बुतोंग 5:3 - Muria Far Western

³ असके पतरस ओन पुच्चेमातुर, “हे हनन्याह! निमा पवित्र आत्माता मुने खोटाल वळकति, आपुना डन्डतुन मोमस पुटता डबुंगताल हुचुक डबुंग आपुना हेरे इरति इन्जोर सयतानतुन निमा आपुना मन्दिगा इदाम बुतो कियालाय बाक्या इदाम सन्दि हिति?

बुतोंग 5:3 Iomraidhean Croise

मत्ति 13:19

बोरायि स्वरग राज्यता बारेता पोल्लो केन्जुन समजेमायोर ते ओना मन्दिगा वितस मतोर ओद पोल्लोतुन सयतान वासुन उन्च ओन्तोर। हरिता टकातिगा वीतस मतोर ओव विजा येरा बारेते आन्दु।

लूका 22:3

अनि येसुना बारा खास चेलालोरा पयकि वरोर मन्तोर यहुदाल इसकरियोतिना मन्दुन सयतान आपुना अदिकारते कितु।

युहनाल 13:2

बसके येसु अनि ओनोर चेलालोरक नरका जेवन कियाला आस मतोरक असके सयतान शिमोना मरि यहुदा इसकरियोतिना मन्दिगा येसुन ओनोर दुश्मना कयदे पयपियान साटि बुतो किस मता।

युहनाल 13:27

अनि ओर हारिता तुकडा तितुर अनि सयतान ओनागा होळियतु। असके येसु ओन इतुर, “बोद निमा कियाला आतोन अद सान्डे किम।”

बुतोंग 5:2

अनि पुटता डबुंगताल हुचुक डबुंग मुत्तेन मिलेमास आपुना हेरे इरतुर अनि हुचुक डबुंग तचुन येसुना खास चेलाल लोकुरा काल्कना मुने इरसितुर।

बुतोंग 5:4

मोमाना मुने बाताल ओद निया हिले आसि? अनि अदेन निमा मोमसिति असके वने ओद धन बाताल मिया इच्चा अनुसार अदेन उपयोग किया परकि बहे? निमा इदाम खोटाल पोल्लो कियान साटि बाक्या विचार किति? इद खोटाल पोल्लो निमा मानेयतुन आयो मति परमेस्वरतुन वळकतोन।”

बुतोंग 5:9

पतरस अदेन इतुर, “निमाट इवुरास प्रबुना आत्माता परिक्षा कियान साटि बाक्या उन्दि आतिट? हुळा! नियोर मुजोन मिसवालोरक इदेक वायनुरक, अनि ओर निकुन वने बाहरो ओस अदामे कियानुरक।”

याकुब 4:7

इन्जोर आपुनतुन परमेस्वरनिगा सोपेह किस सयताना विरोद किम्ट ते ओद सयतान वरियस मिया हेरेटाल वितसोर दायार।

१ पतरस 5:8

आपुनतुन नियत्रण किस हुशियारते मन्ट, मिवोर विरोदि सयतान गुरजेमान्ता सिंह लेहका बोन हिक्स तिनका इन्जोर पळकसोर वलियान्तोर।