२ तिमुति 4:16 - Muria Far Western

¹⁶ अनि पहले बेरा रोमि सहेरतिगा नावा न्याय कियान साटि नाकुन ततुर असके नाकुन पिसान साटि बोरे मदत केवोर, मति सबोय लोकुरक नाकुन विळिच हतुर। अनि परमेस्वर ओरकुन मापि केविर इन्जोर नना प्रार्थना किन्तोना।

२ तिमुति 4:16 Iomraidhean Croise

मरकुस 14:50

असके येसुनोर सबोय चेलालोरक ओन तासिस वितितुरक।

लूका 12:11

अनि येसु इन्तोर, “मिकुन नावा कारणते मिया समाज मन्डलितिगा अनि मिया मुक्या मानेयकना मुने अनि मिया अदिकारक लोकुरा मुने ओयनुरक, नना बदाम वळकिका अनि बदाम जवाब हियाका इन्जोर अद बेरा निमाट बोदे पोल्लोता चिन्ता केमाट।

युहनाल 16:32

निमाट सबोय हिके होके आसुन आप आपुना हरिते ताकसुन नाकुन वरोने इराना बेरा वायार इदेक वाता, मति बाबो नावासंग मन्तोर इन्जोर नना वरोरे आयो।

बुतोंग 22:1

“हे तमोलोरक अनि बाबोलोरक, नावा पोल्लो केन्जाट! नना इदेक मिया मुने इगा आता गळबडता बारेते नावा उत्तर वेहान्तोना।”

बुतोंग 25:16

मति केस केवालना मुने वास गुन्हा केवाल आपुना पोरो किता गुन्हाता बारेते उत्तर हियाना सन्दि गुन्हा केवालतुन पुटाना मुने बोनाय दन्ड साटि सोपेह कियाना रोमि लोकुरा रिति हिले इन्जोर नना यहुदि अदिकारिलोकुरकुन उत्तर हितान।

बुतोंग 7:60

स्तिफानुस मिन्डांग टेकेकिस, “हे प्रबु, इद पाप ओरागा लावे केमा” इन्जोर जोरदे इन्जुन हासुन अडिय अरतुर।

१ कुरिन्थुस 13:5

ओर दुसरोनसंग खराब रितिते वेवहार केवोर, अनि आपुनाय फायदा साटि इच्चा केवोर अनि ओर सान्डेय होंग केवोर, अनि खराब बुतो केवालोरा हिसाब इरोर।

१ कुरिन्थुस 9:3

“नना येसुना खास चेला आन्दान बहे”? इदाम परिक्षा किस प्रश्न पुच्चेमायवालोर लोकुरकुन नावा उत्तर इद मन्ता:

२ कुरिन्थुस 7:11

परमेस्वरना इच्चाता अनुसार आता दुःख मिया जिवनतुन बचोन बदले कितु इन्जोर हुळाट। ओद दुःख मिकुन मिया बुतो कियान साटि पकाय हुशियार बनेकितु अनि निमाट निरदोष मन्तोरिट इदाम आपुनतुन तोहान साटि पकाय इच्चा कितोरिट। अदेनते निमाट पापता विरुद पकाय होंगवाले अनि पापता फासातिगा अरकिट इदाम पकाय वरे इरवाल आतोरिट, अदेनते नाकुन हुळान साटि मिकुन पकाय उत्साह आतु, अदेनते निमाट पकाय ध्यान इरवाल बनेमातोरिट, अनि खराब लोकुरकुन दन्ड किस केवल खरोय पोल्लो कियान साटि मिकुन उत्साह किता, इदन्ते सबोय पोल्लोतिगा निमाट निरदोष मन्तोरिट इन्जोर आपुन्तुन तोहतोरिट।

फिलिप्पि 1:17

मति दुसरो हुचुलोर लोकुरक खरोयतासंग आयो मति हेवा अनि होंगते आपुनतुन हजोर तोहाना साटि मसिना सन्देशतुन वेहान्तोरक। इदेनते नाकुन जेहलतिगा पकाय तकलिप हियान साटि ओरक विचार किन्तोर।

फिलिप्पि 1:7

इदाम मिया सबोय लोकुरा बारेते विचार कियाना नावा साटि बेस मन्ता, बाक्याकि नना मुनेटाल अनि इदेक जेहलदिगा मन्दान अनि येसु मसिना सोबाता पोल्लोता खरोयता बारेते इगा वळकाना बेरा अदेन विरोद केवालोराताल परमेस्वरना सोबाता पोल्लोता रक्षण कितान, अनि ओद बेरा निमाट सबोय लोकुरक नावासंग परमेस्वरना दयाते मुनेटाल अनि इदेक वने नावासंग मन्दिट इन्जोर निमाट सबोय लोकुरक नावा पकाय मायातोर मन्तोरिट।

२ तिमुति 1:15

अनि आसिया प्रदेशता सबोय विस्वासि लोकुरक नाकुन विळिच वितितुर इन्जोर निमा पुन्तोन। अनि पुगिलुस अनि हिरमुनेस वने ओरासंग मतोरक।

२ तिमुति 4:10

अनि देमास इद दुनियाता पोल्लोतुन मया किसुन नाकुन विळिच तिस्सलुनिका सहेरतिके हतुर। अनि क्रेसकेस गलातियातिके हतुर अनि तितुस दलमतियातिके हतुर।

२ तिमुति 4:15

अनि ओर मावा सोबाता पोल्लो प्रचार कियानातुन पकाय विरोद कितुर, इन्जोर निमाट वने ओनाताल सावदान मन्ट।

१ पतरस 3:15

बोरायि मिकुन मिया आशाता बारेते बाताले पुच्चेमायिर ते ओन नम्रता अनि वरेतासंग उत्तर हियान साटि दरोज तयार मन्ट।