२ तिमुति 3:3 - Muria Far Western

³ अनि ओरक बोनायसंग मया केवोरक आयनुरक अनि दुसरोना गलतितुन बसकेय मापि केवोर आयनुरक अनि सोबाय लोकुरा विरोद गलति पोल्लोंग वेहच सबोय प्रकारता नाश कियानुरक। अनि आपुना गलति विचार अनि खराब बुतोतुन काबु किपरोर आयनुरक अनि पकाय दुष्ट लोकुरक आयनुरक। अनि सबोय सोबाय पोल्लोनुंग विरोद केवालोरक आयनुरक,

२ तिमुति 3:3 Iomraidhean Croise

मत्ति 10:21

येसु असा ओरकुन इतुर, “तमो, तमोन अनि बाबो मरिन हव्काना साटि सोपे कियानुर, अनि बालक अवाल-बाबोना विरोदते तेदचुन ओरकुन हव्काहनुरक।

मत्ति 4:1

असके सयताननिकेडाल येसुना परिक्षा आयि इन्जोर पवित्र आत्माता लावते ओर वारु पल्लातिगा हतुर।

लूका 10:16

अनि येसु असा इतुर, “मिया पोल्लो केन्जान्तोरक ओरक नावा वने पोल्लो केन्जान्तोरक; अनि मिकुन तुच्चा समजेमान्तोरक ओरक नाकुन वने तुच्चा समजेमान्तोरक; अनि नाकुन तुच्चा समजेमान्तोरक ओरक नावोरक लोहतोरकुन वने तुच्चा समजेमान्तोरक।”

लूका 16:14

परीसिलोकुरक धनसंपतिता पकाय लालचिलोरक मतोरक, इन्जोर येसुनांग पोल्लोनुंग केन्जुन परीसिलोकुरक येसुन मजा कियाला लाकतुरक।

युहनाल 6:70

असके येसु ओरकुन उत्तर इतुर, “बाताल नना मिकुन बारा लोकुरकुन आचोन बहे? मति मियागडाल वरोर मानेय सयतान मन्तोर!”

रोमि 1:29

ओर लोकुरक सबोय प्रकारतांग अदरम, पाप, लालुच अनि वयरताते आतुरक। ओरक हेवा, हव्काना, वाहचाना, जल कपट, अनि दुजा भावते आतोरक ओरक दुसरोना बारेते दरोज सोबाय विचार केवोर मति ओर लोकुरक दुसरोना चाहळिंग वेहिन्तोरक,

रोमि 1:31

अनि निरबुद्धि, विस्वासघाति, माया केवोरक, अनि दया केवोरक आतोरक।

१ कुरिन्थुस 7:5

निमाट आळिवुर वरोर दुसरोताल अलग मनमाट। हुडुक बेरावनाह वरोर दुसरोना परवांगिते प्रार्थना कियान साटि अलग आतेक बाराय आयो। मति निमाट मिया मन्दुन नियत्रणते इरवि आयकिट इद कारणते सयतान मिया परिक्षा केमाकिर इन्जोर प्रार्थना आतपा निमाट असा मिलेमास संग मन्ट।

१ कुरिन्थुस 7:9

मति ओरक मन्दुन नियत्रणते इरिला परोर ते ओरक मरमिंग केविरक। मरमिंग कियाना पकाय इच्चातासंग मन्दानाताल ओरकुन मरमिंग कियाना सोबाय मन्ता।

१ तिस्लुनि 4:8

इन्जोर बोरे इद पोल्लोतुन तुच्च समजेमान्तोर ते ओर बोरे मानेयतुन आयो मति पवित्र आत्मातुन हिन्तोर ओर परमेस्वरतुन तुच्च समजेमान्तोर।

१ तिमुति 3:11

अनि मसिलोकुरा सभाता सेवातुन मदत केवांग आसक वने गम्बिर अनि सम्मानता योग्य आयिला पहाजे; दोष केवि आयमाकि अनि हर पोल्लोते विस्वास योग्य आयि।

