।

फिलिप्पि 3:21

ओना हजोर लावते सबोय चिजतुन आपुना अदिकारते किया परान्तोर ओना ओद लावता द्वारा मावा कमजोर मेन्दुलतुन बदलेकिस आपुना महिमाता मेन्दुल लेहका बनेहकियानुर।

कुलुसि 1:29

इदाम सबोय लोकुरकुन मसिते परिपूर्ण बनेहकियान साटि नावागा लावते बुतो कियाला आता मसिना पकाय लावता अनुसार नना मन लावेकिस मेहनत वने किन्तोना।

कुलुसि 2:12

अनि हातोरक मानेयतुन बदाम मिसिन्तोरक अदामे बपतिस्माता द्वारा मिकुन येसु मसिनासंग मिसितुरक। अनि परमेस्वर बदाम येसु मसिन हातोरिगाडाल असा जिवेहकितुर अदामे परमेस्वरना विस्वासता द्वारा ओना लावदे निमाट वने ओनासंग असा जिवेमातोरिट।

१ तिस्लुनि 1:5

बाक्याकि माक वेहता प्रबुना सोबाता पोल्लो केवल शब्द रुपते आयो मति पकाय लावदे अनि पवित्र आत्माता मदत अनि पकाय विस्वासते मिया हेरे अवतु। अनि माक मिया मदत साटि मियासंग बदाम मन्तोम इन्जोर निमाट पुन्तोरिट।

२ तिस्लुनि 1:11

इन्जोर मावोर परमेस्वर मिकुन केयतुर ओद केयानाता योग्य अनुसार हन्दान साटि मदत केविर, अनि सबोय इच्चा अनि विस्वासता सबोय बुतोतुन सोबाय पुराकियान साटि परमेस्वर मदत केविर इन्जोर माक मिया साटि दरोज प्रार्थना किन्तोरोम।

याकुब 1:18

अनि माक परमेस्वरना सुष्टितीगा हादितांग पहले कायांग आस मन्दान साटि परमेस्वर आपुना इच्चाते माकुन खरोय पोल्लोते जनम हितुर।

१ पतरस 4:11

बोरायि वळकिर ते परमेस्वरना पोल्लो वळकिन्तोना इदाम वळकिर, बोरायि सेवा केविर ते परमेस्वर हिन्तोर ओद लावता अनुसार केविर, मिया सबोय पोल्लोतिगा परमेस्वर येसु मसिना द्वारा महिमा प्रगट आयि। महिमा अनि लाव सबोय काळदे ओनाय मन्ता। आमिन।