२ तिमुति 3:2 - Muria Far Western

² बाक्याकि लोकुरक आप आपुना मया कियानुर, ओरक दुसरोन मया केवोर आयनुरक अनि पयसांग कमेह कियान साटि पकाय विचार कियानुरक, अनि आपुना पकाय हजोर बुतो किताप लेहका पकाय गमन्डते वळकानुरक, अनि दुसरो लोकुराताल ओरक हजोर मन्तोर लेहका आपुना बारेते पकाय घमन्ड कियानुरक। अनि दुसरो लोकुरकुन दरोज अपमान कियानुरक अनि आपुना अवाल-बाबोना आग्यातुन मानेमायोर आयनुरक। अनि आपुना मदत केवालोरकुन मया अनि धन्यवाद केवोर आयनुरक अनि परमेस्वरना मुने अपवित्र जिवेमायनुरक,

२ तिमुति 3:2 Iomraidhean Croise

मत्ति 15:6

इदाम ओन आपुनोर अवाल-बाबोना आदर कियाना जरुरि हिले इन्जोर निमाट करहान्तोरिट। इद प्रकारते निमाट आपुना रिति-रिवाज मानेमातोर ओद कारणते परमेस्वरना पोल्लोतुन कमजोर बने कितोरिट।

लूका 12:15

अनि येसु लोकुरकुन इतुर, “निमाट चोवकोस मन्ट! सबोय प्रकारतांग लालच कियानाताल आपुनतुन पिसहाट; बाक्याकि बोनाय जिवनता आदार संपति कमेहकियाना हिले।”

लूका 16:14

परीसिलोकुरक धनसंपतिता पकाय लालचिलोरक मतोरक, इन्जोर येसुनांग पोल्लोनुंग केन्जुन परीसिलोकुरक येसुन मजा कियाला लाकतुरक।

लूका 6:35

मति निमाट ते आपुनोर दुश्मन लोकुरासंग मया किम्ट, अनि ओरा भलायि किम्ट, उदारि हिता ओद मिकुन मलस पुटार इन्जोर भरोसा इरमा, इद भावते निमा दुसरो लोकुरकुन उदारि हिम्ट। असके मिया साटि स्वरगतिगा हजोर आशिष मन्दार, अनि निमाट सबोयताल हजोर परमेस्वरनोर बालक आयकिट। बाक्याकि परमेस्वरना धन्यवाद केवोरकुन अनि दुष्ट लोकुरकुन वने परमेस्वर दया किन्तोर।

बुतोंग 5:36

बाक्याकि इव दियाता पहले थियुदास पोरोयतोर वरोर मानेय नना वने बोरे आन्दान इदाम इन्ज तेदितुर, अनि नालुंग नुहकना हेरे लोकुरक ओनासंग मिलेमातुर; मति ओन हव्कतुरक अनि बचोक लोकुरक ओन मानेमान्दुरक ओरक सबोय हिके-होके आस नाश आतुरक।

रोमि 11:18

सोबाय कोहकुन कदियस मिकुन ओदे मरातिगा कलम कितोर ते निमाट घमन्ड केमाट अनि निमाट घमन्ड किन्तोरिट ते निमाट हिरकुन संभाले केविट मति हिरक मिकुन संभाले किन्तांग इन्जोर आटवन इराट।

२ कुरिन्थुस 5:15

अनि जिवित मन्तोरक ओर लोकुरक इदेक आपुना साटि जिवेमायमाकिर मति बोर सबोय लोकुरक साटि हासुन असा जिवेमातोर ओर मसिना साटि जिवेमायिर इन्जोर मसि सबोय लोकुरक साटि हातोर।

फिलिप्पि 2:21

बाक्याकि दुसरो सबोय लोकुरक केवल आप-आपुना सोबाय साटि बुतोते मन्तोर मति येसु मसिना इच्चाता अनुसार बोरे बुतो केवोर।

कुलुसि 3:5

इन्जोर व्यभिचार, अपवित्रता, वासना, खराब इच्चा अनि मूरति पुजाता बराबर मन्ता लालुच इदाम मियागा बारायि सन्सारिक मन्ता अदेन होवक्स वाटाट।