तितुस 1:8

मति ओर अध्यक्ष वरताहकुन सोबाय गिरदाते मानेमायवाल अनि भला कियान साटि तेयार मन्वाल, मया केवाल, न्याय केवाल अनि समजे किसुन वेहवाल, ओना मन शुद्ध मनि अनि ओर शान्त स्वभावतोर मनिर।

तितुस 2:3

इदामे परमेस्वरिन वरियस पवित्र जिवन जिवे मायींग, अनि दुसरोनागं चाहळिंग वळकसुन दुसरोन बदनाम केमाकिगं, दाळंगो उनमाकिंग मति दुसरोरकुन सबोय पोल्लोंग करहिंग इन्जोर सेळोह आसकुन वने करहा।

याकुब 2:6

बाताल दनवान लोकुरक मिकुन पकाय तकलिप किन्तोर बहे? अनि बाताल ओर मिकुन कोरटतिगा पिळिंगसोर-पीळिंगसोर ओन्तोर बहे?

२ पतरस 2:14

ओर लोकुरक व्यभिचारता इच्चाते सबोय लोकुरकुन दरोज हुळान्तोर अनि इदाम पाप कियाना ओरा इच्चा बसकेय बन्द केवोर आयनुरक। अनि मसिना विस्वासते कमजोर मन्तोरक चन्चल मनवालोर लोकुरकुन ओर लोकुरक पाप कियाना साटि फसेह किन्तोर। अनि ओरा लालुचता जरुरतुन पुराकियान साटि ओर लोकुरक सबोय पोल्लोंग पुन्तोरक। अनि परमेस्वर ओरकुन दन्ड हियानुर।

२ पतरस 2:19

ओरक आपुनाय पकायि खराब स्वभावता दास मन्तोरक ते वने दुसरो सबोय लोकुरकुन वने स्वतन्त्र कियानाता बारेते वाचा किन्तोरक। बाक्याकि वरोर मानेयना पोरो बोद पोल्लो अदिकार किन्ता ओर अदेना दास मन्तोर।

२ पतरस 3:3

“ओना वायाना वाचा बगा हतु?

यहुदा 1:16

येरक लोकुरक बळबळेमायाना अनि दोष पळकवालोर मन्तोरक, अनि आपुना इच्चा अनुसार ताकवालोर मन्तोरक, अनि येरक घमेन्डता पोल्लोंग वळकान्तोरक, अनि येरक आपुना फायदा साटि दुसरोनसंग चापलुसि पोल्लोंग वळकवाल मन्तोरक।

यहुदा 1:18

“आकरि दियाते आपुना अदरमता इच्चाता अनुसार ताकस प्रबुन मजाकेवालोर लोकुरक पसियानुरक” इन्जोर ओरक मिकुन इन्दुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 13:15

अनि पहलेटा जानवरता मूरतितुन जिवा स्वास हियाना अदिकार दरतिताल पसियता दुसरो जानवरतुन पुटतु। असके पहलेटा जानवरता मूरतितुन वळकिला लाव पुटि अनि जानवरता इद मूरतितुन आरादना केवोर लोकुरकुन हव्कस वाटिर इदाम आग्या हितु।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 13:17

अनि ओद पहलेटा जानवरता पोरोय या पोरोयता संख्या शिक्का किस पुटतोर तासिस दुसरो बोरे असाना-हियाना किया परोर आयनुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 16:6

बाक्याकि ओरक पवित्र लोकुरक अनि परमेस्वरना पोल्लो वेहवालोरा नतुर पोंगिहिच मतोरक इन्जोर निमा ओरकुन नतुर उहति, ओरक अदेन योग्य मन्तोरक।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 17:6

पवित्र लोकुरा नतुर अनि येसुना गवाहलोरा नतुर उन्ज ओद आळ होच मता इदाम नना हुळतान अनि अदेन हुळस नना पकाय आश्चरय आतान।