२ तिमुति 3:5 - Muria Far Western

⁵ अनि ओरक खरोय विस्वासि लेहका लोकुरकना मुने आपुनतुन प्रगट कियानुरक मति ओर लोकुरक आपुना जिवनते परमेस्वरतुन बुतो कियाला हेवोर। निमाट इदाम लोकुराताल लक मन्ट।

२ तिमुति 3:5 Iomraidhean Croise

मत्ति 7:15

येसु ओरकुन असा इतुर, “आपुनास परमेस्वरना पोल्लो वेहवाल आन्दोम इदाम खोटाल वळकवाल लोकुरकताल सावदान मन्ट, ओरक बेळांगना रुपते मिया हेरे वान्तोरक मति लोपाडाल ओरक हिकवाल हुन्डराह लेहका आन्दुरक।

इफिसुस 4:14

इन्जोर माक हुडलोर बालक लेहका असा मनोम आयकोम। बाक्याकि बदाम समुद्रतिगा डोंगातुन वळिय वास नालुंग बासाडाल अदेन डेयहान्ता अदामे ओद खोटाल करहाना मावा विस्वासतुन डेयहार इन्जोर माकुन दोखा हिन्ता ओद खोटाल करहानातुन स्विकार केवाट। दोखा हेवालोरक इद खोटाल करहाना फयले किन्तोर।

२ तिस्लुनि 3:14

अनि बोरे इद पत्रते वेहता पोल्लोतुन मानेमायोर ते ओनागा ध्यान इराट अनि ओनासंग निमाट संबन्द बन्द किम्ट, इदामते ओर आपुना आचरनते लज्जा आयिर।

२ तिस्लुनि 3:6

हे बायि-दादालोरक, बोर खरोय करहाना मावाकेडाल येतितोर मति ओदेना अनुसार ओर ताकोर अनि ओर खराब चाल ताकान्तोरक अदाम तमो लोकुरकताल निमाट अलग आम्ट इन्जोर माक मिकुन प्रबु येसु मसिना पोरोयते आग्या हिन्तोरोम।

१ तिमुति 4:7

अनि ओद खोटाल अनि व्यर्थ पिटोतुन पुरा इन्कार किम; अनि इदाम पिटो सिरानते बनेकितुरक मति इव खोटाल अनि व्यर्थ पिटेंग लोकुरकुन परमेस्वरना आदर कियान साटि मदत केवोंग इन्जोर निमा परमेस्वरना खरोय उपदेशता पालन कियाकि ते निमा परमेस्वरिन गिरदा केवाल मानेय आयकि।

१ तिमुति 4:8

बाक्यकि आपुना मेन्दुलतुन मजबुत बनेकियान साटि माक कसरत किन्तोरोम अनि माक दरतितिगा मन्तोरोम अचोवनाहका इद कसरत माकुन मदत किन्ता। मति परमेस्वरिन गिरदा कियाना बुतो अदेनताल वने पकाय सोबाय मन्ता बाक्याकि इदाम बुतो कियाकि ते इद काळते अनि अनन्त काळते वने जिवन जगेमायिला मदत आयार।

१ तिमुति 5:8

अनि बोरे आपुना लोकुरक साटि विशेषाल आपुना लोतोरक साटि बाताले चिन्ता केवोरक ते ओरक आपुना विस्वासतुन तासिस अविस्वासिताल वने खराब मन्तोरक।

१ तिमुति 6:5

अनि ओर लोकुरा द्वारा दरोज लोकुरा नडुम वाहचाना आन्ता, ओर लोकुरकुन सोबाय अनि खराब पोल्लो बाताल इन्जोर पुनोर। अनि खरोय पोल्लोतुन समजेमायोर मति ओर परमेस्वरना भक्तितुन डबुंग कमेकियाना उन्दि धन्ता लेहका विचारकिन्तोर।

२ तिमुति 2:16

अनि परमेस्वरना विरोद मन्ता ओद गलति करहानाताल निमा लक हन बाक्याकि इदाम पोल्लोंग लोकुरकुन परमेस्वरनिकेडाल लक ओयनुंग।

२ तिमुति 2:23

अनि मुर्खताता निरर्थ बहसताल वाहचाना आन्ता इन्जोर समजेमास अदेनताल निमा लक हन।

तितुस 1:16

मति माक परमेस्वरदुन पुन्तोरोम इन्जोर ओरक इन्तोर, मति ओरक आपुना बुतोते परमेस्वरना आग्यातुन मानेमायोर अनि परमेस्वरतुन मानेमायोर इन्जोर परमेस्वर ओरकुन विरोद किन्तोर, अनि ओरक बोदे सोबाता बुतोतुन किया परोर।

तितुस 3:10

अनि बोर मानेय मसिलोकुरा सभातुन बिगळे किया हुळान्तोर, ओन उन्दि-रन्ड बेरांग ओना गलतितुन समजेह किम अनि ओर समजेमायवेक ओना बारेते निमा वले वळकमा, अनि ओर मसिलोकुरा सभातुन बिगळे केमाकिर इन्जोर ओनाताल निमा अलग आम।