बुतोंग 21:3 - Muria Far Western

³ सयिप्रस टापु दिसतु असके माक अदेन डावो कयबासाताल तासिस सिरिया प्रदेशतिके हन्दान्पा सूर सहेरतिगा रयतोम, बाक्याकि अगा ओद जहाजता सामान रेहाना मता।

बुतोंग 21:3 Iomraidhean Croise

बुतोंग 27:4

पजा माक अगडाल पसियतोम। वळिय मावा जहाजता विरोद वासोर मता इन्जोर माक सयिप्रस टापुता टका हेरेटाल हतोम।

बुतोंग 21:16

कयसरियाता चेलालोरकताल हुचुलोर लोकुरक मावासंग येरुसलेम सहेरतिगा वातुरक, अनि माकुन मनासोन पोरोयतोर वरोर मानेयनासंग येरुसलेमतिगा मन्दिला पहाजे इन्जोर ओन वने ओरासंगे ततुरक। मनासोन समुद्र नडुमता सयिप्रस टापुतोर मतोर। ओर पकाय मुनेटाले येसु मसिना चेला मतोर।

बुतोंग 12:20

हेरोदेस राजाल सूर अनि सिदोन सहेरतोर लोकुरा विरोद पकाय होंग मतोर। जेवन साटि हेरोदेसना देशता मदत ओरक येतिन्दुरक, इन्जोर सूर अनि सयदातोर लोकुरक उन्दिय विचार किस बलास्तुस पोरोयतोर राजानोर वरोर नोवकरिन मानेहकिस आपुना बासा किस हेरोदेस राजाना हेरे हतुरक, अनि हेरोदेसनासंग मिलेह किस मन्दाना साटि विनन्ति कितुरक।

बुतोंग 4:36

यूसुफ पोरोयतोर सयिप्रसतिगा जनमे मातोर वरोर लेवि मतोर, येसुना खास चेला लोकुरक ओना पोरोय बरनबास (अर्थ हिमोतोर मरि) इरस मतोर।

मत्ति 4:24

अनि ओना यश सबोय सिरिया प्रदेशतिगा फयलेमात। अनि अलग अलग प्रकारता बिमारिते अनि दुःखते मतोरक अनि दुष्टात्माते पकाय तकलिपते मन्तोरक लोकुरकुन, अनि मिरगिता बिमार लोकुरकुन, अनि लकवा बिमार लोकुरकुन इदाम सबोय बिमार लोकुरकुन ओना हेरे ततुरक अनि येसु ओरकुन सुदरे कितुर।

बुतोंग 18:18

पोलुस पकाय दियांगवनाह कुरिन्थुस सहेरतिगा मतुर। पजा कुरिन्थुस सहेरता विस्वासि लोकुरकुन धन्यवाद किस ओर प्रिसकिलाना अनि अक्विलासनासंग समुद्र टकाता किंख्रिया नाटेनिगा हतुर। अगा ओर परमेस्वरना मुने किता शपथ पुरा कितुर इन्जोर तोहान साटि आपुना तला टकल कितुर। अनि पजा ओर जहाजते सिरियातिगा हतुर अनि ओनासंग प्रिसकिल्ला अनि अक्विलास वने मतांग।

बुतोंग 15:41

अनि ओरक अगडाल हतुरक अनि ओरक सिरिया अनि किलिकिया प्रदेशताल आसोर मसिलोकुरा सभातुन विस्वासते स्थिर किसोर हतुरक।

बुतोंग 15:39

इदाम पोलुस अनि बरनाबास ओर इवुरास पकायि वाद-विवाद आतु इन्जोर ओरक अलग अलग आतुरक। अनि बरनबास मरकुसनासंग जहाजते सायिप्रस टापुतिगा हतुरक।

बुतोंग 15:23

ओरक ओरा कयदे इदाम कोटस लोहतुर: “येसुना खास चेला लोकुरक अनि मसिलोकुरा सभाता मुक्याल मन्तोर मियोर तमोलोरक अन्ताकिया अनि सिरिया अनि किलिकियातिगा मन्वालोर मसि विस्वास स्विकार कितोरक यहुदि आयोर मावोर बायि-दादालोरकुन नमस्कार किन्तोरोम।

बुतोंग 13:4

पवित्र आत्मा बरनबास अनि शावुलिन लोहतुर असके ओरक समुद्रा हेरे मता सिलुकिया सहेरतिगा हतुरक, अनि अगडाल जहाजतिगा उदस समुद्र नडुम मता सयिप्रस पोरोयता टापुतिगा हतुरक।

बुतोंग 11:19

स्तिफानुसना घटनाते आता पकाय तकलिपते हिके होके आस मतोरक सबोय विस्वासि लोकुरक केवल यहुदिलोकुरकुन येसु मसिना सोबाता पोल्लो वेहचोर फिनिके प्रदेश अनि सायिप्रस पोरोयता समुद्र नडुमता टापु अनि अन्ताकिया सहेरतिगा वने वलियसोर वलियसोर हतुरक।

लूका 10:13

येसु ओरकुन असा इतुर, “हे कुराजीन अनि बेतसयदा सहेरतोरक लोकुरक! नना मिया सहेरतिगा हजोर हजोर अत्भुत चमत्कारता बुतो कितान मति निमाट आपुना गलतिता बारेते पश्चाताप केविट। इदे अत्भुत चमत्कारता बुतोतुन सूर अनि सिदोन सहेरतिगा किस मनेना ते अदे बेरा लोकुरक आपुना दुःख प्रगट कियान साटि पोताता बन्डि करिस निरतिगा उदस मनेर।

लूका 2:2

(कुरेन्यास सिरिया जिल्हातोर अदिकारि मतोर असके पहलेटा इद पोरोय कोटाना बेरा आतु।)

मत्ति 11:21

“खुरासिन सहेर मिया पोरो पकाय दन्ड वायार, बेतसयदा सहेर मिया पोरो पकाय दन्ड वायार। मियागा आता लावता बुतो सूर अनि सिदोन सहेरतिगा किस मनेर ते अगाडोर लोकुरक पकाय पहले पस्तेमास जुनाल हरता कपळा करस अनि मेन्दुलतुन निर होकस माक पस्तेमातोम इदाम तोहच मनेर।

बुतोंग 21:2

अगा उन्दि फिनिकेतिके हन्दाना जहाज पुटतु अनि ओद जहाजते मुने हतोम।

बुतोंग 21:7

असके माक सूर सहेरताल जहाजते मुने विचोर पतुलेमयिस सहेरतिगा अवतोम, अनि अगा मसि तमोलोरकुन नमस्कार किस ओरासंग उन्दि दिया मतोम।