इफिसुस 1:18 - Muria Far Western

¹⁸ अनि मिकुन ओर केयतोर असके मियागा हिता आशा बाताल मन्ता अनि ओना पवित्र लोकुरा वारिसता महिमाता धन बाताल मन्ता इन्जोर निमाट पुन्दान साटि मिया मन्दा कोन्डांग तरयिंग इन्जोर नना प्रार्थना किन्तोना।

इफिसुस 1:18 Iomraidhean Croise

मत्ति 13:15

बाक्याकि येर लोकुरा मन पकाय कटोर आता। ओरक आपुना कविंग बन्द किस इरतोर, अनि आपुना कोन्डानुंग मुच इरतोर, ओरक कोन्डाते हुळमाकिर, अनि कविते केन्जमाकिर अनि मन्दे समजेमायमाकिर अनि विस्वास केमाकिर इदाम मतोरक। ओरक इदाम हिलेर आस मनेर ते ओरक नावा हेरे मलस वास मनेर अनि नना ओरकुन सुदरे किस मनेना’।

मरकुस 10:17

येसु अगडाल पसियस हरिते हन्दिला आस मतोर असके वरोर मानेय वितसोर ओना हेरे वातुर अनि येसुना मुने मिन्डांग टेकेकिस ओन पुच्चेमातुर, “हे बेसतोर गुरु, अनन्त जिवन स्विकार कियान साटि नना बाताल कियाका?”

लूका 24:45

अनि येसु पवित्र पुस्तकतुन समजेमायान साटि ओरकुन मदत कितुर,

बुतोंग 16:14

लुदिया पोरोयता तुयाथिरा सहेरता मान्जिन्ता सुति सन्दरांग मोमे उन्दि भक्ते आळ केन्जसोर मता। ओद मसिना बारेता पोलुसना पोल्लोतुन समजेमायान साटि प्रबु अदेना मन्दुन तरियतुर।

बुतोंग 26:18

अनि ओरांग कोन्डांग तरियान साटि अदेनते ओरकुन अन्धारताल वेळिचितिगा अनि सयताना लावताल परमेस्वरनिके वासुन ओरा पापता मापि पुटहानुर, अनि नावागा विस्वास इरानाता मारे पवित्र बनेमातोरक ओर लोकुरकनिगा जागा पुटहान साटि नना इदेक निकुन यहुदि अनि यहुदि आयोर लोकुरा हेरे लोहान्तोना।’ ”

रोमि 11:29

परमेस्वर आचुन वरदान हिन्तोर ओर लोकुरा बारेते ओर बसकेय आपुना मन बदले केवोर।

रोमि 2:4

परमेस्वरना दया निया मन्दुन पस्तेमायाना करहो इन्जोर समजेमास ओना दया सहनशिलता अनि धिरजतुन निमा तुच्च समजेमान्तोन बहे?

२ कुरिन्थुस 4:4

मसि परमेस्वरना रुप मन्तोर। ओर मसिना महिमाता सोबाता पोल्लोता वेळिचितुन ओरक हुळिला परोर इन्जोर साटि इद सन्सारतोर स्वामि सयतान विस्वास केवोर ओर लोकुरा मन्दुन आन्दराल कितोर।

२ कुरिन्थुस 4:6

बाक्याकि “आन्दारताले वेळिचि मान्जार” इदाम इन्ज मतोर ओरे परमेस्वर मसिना चेहराते दिसता परमेस्वरना महिमाता बारेता ग्यान माक पुन्दाना साटि मावा मन्दिगा मान्जिहतुर।

गलाति 5:5

पवित्र आत्माता द्वारा विस्वासता कारण परमेस्वर माकुन स्विकार कियानुर इन्जोर माक आशा किन्तोरोम।

इफिसुस 1:11

आपुना इच्चाता अनुसार सबोय पोल्लोतुन पुरा किन्तोर ओर आपुना योजनाता अनुसार मसिनिगा माकुन पहलेटाले आचतुर।

