२ तिमुति 4:5 - Muria Far Western

⁵ अनि हे तिमुथियुस, निया सबोय परिस्थितितिगा सावदान मन, अनि दुःख सहेकिम, परमेस्वरना पोल्लोतुन प्रचार कियाना बुतो किम अनि परमेस्वर निया कयदे सोपे किता परमेस्वरना सेवातुन पुराकिम।

२ तिमुति 4:5 Iomraidhean Croise

मत्ति 25:16

असके सयुंग चुंगळिंग सोनाता डबुंग पुटस मतांग ओर सान्डेय हन्जुन ओव डबुने मोमाना असाना बुतो किस असा सयुंग चुंगळिंग सोनाता डबुंग कमेह कितुर।

मरकुस 13:34

नना मानेयतोर मरिना असा मलस वायाना आपुना लोन तासि पकाय लक हतोर वरोर मानेयना पिटो लेहका मन्ता: वरोर मानेय आपुना लोन तासि परदेश हन्दानपा ओर आपुना नोकरकुन अदिकार हिन्तोर अनि वरोन वरोन आप-आपुना बुतो कियाला वेहान्तोर अनि चोकिदारतुन केपसोर मन्दिला आग्या हिन्तोर लेहकाय मन्ता।

मरकुस 13:37

अनि नना मिकुन इन्तोना ओदे सबोय लोकुरक साटि इन्तोना: निमाट केपसोर मन्ट।”

लूका 12:37

अनि मालकाल वायनुर असके सबोय तयारि किस मालकाल साटि हर हुळसोर मन्तोरक ओरक दास धन्य मन्तोरक। मालकाल आपुना तयारि किसुन ओरकुन तिन्दान साटि उपहानुर अनि ओरा सेवा कियानुर इन्जोर नना मिकुन चेतेकिसुन वेहान्तोना।

बुतोंग 21:8

जहाजते हन्दाना मावा यात्रा पतुलेमयिस सहेरतिगा वातोम असके पुरा आत। अनि दुसरो दिया माक पतुलेमयिस सहेरतिगाडाल पसियस कयसरियातिगा वातोम, अनि सुसमाचार प्रचार केवाल फिलिप्पुसना लोतिगा हन्जुन ओना लोतिगा मतोम। ओर येरुसलेम सहेरता मसिलोकुरा सभा निवळे किता सात सेवा केवालोरनिकेडाल वरोर मतोर।

रोमि 15:19

इदाम किस नना येरुसलेम सहेरताल इल्लुरिकुस प्रदेशवनाह सबोय जागातिगा नना येसु मसिना बारेते सोबाता पोल्लोता पुरा पुरा प्रचार कितान।

इफिसुस 4:11

ओर हुचुक लोकुरकुन येसुना खास चेला इन्जोर आचतुर अनि हुचुक लोकुरकुन परमेस्वरना पोल्लो वेहवालोरक इन्जोर आचतुर अनि हुचुक लोकुरकुन सोबाता पोल्लो वेहवालोरक इन्जोर आचतुर अनि हुचुक लोकुरकुन मसिलोकुरा सभाता विस्वासि लोकुरकुन मेहवालोरक इन्जोर आचतुर अनि हुचुक लोकुरकुन परमेस्वरना पोल्लो करिहवालोरक इन्जोर निवळेकितुर।

इफिसुस 4:12

अनि ओर लोकुरा सेवाता द्वारा मसिना मेन्दुल मन्ता ओद मसिलोकुरा सभातुन मसिना संबन्दते मजबुत बनेहकियाना साटि परमेस्वरना सबोय लोकुरकुन तयार कियाना मन्ता।

कुलुसि 1:25

परमेस्वर मिया भला साटि नाकुन हिता बुतोता योजनाता अनुसार परमेस्वरना सुसमाचारतुन पुर्ण रितिते प्रचार कियान साटि नना मसिलोकुरा सभाता सेवक बनेमातोना।

