इफिसुस 1:10 - Muria Far Western

¹⁰ अनि निश्चित बेरा वायार असके बारायि स्वरगतिगा अनि दरतितिगा मन्ता ओद सबोय येसु मसिना अदिकारतिगा उन्दि केविर इन्जोर परमेस्वरना इद योजना मता।

इफिसुस 1:10 Iomraidhean Croise

मत्ति 25:32

अनि सबोय जातिता लोकुरकुन ओना मुने जमा कियाहनुर, अनि ओर ओरकुन मेहवाल बेळानुंग हरेंगनिगाडाल अलग किन्तोर अदामे ओर वरोर दुसरोताल अलग कियानुर।

मरकुस 1:15

“परमेस्वर वाचा हिस मतोर ओद काळ वाता, अनि परमेस्वरना राज्य हेरे वाता, मिया पाप कियाना बन्द किस सोबाता पोल्लोतिगा विस्वास किम्ट!” इदाम इतुर।

१ कुरिन्थुस 10:11

माक इद दुनियातिगा आकरि बेरातिगा मनवाल मन्तोरोम इन्जोर माक हुशयारिते मन्दान साटि उन्दि चेतावनि लेहका इद पोल्लो कोटतोर।

१ कुरिन्थुस 11:3

इन्जोर सबोय मुतेहना तला अदेनोर मुजो मन्तोर अनि सबोय मुजोनोर तला मसि मन्तोर अदामे मसिहनोर तला परमेस्वर मन्तोर इन्जोर इव पोल्लोनुंग निमाट समजेमाम्ट इदाम नावा इच्चा मन्ता।

गलाति 4:4

मति आकरिते बाबो परमेस्वर निर्णय किता खरोय बेरा पुरा आत, असके ओर आपुनोर मरि मसिन लोहतुर, ओर मानेय आस आळदाल जन्मेमातुर अनि मूसाना नियमतुन पालन किसोर मतोर।

इफिसुस 1:22

अनि परमेस्वर सबोय पोल्लोतुन मसिना काल्कना अडिय किस ओर मसिहान मसिलोकुरा सभाता तला बनेहकितुर।

इफिसुस 2:15

उन्दि वेटाड लेहका लोकुरकुन अलगो किस मता येहुदि लोकुरा सबोय नियम अनि अदेना आदेशता कानुनतुन येसु मसि आपुना बलिदानता द्वारा बन्द कितुर।

इफिसुस 3:15

ओर बाबोना मुने मिन्डांग टेकेकिस प्रार्थना किन्तोना।

इफिसुस 3:2

मिया साटि परमेस्वर दयातासंग विशेषाल बुतो नाकुन सोपे कितोर इन्जोर अदेना बारेते निमाट जरुर केन्ज मनकिट।

कुलुसि 1:16

बाक्याकि बारायि स्वरगतिगा अनि दरतितिगा मन्ता, बारायि दिसान्ता अनि बोद दिसो ओद सबोय ओनाय लावते उत्पन्न आता। अनि सबोय प्रकारता सिंहासन आयि या राज्य आयि, बोरायि शासक आयिर या अदिकारिक आयिर इदाम दिसाना अनि दिसो अव सबोयतुन ओर बनेहकितोर। अनि ओना साटिय उत्पन्न किता मन्ता।

कुलुसि 1:20

अनि ओर कुरुस पोरो पोंगिहता नतुरता द्वारा शान्ति बनेहकितुर अनि बोद दरतिता मन्ता या बोद स्वरगता मन्ता ओव सबोयतुन ओना द्वारा परमेस्वर आपुनतुन असा मिलेह कियाना साटि परमेस्वर गिरदा आतुर।

कुलुसि 3:11

अगा यहुदि अनि यहुदि आयोर लोकुरकनिगा बाराय फरक मनो आत, कतना अनि कतना आयोर इदाम, हेन्दडाल अनि अळानि, दास अनि स्वतन्त्र इद भेदे हिले। मति मसि दुनियाता सबोयताल हजोर मन्तोर अनि ओर सबोय लोकुराताल हजोर आस सबोय लोकुरासंग मन्तोर।

यहुदि 1:2

मति माक मन्दाना दुनिया इद आकरि दियांगते परमेस्वर मावासंग आपुना मरिना द्वारा वळकतुर; परमेस्वर ओन सबोय पोल्लोता वारिस आस निवळे कितुर अनि ओनाय द्वारा परमेस्वर सबोय ब्रंमान्डतुन बनेहकितोर।

यहुदि 11:40

परमेस्वर मावा साटि सबोयताल सोबाय पोल्लो हियाना साटि योजना कितुर इन्जोर ओरक सबोय लोकुरक केवल मावासंगे ओद वाचाता परिपूर्णता आय परान्तोरक।

१ पतरस 1:20

दुनियाता उत्पन्न आयानाता पहलेटाले मसिन आचतुर मति इदेक ओर इद आकरि काळतिगा मिया साटि दिसतुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 5:9

ओरक इदाम उन्दि पुनाल पाटा ओयिला लागतुरक: “इद गुन्डे किस मता ओद पुस्तकतुन येतान साटि अनि इदेना शिल देहान साटि निमा योग्य मन्तोन, बाक्याकि निकुन कदियतोर अनि निया नतुरते सबोय गोत्रताल अनि बोलिताल अनि लोकुरकनिकेडाल अनि सबोय जातितोर लोकुरकनिकेडाल परमेस्वर साटि लोकुरकुन निमा असतोन।