२ तिमुति 4:2 - Muria Far Western

² परमेस्वरना पोल्लो प्रचार कियान साटि सबोय परिस्थितिते तयार मन्ट। अनि सबोय प्रकारता सहनशीलताते उपदेशतासंग गलतितुन समजेकिस हिम। अनि प्रोत्साहन किस करहा।

२ तिमुति 4:2 Iomraidhean Croise

लूका 7:23

नावा पोल्लोतुन केन्जुन परके हनोर ओर मानेय धन्य मन्तोर।”

लूका 7:4

अनि ओरक मुक्याल लोकुरक येसुना हेरे हन्जुन पकाय विनन्ति कितुरक, “निमा हन्जुन ओनोर दासतुन सुदरे कियान साटि ओर अदिकारि लायेक मन्तोर,

लूका 9:60

अनि येसु ओर मानेयतुन इतुर, “हातोरकुन आपुना मुरदा मिसिला हिम मति निमा हन्जुन परमेस्वरना राज्यता पोल्लोंग वेहा।”

बुतोंग 13:5

अनि ओरक सयिप्रस टापुतिगा सलमीस सहेरतिगा अवतपा, परमेस्वरना पोल्लो यहुदिलोरा समाज मन्डलितिगा वेहतुर। ओद बेरा मरकुस पोरोयतोर युहन्ना ओरा मदत किस ओरा संग मतोर।

बुतोंग 16:13

यहुदि लोकुरा पवित्र दिया माक सहेरता टाटरा बाहरो नदिता टका हेरे हतोम। अगा प्रार्थना कियाना जागा मन्दार इन्जोर माक विचार कितोम। अनि माक नदिता टका हेरे उदस अगा जमा आस मतांग आसकनासंग येसुना बारेते वळकिला लागतोम।

बुतोंग 20:7

हपताता पहले दिया मन्जे इतवार दिया माक रोटिंग किळहान साटि उन्दि जागा जमा आतोम असके पोलुस दुसरो दिया त्रोवासताल हनवाल मतोर इन्जोर ओर वळकिला लागतुर अनि अरदो नरकावनाह ओर वळकसोर मतोर।

बुतोंग 28:16

माक रोमि सहेरतिगा अवतोम असके पोलुसिन केपसोर मतोर वरोर सयनिकनासंग बोदे लोतिगा मन्दिला परवांगि पुटतु।

रोमि 10:15

अनि बोरे ओरा हेरे बोने लोहोर ते बदाम बोरायि हन्जुन ओरकुन प्रचार कियानुर? “येसु मसिना बारेता सोबाता पोल्लो वेहान साटि लोहतोर लोकुरा वायाना बचोन गिरदाता पोल्लो मन्ता” इन्जोर पवित्र पुस्तकतिगा कोटता मन्ता।

रोमि 12:12

निमाट आपुना आशाता बारेते गिरदा किम्ट अनि मिकुन सन्कट वायार असके हिमते मन्ट। अनि दरोज प्रार्थना किसोर मन्ट।

गलाति 6:6

परमेस्वरना पोल्लो करयान्तोरक ओर लोकुरक आपुना करिहवालतुन सबोय प्रकारता सोबाय चिजते मदत कियाला पहाजे।

कुलुसि 1:25

परमेस्वर मिया भला साटि नाकुन हिता बुतोता योजनाता अनुसार परमेस्वरना सुसमाचारतुन पुर्ण रितिते प्रचार कियान साटि नना मसिलोकुरा सभाता सेवक बनेमातोना।

कुलुसि 4:3

अनि मसिना बारेता ओद रहस्य योजनाता वर्णन लोकुरकुन वेहान साटि परमेस्वर सन्दि हेविर इन्जोर मावा साटि वने प्रार्थना किम्ट। नना इद सोबाता पोल्लो वेहतान इन्जोर इगा जहेलतिगा मन्तोना।

