बुतोंग 2:3 - Muria Far Western

³ अनि अलग अलग आसोर मतांग किसता वन्जेर लेहका वन्जेर ओरकुन दिसतु अनि ओद वन्जेर ओरक सबोय लोकुरकनिगा वास रोमतु।

बुतोंग 2:3 Iomraidhean Croise

मत्ति 3:11

नना मिकुन एरते पस्तेमायाना बपतिस्मा हिन्तोना, मति नावा पजा वायवाल मन्तोर ओर नावाताल लाववाले मन्तोर, ओना हरपुह ताहानाता नना योग्य हिलेन। ओर मिकुन पवित्र आत्माते अनि किसते बपतिस्मा हियानुर।

मत्ति 3:15

येसु ओन “इदेक इदामे आयिला हिम, बाक्याकि माकुन इदे रितिते परमेस्वरना मुने येताना योग्य मन्ता सबोय पोल्लोंग पुरा कियाना सोबाय मन्ता” इन्जोर उत्तर हितुर, असके युहन्नाल ओना पोल्लो मानेमातुर।

लूका 24:32

“ओर मावासंग हरतिगा वळसोर पवित्र पुस्तकता अर्थतुन माकुन समजे किन्दुर ते मावा मन्दे पकाय हिम्मात वातु बहे” इन्जोर ओरक एकमेका इन्दा लाकतुरक।

बुतोंग 1:15

हुचुक दियांग पजा लगभग उन्दि नुर विसा विस्वासि मानेयक मिलेमास मतोरक असके ओरक तमोलोरा नडुम पतरस नितस इन्दिला लागतुर,

बुतोंग 2:11

क्रेति टापुतोर अनि अरब देशतोर मन्तोरोम मावाकेडाल हुचुलोर लोकुरक यहुदिलोकुरक मन्तोरक अनि दुसरो हुचुलोर लोकुरक यहुदि दरम स्विकार कितोर मन्तोरक। इदाम माक अलग अलग देशतोर मन्तोरोम। मति माक आप-आपुना बोलिते ओरा निकेडाल परमेस्वरना हजो-हजोह बुतोता पोल्लो केन्जान्तोरोम” इन्जोर इतुरक।

बुतोंग 2:2

असके हुरहायने स्वरगताल पकाय जोरदा वळियता लेंग लेहका उन्दि लेंग वातु, अनि ओर उदस मतोरक ओद लोन ओद लेंगदे गुळजे मातु।

बुतोंग 2:4

ओरक सबोय लोकुरक परमेस्वरना पवित्र आत्माता परिपूर्ण नियत्रणते आतुरक अनि बोद रितिते आत्मा ओरकुन वळकाना लाव हितु अदाम ओरक अन्जान बोलिंग वळकिला लागतुरक।

१ कुरिन्थुस 12:10

अदामे हुचुलोर लोकुरकुन चमत्कारता बुतो कियाना वरदान अनि हुचुलोर लोकुरकुन परमेस्वरना पोल्लो वेहानाता वरदान अनि दुसरो हुचुलोर लोकुरकुन आत्मानुंग पुन्दानाता वरदान अनि दुसरो हुचुलोर लोकुरकुन अन्जान बोलि वळकानाता वरदान अनि हुचुलोर लोकुरकुन अन्जान बोलिता अर्थतुन लोकुरकुन समजेकिस वेहानाता वरदान पुटान्ता।

याकुब 3:6

इदाम लेहका माक गलति पोल्लोंग वळकानपा दुसरो लोकुरकुन माक नाश किन्तोरोम। माक बाताल वळकिन्तरोम अदेनते पुन्तरोम, पकाय गलति मावा जिवाते मन्ता इन्जोर। माक बाताल विचार किन्तोरोम अनि बाताल वळकान्तरोम ओद सबोय पोल्लो वळकनाते बाहरो पसियिन्ता। अनि मावा वळकनाता द्वारा दुसरो लोकुरक वने गलति कियानुर। अनि बाताल गलति मन्ता ओद पोल्लो लोकुरक वळकान्तोर ओद पोल्लो दुष्टात्माता कारणते आन्ता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 11:3

ओव दियांग नना नावोर इवुर गवाहलोरकुन अदिकार हियाका, अनि लोकुरा पापता कारण माक पकाय दुःखते मन्तोरोम इदाम तोहान साटि बेळाना कल्कते बनेकिता सन्दरा करस उन्दि हजार रन्ड नुहक साट दियांगवनाह परमेस्वरना पोल्लो वेहानुर” इन्जोर इतुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:6

पजा असा दुसरो वरोर स्वरगदूत आबारता नडुमतिगा परयाना नना हुळतान, ओना हेरे दरतितिगा मनवालोर सबोय जातितोरक, अनि गोत्र अनि अलग-अलग बोलि वळकवालोरक अनि लोकुरकुन वेहान साटि परमेस्वरना सोबाता पोल्लोता सबोय काळ साटि मन्ता सन्देश मता।