इफिसुस 1:7

येसु मसिना द्वारा ओना बलिदानता कारण मावा पापताल पिसाना मन्ता मन्जे मावा अपरादता मापि मन्ता। ओद परमेस्वरना पकाय दयाता अनुसार मन्ता।

इफिसुस 2:12

अनि ओद बेरा निमाट मसिताल अलग अनि इस्रायेल नागरिकत्वतिगा संबन्द हिले आसि। अनि परमेस्वर इस्रायेल लोकुरासंग किता करारतिगा मन्ता ओद वाचातुन पुनविट अनि बोदे आशा हिलेर मतोरिट।

इफिसुस 3:16

ओर आपुना महिमाता पकाय हजोर धनता अनुसार आपुना पवित्र आत्माता द्वारा मिया मन्दा लावतुन मजबुत केविर इन्जोर,

इफिसुस 3:8

अनि सबोय पवित्र लोकुरकनिगा नना हुडलोरताल हुडलोर मन्तोना मति यहुदि आयोर लोकुरकनिगा नाकुन मसिना अनन्त दनरुपि सोबाता पोल्लोतुन प्रचार कियाना,

इफिसुस 4:1

प्रबुना सोबाता पोल्लो वेहानाता कारण नना जेहलतिगा मन्तोना। परमेस्वर मिकुन केयतुर ओद केयानाता अनुसार जिवन जिवेमायिला पहाजे इन्जोर नना मिकुन विनन्ति किन्तोना,

इफिसुस 4:4

बसके मिकुन केयस मतोर ते उन्दिय आशासाटि केयस मतोर इदामे उन्दिय मेन्दुल अनि उन्दिय आत्मा मन्ता।

इफिसुस 5:8

बाक्याकि निमाट पहले परमेस्वरना खरोयता बारेते आन्दार लेहका अन्जान मतोरिट मति इदेक निमाट प्रबुनिगा वेळिचितिगा वातोरिट इन्जोर निमाट प्रबुना लोकुरा लेहका ताकाट।

फिलिप्पि 3:14

अनि परमेस्वर येसु मसिना द्वारा नाकुन केयतुर ओद पकाय महत्वपुर्ण केयनाता अनुसार स्वरगतिगा नावा साटि इरता बक्षिस पुटान साटि ओद लक्षयतिके पकाय ध्यान किस वितसोर दान्तोना।

कुलुसि 1:12

अनि परमेस्वरना वेळिचिता राज्यतिगा, पवित्र लोकुरासंग सहभागि आयाना वारस पुटाना योग्य बनेहकिस,

कुलुसि 1:23

इद आबारता अडिय सबोय सृष्टितुन इद सोबाता पोल्लोता प्रचार किस नना पोलुस ओद सोबाता पोल्लो प्रचार कियान साटि सेवक बने मातोना।

कुलुसि 1:27

इद पकाय आश्चरय अनि महत्व पुर्ण रहस्यतुन बोर यहुदि लोकुर आयोर ओर लोकुरकुन वेहका इन्जोर परमेस्वर इच्चा कितुर। अनि ओद रहस्य मन्जे महिमाता आशा मन्ता ओर येसु मसि ओनागा विस्वास केवाल मियासंगे मन्तोर।

कुलुसि 1:5

ओद स्वरगतिगा परमेस्वर मिया साटि इरता मन्ता ओद आशाताल वान्ता। ओद सोबाता पोल्लोता खरोय सन्देशता द्वारा निमाट मुनेटाले केन्जतोरिट।

कुलुसि 2:2

अनि परमेस्वरना रहस्य योजना मसि मन्तोर, ओद रहस्य योजनाता पुरा ग्यान समजेमायान साटि निमाट आपसता मयाते उन्दि आस मन्दुन हिमत पुटि इन्जोर नना इचोन हजोर मेहनत कियाला आतोना इदाम निमाट पुन्ट इन्जोर नावा इच्चा मन्ता।

