इफिसुस 1:14 - Muria Far Western

¹⁴ परमेस्वर आपुना लोकुरा संपुर्ण पिसाना साटि मावा वारिसता बयाना मन्ता इन्जोर पवित्र आत्माता द्वारा ओर माकुन शिक्का किस मतोर। ओना महिमाता स्तुति आयि।

इफिसुस 1:14 Iomraidhean Croise

लूका 21:28

अनि मिया सबोय दुःख अनि तकलिबताल लेहचियाना बेरा हेरे वाता इन्जोर इव सबोय पोल्लोंग आयानपा निमाट निचुन हिमते तयारकिस मन्ट।”

बुतोंग 20:28

इन्जोर आपुनतुन अनि बेळांग लेहका मन्ता मसिलोकुरा सबोय सभातुन चवकसि किम्ट। परमेस्वर आपुनोर मरिना नतुर हिस असतोर परमेस्वरना बेळांग लेहका मन्ता मसिलोकुरा सभातुन केपान साटि पवित्र आत्मा मिकुन अध्यक्ष ठहरे कितोर।

बुतोंग 20:32

मिकुन मसिना विस्वासते मजबुत कियाना अनि सबोय पवित्र लोकुरकुन परमेस्वर हिता वाचाता वारिस हिया परान्तोर ओर परमेस्वरनिगा अनि ओना दयाता पोल्लोतिगा नना इदेक मिकुन सोपे किन्तोना।

रोमि 8:23

अनि केवल इद सृष्टि आयो मति परमेस्वरताल मुने वरदान आस पवित्र आत्मातुन पुटता माक वने आपुना मेन्दुलतुन पिसान साटि मन्जे ओना बालपोस मरक आयान साटि किलसोर हर हुळसोर मन्तोरोम।

१ कुरिन्थुस 1:30

परमेस्वरे मिकुन येसु मसिनसंग मिलेह कितुर अनि परमेस्वर मसिन मावोर ग्यान बनेकितुर। मसि माकुन परमेस्वरना मुने येताना योग्य अनि परमेस्वरना पवित्र लोकुरक बनेकिस माकुन पापता सबोय बन्दनताल लेहच हितुर।

२ कुरिन्थुस 1:22

ओर पवित्र आत्मातुन बयाना इन्जोर मावा मन्दिगा हिस माक केवल परमेस्वर साटि मन्तोरोम इदाम तोहच शिक्का हितोर।

२ कुरिन्थुस 5:5

अनि इद पोल्लोसाटि परमेस्वर माकुन बने कितोर। अनि परमेस्वर ओद पुनाल जिवन हियाना पका कियाना साटि बयानाता रुपते पवित्र आत्मा वने माकुन हितोर।

गलाति 4:6

बाक्याकि निमाट परमेस्वरना बालक मन्तोरिट इन्जोर “हे बाबो, हे बाबो” इदाम इन्ज केयान्तोरिट आपुनोर मरि मसिना आत्मातुन परमेस्वर मिया मन्दिगा लोहतोर।

इफिसुस 1:11

आपुना इच्चाता अनुसार सबोय पोल्लोतुन पुरा किन्तोर ओर आपुना योजनाता अनुसार मसिनिगा माकुन पहलेटाले आचतुर।

इफिसुस 1:12

मुनेटाले मसिनिगा आशा इरस मता माक ओना पकाय हजोर महिमाता स्तुति आयान साटि इदाम कितुर।

इफिसुस 4:30

परमेस्वरना पवित्र आत्मातुन दुःखि केमाट, ओर मिकुन लेहचियानाता दिया साटि मियागा शिक्का हितोर।

१ पतरस 2:9

मति निमाट ते अन्दकारताल आपुना अत्भुत वेळिचितिगा मिकुन केयतोर ओना गुणांग प्रगट कियान साटि आचतोर वरोर वंश, अनि राजालना याजक लोकुरा समाज, अनि पवित्र लोकुरा दल, अनि परमेस्वरना निच लोकुरक आन्दिट।