२ तिमुति 4:7 - Muria Far Western

⁷ अनि उन्दि लळायि लेहका नना परमेस्वरना विस्वास साटि लळायि कितान, वरोर वितवाल बदाम जिकान्तोर अदाम लेहका परमेस्वर नावा कयदे हिता सोबाता पोल्लो वेहानाता बुतो नना सोबाय पुरा कितान। अनि येसु मसिना खरोय करहाना उपदेशतुन नना बसकेय तासिस हनोन।

२ तिमुति 4:7 Iomraidhean Croise

लूका 11:28

अनि येसु अद आळदुन इतुर, “इंगो, मति परमेस्वरना पोल्लोतुन केन्जुन मानेमान्तोरक ओरक अदेनताल वने धन्य मन्तोरक।”

लूका 8:15

मति इमान्दारिते अनि सहेनकिस पोसोरिंग परमेस्वरना पोल्लो मानेमास ताकान्तोरक ओर लोकुरक सोबाता जागाते अरतांग विजांग लेहका मन्तोरक।”

युहनाल 17:6

अनि येसु असा प्रार्थना कितुर, “बोरकुन निमा इद दरतिताल नाकुन हितोन ओरकुन नना निया पोरोय तोहतान। ओरक नियोर मतोरक; अनि निमा ओरकुन नाकुन हिति अनि ओरक निया पोल्लोतुन मानेमातोरक।

युहनाल 4:34

अनि येसु ओरकुन इतुर, “आपुन लोहवालना इच्चाते ताकिर अनि ओना बुतो पुरा केविर इन्जोर नावा गाटो इद मन्ता।

बुतोंग 13:25

बपतिस्मा हेवाल युहन्नाल आपुना सेवा पुरा आयाना बेरा: ‘निमाट नाकुन बोर मन्तोना इन्जोर समजेमान्तोरिट? नना मसि आयोन! ओर ते नावा पजा वायवाल मन्तोर, ओनांग काल्कना जोळांग वने टन्डान साटि नावा लायकि हिले’ इन्जोर इतुर।”

बुतोंग 20:24

मति नना नावा जिवातुन बाताले किमत मन्ता इदाम विचार केवोन। मति प्रबु येसु नाकुन निवळे किता ओद बुतो पुरा कियाना मुक्य पोल्लो मन्ता। परमेस्वरना हजोर दयाता सोबाता पोल्लो सबोय लोकुरकुन वेहान साटि प्रबु येसु नाकुन निवळेकितोर ओद बुतो पुरा कियाना केवल नावा लक्ष मन्ता।

गलाति 2:2

नना परमेस्वरना दरशनता अनुसार अगा हन्ज मतोना। नना किन्तोना ओद बुतो बेकार हन्माकि इन्जोर नना यहुदि आयोर लोकुरा नडुम प्रचार कियालाता ओदे सुसमाचारतुन नना अगा उन्दि सभातिगा, मसिलोकुरा सभाता केवल मुक्याह लोकुरकुने वेहतान।

फिलिप्पि 1:30

अनि येसु मसिना साटि मन्ता नावा पकाय तकलिप निमाट हुळतोरिट। अनि नना इदेक वने अदामे मन्तोना इन्जोर निमाट केन्जतोरिट। अनि इदेक माक सबोय लोकुरकुन नावा लेहका पकाय तकलिपते मन्ता।

१ तिमुति 1:18

हे नावोर मरि लेहका मन्तोन तिमुथियुस, पहलेटाले निया बारेते पुटता परमेस्वरना पोल्लोता अनुसार उन्दि सयनिक आपुना देश साटि बदाम लळायि किन्तोर अदामे निमा वने परमेस्वरना खरोय उपदेशतुन जिकान साटि लळायि किम इन्जोर नना निकुन आग्या हिन्तोना।

१ तिमुति 6:12

विस्वासता परके हन्दान साटि नियागा पकाय सन्कट वायार असके निमा खरोय विस्वासते मुने हन्दान साटि मेहनता लळायि किम। अनि इद विस्वास निमा पकाय लोकुरा मुने गवाहि हिस मतोर अनि निया अनन्त जिवन नाश केमा बाक्याकि अनन्त जिवन साटि परमेस्वर निकुन आचतोर।

१ तिमुति 6:20

हे तिमुथियुस, निकुन सोपेह किता ओद खरोय पोल्लोतुन निमा लोकुरकुन करहा, लोकुरक ग्यान इन्जोर गलति रितिते समजेकिन्तोरक ओद परमेस्वरना विरुद करहाना अनि व्यर्थ बहसताल लक हन।

२ तिमुति 1:14

अनि निकुन परमेस्वर सोपेकिता सबोय सोबाय पोल्लोतुन पवित्र आत्माता मदतते केपसोर मन।

२ तिमुति 3:10

मति हे तिमुथियुस, इव सबोय पोल्लोंग निमा सोबाय पुन्तोन बाक्याकि लोकुरकुन नना करिहता नावा जिवन जगेमायाना ओद रिति परमेस्वरना इच्चाता अनुसार मता। अनि नावा लक्ष्य लोकुरकुन परमेस्वरना पोल्लो करहाना मता। अनि बदाम नना येसु मसिनिगा विस्वास कितान अनि बदाम नना लोकुरासंगे धीरज अनि मया किसोर मतान। अनि नना सबोय कटिन परिस्थितितिगा बदाम सहेन किन्दान, इव सबोय पोल्लोतुन निमा सोबाय पुन्तोन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:10

परिक्षाता बेरा पोसोरिंग सहेनकिस मन्दिला पहाजे इन्जोर नावा पोल्लोतुन निमा पालन कितोन इन्जोर दरतितिगा मन्वालोरा परिक्षा कियान साटि दरतितिगा मन्तोर सबोय लोकुरा पोरो वायवाल मन्ता ओद परिक्षाता बेराते नना वने निकुन पिसहिच इरका।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:8

नना निया बुतोनुंग पुन्तोना, हुळा, नना निया मुने उन्दि कवाळ तरियस इरतोना, अदेन बोरे बन्द कियाला परोर, निया लावते हुचुन्सा मन्ता ते वने निमा नावा पोल्लोता पालन कितोन अनि नावा पोरोयता इन्कार केवि आति।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 6:11

ओरक सबोय लोरकुन पान्डरि सन्दरा हितुर। अनि मिया लेहका हव्कवाल मन्तोरक मिवोर संगवारि दास अनि तमोलोरा काहाना पुरा आयानावनाह निमाट असा हुडुक बेरावनाह हरहुळाट इन्जोर ओरकुन इतुर।