कुलुसि 3:15

निमाट सबोय लोकुरक मसिना मेन्दुलता भाग मन्तोरिट। अनि शान्तिते मन्दान साटि परमेस्वर मिकुन आचतुर इन्जोर मसिना शान्ति मिया विचारतुन नियत्रण केवि। अनि दरोज धन्यवाद किसोर मन्ट।

१ तिस्लुनि 5:8

माक विस्वासता अनि मयाता चिलम करसुन अनि टोपि लेहका पिसानाता आशा करसुन मनकाट बाक्याकि माक पियालता बालक मन्तोरोम।

२ तिस्लुनि 1:11

इन्जोर मावोर परमेस्वर मिकुन केयतुर ओद केयानाता योग्य अनुसार हन्दान साटि मदत केविर, अनि सबोय इच्चा अनि विस्वासता सबोय बुतोतुन सोबाय पुराकियान साटि परमेस्वर मदत केविर इन्जोर माक मिया साटि दरोज प्रार्थना किन्तोरोम।

२ तिस्लुनि 2:16

अनि मावोर प्रबु येसु मसि अनि मावोर बाबो परमेस्वर माकुन मया किन्तोर अनि ओना दया माकुन प्रोत्साहन अनि सोबाय आशा हिता।

१ तिमुति 6:12

विस्वासता परके हन्दान साटि नियागा पकाय सन्कट वायार असके निमा खरोय विस्वासते मुने हन्दान साटि मेहनता लळायि किम। अनि इद विस्वास निमा पकाय लोकुरा मुने गवाहि हिस मतोर अनि निया अनन्त जिवन नाश केमा बाक्याकि अनन्त जिवन साटि परमेस्वर निकुन आचतोर।

तितुस 3:7

अनि परमेस्वर मावागा दया किसुन माकुन निरदोष बनेहकितुर इन्जोर माक अनन्त जिवा पुटार इदाम पकाय हजोर आशा मन्ता।

यहुदि 10:32

मति निमाट मसिना बारेता खरोय पोल्लो समजेमास मसि विस्वासि बनेमातिट असके मिया पकाय तकलिपतिगा हिमतासंग विस्वासते स्थिर मतोरिट ओव पहलेटा दियानुंग निमाट आल्हाट।

यहुदि 6:4

उन्दि बेरा परमेस्वरना पोल्लोता वेळिचि पुटिहच परमेस्वरना वरदानता बारेते अनुभव किस पवित्र आत्मातासंग संगत आस परमेस्वरना सोबाय पोल्लोता भलायि अनि वायवाल काळदा पुनाल दुनिया लावक अनुभव कितोरक ओर लोकुरक मसिना विस्वास तासिस मलस दान्तोरक ते ओरकुन पस्तेमायान साटि असा मलस तता परोम। बाक्याकि ओरा बुतोंग परमेस्वरना मरिन असा कुरुस पोरो अन्जहिच हव्काना लेहकाय मन्ता अनि सबोय लोकुरक ओन निन्दा कियाना कारण आतोरक।

१ पतरस 1:3

मावोर प्रबु येसु मसिनोर पिता परमेस्वरना धन्यवाद आयि!

१ पतरस 3:9

खराब बुतोता बदला खराब बुतो केमाट, अपमानता बदला अपमान केमाट मति निमाट आशिषता वारिस आयान साटि केयतोर मन्तोरिट इन्जोर अदेना बदलाते आशिरवाद हिम्ट।

१ पतरस 5:10

इदेक परमेस्वर ओर सबोय दयातोर बाबो मन्तोर, ओर मिकुन मसिना कारण आपुना अनन्त महिमासाटि केयतुर, मिया हुडुक बेरावनाह पकाय तकलिप सहन कितपा पजा आपुनास मिकुन सिद्ध बने किस अनि स्थिर बने किस लाववाले बनेकियानुर।