कुलुसि 4:17

अनि अरखिपुसतुन प्रबुनिगा निकुन सोपे कितोर ओद सेवा हुशयारिते पुरा कियाकि इन्जोर इन्किट।

१ तिस्लुनि 5:6

इन्जोर निमाट अविस्वासि लोकुरक लेहका मिया हेरे बाताल बाताल आन्ता अदेना बारेते पुन्वाप लेहका मनमाट मति निमाट पकाय ध्यान किसुन आपुना मन अनि मेन्दुलतुन नियन्त्रन किसोरिन मन्ट।

१ तिमुति 4:12

अनि बोरे निकुन हुडलोर समजेमायमाकिर बाक्याकि ओरकुन करहान साटि निमा पकाय लयोर मानेय मन्तोन। निया वळकाना रिति, चाल चलन, दुसरो लोकुरा बारेते निया माया, विस्वास, अनि निया जिवनता पवित्रता इद सबोय पोल्लोते निमा सबोय विस्वासि लोकुरकुन सोबाय आदरश बनेमाम।

१ तिमुति 4:15

अनि निकुन कियान साटि नना वेहता पोल्लोंग पुरा ध्यान किसोर मन। इन्जोर निमा मसि सेवकना योग्य सोबाता पोल्लो वेहचुन अनि करिहसुन आपुना वरदानते बरसोर मन्तोन इन्जोर सबोय लोकुरक निया बारेते समजेमायनुरक।

२ तिमुति 1:8

इन्जोर मावोर प्रबु येसु मसिना गवाहि वेहान साटि अनि नना साकळि करिहसुन प्रबुना साटि जेहलतिगा मन्तोना इन्जोर बसकेय लज्जा आयमा, मति सुसमाचार साटि नना बदाम दुःख सहेमातान अदामे परमेस्वरना सामर्थता अनुसार निमा वने दुःख सहेकिम,

२ तिमुति 2:10

इन्जोर परमेस्वर आचतोर ओर लोकुरकुन येसु मसिना द्वारा पिसाना पुटि अनि ओर उदस मन्तोर ओद स्थानतिगा महिमातासंग ओरक वने दरोज मन्दान साटि नना परमेस्वर आचतोर ओर लोकुरक साटि इद सबोय दुःख सहेमान्तोना।

२ तिमुति 2:3

अनि निमा येसु मसिना सोबाय सयनिक बनेमासुन नावासंग येसु मसि साटि दुःख सहेमाम।

२ तिमुति 4:17

मति नावा वेहानाता द्वारा सबोय जातितोरक लोकुरक सोबाता पोल्लो केन्जान साटि प्रबु नाकुन लाव हिस नाकुन मदत कितुर। इन्जोर बदाम वरोर मानेय निरालता टोडिताल पिसान्तोर अदाम लेहका प्रबु नाकुन हायनाताल पिसिहतुर।

यहुदि 13:17

मसिलोकुरा सभाता मुक्याल लोकुरा पोल्लोतुन मानेमास ओरा अधिनते मन्ट। ओरक परमेस्वरना मुने मिया बारेता हिसाब हियाला पहाजे इन्जोर ओरक मिया साटि केपसोर मन्तोरक। ओरा आग्यातुन मानेमायकिट ते ओरा सेवा गिरदाते किया परान्तोरक। निमाट ओरकुन मानेमायवेक ते ओरक आपुना सेवा गिरिदाते केवोर आयनुरक इन्जोर मिकुन बोदे फायदा वने पुटो।

१ पतरस 1:13

इन्जोर आपुना मन्दुन तयार किस आप आपुना मन्दुन नियत्रण किस मन्ट। येसु मसि मिकुन असा दिसाना बेरा मिकुन पुटवाल मन्ता ओद दयातिगा पुरा आशा इराट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:2

हुशार आम, अनि हायवाल मन्ता मिया पिसतांग पोल्लोंगतुन मजबुत किम, बाक्याकि निया बोदे बुतोंगतुन नावा परमेस्वरना मुने नना पुरा आयाना हुळोन।