२ तिमुति 4:18 - Muria Far Western

¹⁸ अनि प्रबु सबोय पापतिकडाल नाकुन संभाले किस स्वरगतिगा सुरक्षित ओयनुर। अनि परमेस्वरिन मावाकेडाल दरोज स्तुति आयि। आमेन।

२ तिमुति 4:18 Iomraidhean Croise

मत्ति 13:43

ओद बेरा परमेस्वरना मुने येताना योग्य बुतो केवालोरक आपुना बाबो परमेस्वरना राज्यतिगा पोळद लेहका मान्जानुरक। निमाट बाताल केन्जान्तोरिट अदेन पकाय ध्यानते केन्जुन सम्जेकिम्ट।”

मत्ति 25:34

असके राजाल आपुना तिन्दान कयबासाडोरकुन इन्दानुर, ‘हे नावोर बाबोनोर धन्य लोकुरक, वराट, दुनिया बनेकियानाता मुनेटाले मिया साटि तयार किस मन्ता ओद राज्यतोर वारिस आम्ट।

मत्ति 6:13

अनि माकुन परिक्षाते अरिहमा, सयतानताल पिसहा; बाक्याकि राज्य, लाव अनि महिमा दरोज नियाय मन्ता। आमिन।’ ”

लूका 11:4

अनि माक वने मावा सबोय गुना केवालोरकुन मापि किन्तोरोम अदाम लेहका मावा पापतुन वने मापि किम, अनि माकुन परिक्षाते अरिहमा, सयतानताल पिसहा।’ ”

लूका 12:32

येसु असा इतुर, “हे परमेस्वर साटि अलगो कितोरक विस्वासि लोकुरक, निमाट हुचुलोरे मन्तोरिट मति वरियमाट, बाक्याकि मिवोर स्वरगतोर बाबाल स्वरग राज्य मिकुन हियान साटि मिया पोरो गिरदा मन्तोर।

लूका 22:29

अनि बदाम नावोर बाबाल नाकुन राज कियान साटि नाकुन अदिकार हितोर, अदामे नना वने मिकुन राज कियान साटि अदिकार हिंतोना,

युहनाल 17:15

अनि निमा ओरकुन दुनियाताल ताहचुन ओम इदाम नना विनन्ति केवोन मति निमा ओरकुन सयताना कयदाल पिसिहला पहाजे इन्जोरे नना विनन्ति किन्तोना।

रोमि 11:36

बाक्याकि ओरे सबोय आयि बनेकितोर अनि ओनाय द्वारा सबोय आयि आन्ता। अनि सबोय आयि ओनाय मन्ता। सबोय काळते ओना हजोर आदर आसोर मनि। आमिन।

रोमि 16:27

अनि मावोर वरोरे परमेस्वर मन्तोर अनि ओर वरोरे बुद्धिमान मन्तोर, येसु मसिना द्वारा ओर परमेस्वरनाय स्तुति दरोज आयि। आमिन।

१ कुरिन्थुस 1:21

परमेस्वर खरोय ग्यानि मन्तोर। ओर परमेस्वर लोकुरक बचोने ग्यानि मनिरक ते वने ओरक आपुना ग्यानते ओन पुन्दिला परोर इदाम ओरकुन पुनपरवाहका कितुर। इदेना बदला परमेस्वरतुन पुनोर लोकुरक बेकार इन्तोर माक वळकिन्तोरोम मसिना बारेते ओद सोबाता पोल्लोतिगा विस्वास केवालोरकुन पिसहाना परमेस्वरतुन सोबाय लाकतु।

१ कुरिन्थुस 10:13

मानेय सहेकिया परोर इदाम बोदे परिक्षा मियागा इदेक वने वायो। अनि परमेस्वर विस्वास योग्य मन्तोर। ओर मिकुन सहेन किया परो अचोन परिक्षा मिया पोरो वायाना परवांगि हेवोर। अनि निमाट परिक्षाते अरानपा ओद परिक्षाताल बाहरो पसियान साटि हरि वने ओर तोहान्तोर।

१ कुरिन्थुस 15:50

हे नावोर बायि-दादालोरक, इद हवि अनि नतुरते बनेमाता मावा मेन्दुलतुन पयस माक स्वरगतिगा मन्दिला परोम इन्जोर नना मिकुन इन्तोना। कळियान्ता इद मेन्दुलसंग बसकेय कळियो ओद स्वरगता वारिस आय परो।

२ कुरिन्थुस 1:10

ओरे माकुन हायानाता इचोन पकायि हजोर सन्कटताल पिसिहतुर अनि पिसाहनुर। अनि ओर असा वने पिसिहचोर मन्दानुर इन्जोर ओना पोरो मावा आशा मन्ता।

