२ तिमुति 3:8 - Muria Far Western

⁸ अनि बदाम यन्नोस अनि यम्ब्रोस पकाय वरसाना पहले परमेस्वरनोर सेवक मूसाना विरोद कितुरक अदामे खोटाल उपदेश करिहवालोरक मसिना खरोय उपदेश करिहानातुन विरोद किन्तोरक। अनि ओर आपुना बुद्धिते गलति पोल्लोंग विचार किन्तोरक। अनि ओर लोकुरक येसु मसिना खरोय उपदेश करिहानातुन बसकेय विस्वास केवोरक।

२ तिमुति 3:8 Iomraidhean Croise

बुतोंग 15:24

मावानिगाडाल हुचुक लोकुरक अगा वास आपुना पोल्लोंगते मिकुन तकलिप किस मिया मन्दुन दुःख कितुरक इन्जोर माक केन्जतोम मति ओर लोकुरकुन माक बाताले आग्या हेवोम आसि।

रोमि 1:28

बसके ओर परमेस्वरना बारेते विचार कियाना वने विरोद कितुर असकेडाल परमेस्वर ओरकुन ओरा मन्दा बेकार विचार ओरा पोरो अदिकार कियाला हितुर। इन्जोर ओर बसकेय केमाकिर अदाम पकायि खराब बुतो ओर लोकुरक कितुरक।

रोमि 16:18

बाक्याकि इदाम लोकुरक मावोर प्रबु मसिना सेवा केवोर मति आपुना पोटाता सेवा किन्तोर। अनि ओरक दोखाता सोबाय सोबाय पोल्लोंग वळकस सादो मनवाले लोकुरकुन बहके किन्तोरक।

इफिसुस 4:14

इन्जोर माक हुडलोर बालक लेहका असा मनोम आयकोम। बाक्याकि बदाम समुद्रतिगा डोंगातुन वळिय वास नालुंग बासाडाल अदेन डेयहान्ता अदामे ओद खोटाल करहाना मावा विस्वासतुन डेयहार इन्जोर माकुन दोखा हिन्ता ओद खोटाल करहानातुन स्विकार केवाट। दोखा हेवालोरक इद खोटाल करहाना फयले किन्तोर।

१ तिमुति 1:19

अनि प्रबु येसु मसिना पोरोयता दरोज विस्वास किम अनि खरोय अनि गलति बाताल मन्ता इन्जोर दरोज समजेमायिला पहाजे। अनि हुचुक लोकुरक खरोय अनि गलति बाताल मन्ता इन्जोर ओद समजनातुन हरचितुरक। अनि उन्दि जहाज बदाम समुद्रतिगा मुळदिन्ता अनि पुरा नाश आन्ता अदामे खरोय उपदेशतुन हरचवालोरा विस्वास पुरा नाश आतु।

१ तिमुति 4:2

अनि इद खोटाल करहानातुन करिहवालोरक परमेस्वरनिगा सोबाय विस्वास केवाल लेहका आपुनातुन प्रगट किसोर वान्तोर मति ओर खोटाल उपदेशतुन करहान्तोरक। अनि ओर बाताल करहान्तोर ओद पोल्लो गलति मन्ता इन्जोर बसकेय ओरक समजेमायोरक।

१ तिमुति 6:5

अनि ओर लोकुरा द्वारा दरोज लोकुरा नडुम वाहचाना आन्ता, ओर लोकुरकुन सोबाय अनि खराब पोल्लो बाताल इन्जोर पुनोर। अनि खरोय पोल्लोतुन समजेमायोर मति ओर परमेस्वरना भक्तितुन डबुंग कमेकियाना उन्दि धन्ता लेहका विचारकिन्तोर।

२ तिमुति 4:15

अनि ओर मावा सोबाता पोल्लो प्रचार कियानातुन पकाय विरोद कितुर, इन्जोर निमाट वने ओनाताल सावदान मन्ट।

तितुस 1:10

बाक्याकि पकाय लोकुरक खरोय करिहनातुन होंग किन्तोरक, ओरक आग्यातुन मानेमायोरक अनि पुकोट वळकवाल, अनि विशेषाल पिसाना साटि कतना जरुरि मन्ता इदाम करहान्तोर ओर लोकुरक दोखा हेवालोरक मन्तोरक।

तितुस 1:16

मति माक परमेस्वरदुन पुन्तोरोम इन्जोर ओरक इन्तोर, मति ओरक आपुना बुतोते परमेस्वरना आग्यातुन मानेमायोर अनि परमेस्वरतुन मानेमायोर इन्जोर परमेस्वर ओरकुन विरोद किन्तोर, अनि ओरक बोदे सोबाता बुतोतुन किया परोर।

२ पतरस 2:14

ओर लोकुरक व्यभिचारता इच्चाते सबोय लोकुरकुन दरोज हुळान्तोर अनि इदाम पाप कियाना ओरा इच्चा बसकेय बन्द केवोर आयनुरक। अनि मसिना विस्वासते कमजोर मन्तोरक चन्चल मनवालोर लोकुरकुन ओर लोकुरक पाप कियाना साटि फसेह किन्तोर। अनि ओरा लालुचता जरुरतुन पुराकियान साटि ओर लोकुरक सबोय पोल्लोंग पुन्तोरक। अनि परमेस्वर ओरकुन दन्ड हियानुर।

१ युहनाल 2:18

हे बालक, इद दुनियाता नाश आयानाता आकरि बेरा मन्ता! अनि मसिना विरोदि वायवाल मन्तोर इन्जोर निमाट केन्जतोरिट अनि अदेना अनुसार इदेक वने पकाय मसिना विरोद केवालोरक तेदीतोरक अनि इदेनते इद दुनियाता आकिरता बेरा आन्दु इन्जोर माक पुन्तोरोम।

१ युहनाल 4:1

हे प्रिया गोतियालोरक, पकाय खोटाल परमेस्वरना पोल्लो वेहवालोरक दुनियातिगा पसियतोर इन्जोर परमेस्वरना आत्माताल पुटतु इदाम वेहचुन बोरे करिहता बोदे पोल्लोतिगा सान्डेय विस्वास केमाट। मति पकाय ध्यान किस ओद करिहना परमेस्वरनिकेडाल मन्ता या हिले इन्जोर विचार किस समजेमायिला पहाजे।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:20

मति आपुनास परमेस्वरना पोल्लो वेहवाल आन्दान इदाम खोटाल वळकस व्यभिचार कियाना अनि मूरतिहना मुने चळेहकिता चिजक तिन्दान साटि वने नावोर दासकुन करहिस भळकेह किन्ता इसाबेल पोरोयता आळदुन निमा परवांगि हितोन इदाम निया विरुद उन्दि दोष इन्दाना मन्ता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:6

ते वने निमा निकलाव्य दलतोरा बुतोता होंग किन्तोन इदाम उन्दि सोबाय पोल्लो नियागा मन्ता, ओरा बुतोतुन नना वने विरोद किन्तोना।