१ तिस्लुनि 1:6

अनि मिया पकाय तकलिपतिगा, प्रबु अनि माक बदाम पकाय तकलिपतुन सहेन किस मतोम अदाम प्रबुना पवित्र आत्मा मिकुन हिता गिरदाता संग येसु मसिना सोबाता पोल्लोतुन मानेमासुन निमाट वने ओद पकाय तकलिपतुन सहन किस मावा अनि प्रबुना चाल ताकिला आतोरिट।

१ तिस्लुनि 5:14

हे बायि-दादालोरक, बोरे गलति रितिते दान्तोर ते ओरकुन ओरा गलतितुन समजेहकिम्ट इन्जोर माक मिकुन वेहान्तोरोम। अनि बोरे मन्दे कमजोर मन्तोर ते ओरकुन मजबुत किम्ट। अनि कमजोर लोकुरकुन संभाले किम्ट अनि सबोय लोकुरासंग धीरज तोहाट।

१ तिस्लुनि 5:20

अनि परमेस्वरना पोल्लोतुन तुच्च समजेमायमाट।

१ तिमुति 4:13

अनि नना निया हेरे वायानवनाह, परमेस्वरना मुने मसिलोकुरा सभातिगा विस्वासि लोकुरासंग प्रार्थनाकियान साटि मिलेमायाना बेरा परमेस्वरना पोल्लोंग सबोय विस्वासि लोकुरक साटि जोरदे वाचेकिम। अनि परमेस्वरना खरोय उपदेश करहा अनि परमेस्वरना पोल्लोता अर्थ निमा सरल रुपते समजेकिस वेहा।

१ तिमुति 5:20

अनि पाप कितोर मानेयतुन सबोय लोकुरा मुने रांगा बाक्याकि अद हुळसुन दुसरो विस्वासि लोकुरक वने वरियला पहाजे।

२ तिमुति 2:21

अनि वरोन पापताल शुद्ध किन्तोर ते बदाम आदर कियानाता दळियातुन आपुनोर मालकाल उपयोग किन्तोर अदामे ओरकुन सोबायता बुतो साटि प्रबु उपयोग कियानुर।

२ तिमुति 2:25

अनि निया खरोय करिहनातुन बोर विरोद किन्तोरक ओरकुन नम्रताते ओरा गलतितुन समजेहकिस हिम, बाक्याकि ओरकुन परमेस्वर पस्तेमायानाता सन्दि हियानुर,

२ तिमुति 3:10

मति हे तिमुथियुस, इव सबोय पोल्लोंग निमा सोबाय पुन्तोन बाक्याकि लोकुरकुन नना करिहता नावा जिवन जगेमायाना ओद रिति परमेस्वरना इच्चाता अनुसार मता। अनि नावा लक्ष्य लोकुरकुन परमेस्वरना पोल्लो करहाना मता। अनि बदाम नना येसु मसिनिगा विस्वास कितान अनि बदाम नना लोकुरासंगे धीरज अनि मया किसोर मतान। अनि नना सबोय कटिन परिस्थितितिगा बदाम सहेन किन्दान, इव सबोय पोल्लोतुन निमा सोबाय पुन्तोन।

तितुस 1:13

अनि इद गवाहि खरोय आन्दु; इन्जोर अव गलति आन्दुंग इन्जोर ओरकुन रांगसुन वेहा। अनि इदाम ओरकुन विस्वासते पका किम,

तितुस 2:15

अनि निकुन सबोय पोल्लोनुंग वेहानाता अदिकार मन्ता, निमा ओरकुन करहा अनि सोबाय समजे किम। अदाम सबोय लोकुरक निकुन आदर हेविर।

यहुदि 13:22

हे बायि-दादालोरक, नना मिकुन पकाय कमि पोल्लोते कोटतोना इव उपदेशता पोल्लोनुंग सहन किस येताट इन्जोर नना मिकुन विनन्ति किन्तोना।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:19

नना मया किन्तोना ओरकुन नना रांगान्तोना अनि दन्ड हिन्तोना इन्जोर हलकायिते मन अनि पस्तेमाम।