गलाति 1:5

ओना स्तुति अनि महानता पिळि-पिळिते आसोर मनि। आमिन।

१ तिस्लुनि 5:23

अनि शान्ति हिसोर परमेस्वर मिकुन पवित्र बनेहकेविर, मिया आत्मा, मिया जिवा अनि मिया मेन्दुलतुन मावोर प्रबु येसु मसिना दुसरो बेरा प्रगट आयानपा पुरा निरदोष बनेकिसुन ओना मुने प्रगट आयान साटि मिकुन सुरक्षित मनि।

२ तिस्लुनि 3:3

मति प्रबु येसु खरोय विस्वासनिय मन्तोर, ओर मिकुन विस्वासते कम्बिर कियानुर अनि दुष्टलोकुरक निगाडाल मिकुन पिसिहानुर।

१ तिमुति 1:17

अनि ओर सबोय काळतोर राजाल मन्तोर अनि बसकेय हायोर अनि बोरे मानेयना कोन्डाते हूळ परोर। अनि ओर परमेस्वर अनन्त काळते राज किन्तोर। अनि ओर परमेस्वरतुन आदर अनि महिमा दरोज मन्दार। आमेन।

१ तिमुति 6:16

अनि ओर वरोरे दरोज जिवोत मन्तोर अनि बोरे बसकेय हन्दा परोर इदाम पकाय हजोर ज्योतिते मनवाल अनि बोरे हुळोर अनि बसकेय हूळ परोर इदाम मन्तोर: ओना आदर अनि लाव राज्य सदा काळवनाह मन्दार। आमेन।

२ तिमुति 1:12

इन्जोर इद सबोय दुःखतुन नना सहेमातान। मति नना लज्जा केवोन बाक्याकि बोनागा नना विस्वास कितोना इन्जोर नना पुन्तोना, ओर ओना न्यायकियानाता दियावनाह नाकुन केप परान्तोर इन्जोर नना पका मन्तोना।

२ तिमुति 4:1

येसु मसिलोकुरकनिगा राज कियान साटि असा मलस वायनुर असके ओर जितो अनि हातोर लोकुरा न्याय कियानुर इन्जोर नना परमेस्वर अनि येसु मसिन गवाहि किस मिकुन आग्या हिन्तोना:

यहुदि 11:16

मति ओरकुन ते ओरक तासिस वास मतोरक ओद देशताल परमेस्वर आपुना लोकुरक साटि तयारि किन्तोर पकाय सोबाय मन्ता देशतुन मन्जे स्वरगतुन इच्चा किसोर हर हुळस मतोरक। इन्जोर परमेस्वर ओरा परमेस्वर इन्जोर इन्दान साटि लज्जा केवोर। परमेस्वर ओरा साटि उन्दि सहेर मन्जे स्वरग तयार कितोर।

यहुदि 12:22

मति निमाट स्वरगतिगा मन्ता सिय्योन मटाता हेरे अनि जिवित परमेस्वरना सहेर मन्ता स्वरगिय येरुसलेमतिगा अनि लाख लाख स्वरगदूतकना हेरे निमाट अवतोरिट।

याकुब 2:5

हे नावोर प्रिय बायि-दादालोरक केन्जाट: बाताल परमेस्वर गरिब लोकुरकुन विस्वासते दनवान बने कियान साटि अनि आपुनिगा मया केवालोरकुन वाचा किस मता परमेस्वरना ओद राज्यता वारिस आयान साटि ओरकुन आचतोर बहे? मति निमाट ओरक गरिब लोकुरकुन अपमान कितिट।

१ पतरस 1:5

बोदे नाश आयो अनि बोदे डाग हिले इदाम निर्मल अनि बसकेय कोमेजेमायो ओद मिया साटि स्वरगतिगा इरस मन्ता वारिस पुटान साटि माक पुनाल जनमा हिहितुर।

१ पतरस 5:11

ओना राज दरोज मनि। आमिन।

२ पतरस 1:11

इदाम कियाकिट ते निमाट मावोर प्रबु अनि पिसिहवाल येसु मसिना अनन्त काळता राज्यतिगा हजोर आदरतासंग हन्दा परकिट।

२ पतरस 3:18

मावोर प्रबु अनि पिसिहवाल येसु मसिना दया अनि पुन्दानातिगा विळसोर हन्ट। ओनाय दरोज अनि सबोय काळदे महिमा आसोर मनि। आमिन।

यहुदा 1:1

येसु मसिनोर सेवक अनि याकुबनोर तमो यहुदा, बाबो परमेस्वर मया किन्तोर अनि येसु मसि साटि सुरक्षित इरान्तोर ओर सबोय केयतोर लोकुरक साटि इद पत्र कोटान्तोना।