२ तिस्लुनि 2:4

अनि लोकुरक परमेस्वर इन्जोर मानेमान्तोर इद सबोयतुन या बोना आरादना किन्तोर ओद सबोय पोल्लोतुन ओर विरुद किस आपुनतुन हजोर कियानुर। प्रबुन अनि प्रबुना कानुनतुन विरुद बुतोकेवाल ओर मानेय परमेस्वरना प्रार्थना लोतिगा दायनुर अनि अगा ओर उदस आपुनतुन परमेस्वर इन्जोर इन्दानुर।

१ तिमुति 1:20

अनि हुमिनयुस अनि सिकन्दर ओरा संगे मन्तोरक; नना ओरकुन खरोय मसि विस्वासि लोकुरा सभातिगाडाल लक कितान बाक्याकि खरोय उपदेशतुन निन्दा केमाट इन्जोर ओरक समजेमायिला पहाजे।

१ तिमुति 1:9

अनि लोकुरक पापि मन्तोर इन्जोर परमेस्वर लोकुरक साटि नियमतुन हितुर इदाम माक समजेमान्तोरोम। अनि परमेस्वरना ओद नियमतुन तोळेकेवालोरक अनि परमेस्वरना ओद नियमतुन विरोद बुतोकेवाल लोकुरक अनि परमेस्वरतुन आदर केवोरक लोकुरक अनि दरोज पाप किस बसकेय पस्तेमायोरक अनि बोर प्रबुना मुने पवित्र जिवन जिवे केवोरक अनि बोर आपुना अवाल बाबोन हव्किन्तोरक अनि दुसरोन वने हव्किन्तोरक इदाम सबोय लोकुरक साटि परमेस्वर नियम हितुर,

१ तिमुति 3:3

अनि अध्यक्ष दाळंगो उन्वाल अनि पिटिहवाल मनमाकिर मति ओर कोमल स्वभावतोर मनिर, वाहचवाल मनमाकिर अनि गलत बुतो किसुन पयसांग कमेय केवाल मनमाकिर।

१ तिमुति 6:10

बाक्याकि पयसाना लालच सबोय प्रकारता खराब बुतोतुन मुक्या कारण आन्ता। इदाम पयसाना लालच किस हुचुक लोकुरक आपुना खरोय विस्वास तासिस पकाय दुःखते अरतुरक।

१ तिमुति 6:4

अनि बोरे इदाम गलति उपदेश किन्तोर ओर घमन्ड केवाल मन्तोर मति ओर बाताले खरोय पोल्लोतुन पुनोर। अनि ओर आपुना बेकार उपदेशतुन लोकुरा हेरे ओसुन अदेना बारेते दरोज वाद-विवाद अनि ओद पोल्लोता अर्थता बारेते तर्क कियाना साटि खराब आदत मन्ता। अनि इदाम बहस पोल्लोता द्वारा हेवा कियाना, वाहचाना, चाहळिंग, अनि दुसरोनिगा खोटाल अनि संशय कियाना इदाम खराब पोल्लोंग पसिन्तांग,

२ तिमुति 3:4

अनि सोबाय गोतियाल लेहका नाटेक किस आपुना गोतियालोरकुन दुश्मना कयते पयपियानुर, अनि दुसरो लोकुराताल पकाय हजोर लेहका समजेमास गमेन्डते व्यवहार कियानुरक। अनि आपुना मेन्दुलता सुख विचार किसोर मन्दानुरक मति परमेस्वरतुन माया केवोरे आयनुरक,

याकुब 2:8

मति “बदाम निमाट आपुनिगा मया अनि काळजि किन्तोरिट अदामे मया अनि काळजि मिया हेरेटोरकुन वने किम्ट” इन्जोर पवित्र पुस्तकता पोल्लोता अनुसार इद हजोर आग्या निमाट खरोय मन्दे पालन किन्तोरिट ते ओद मिकुन सोबाय मन्ता।

याकुब 4:16

मति इदेक निमाट पकाय घमेन्ड किस वळकिन्तोरिट अनि अदेना बारेते पकाय हजो-हजो पोल्लो किन्तोरिट, इदाम सबोय घमेन्ड गलति मन्ता।

याकुब 4:6

मति परमेस्वर मावागा पकाय दया किन्तोर इन्जोर, “परमेस्वर घमन्ड लोकुरा विरोद किन्तोर अनि गरिब लोकुरकनिगा पकाय दया किन्तोर” इन्जोर पवित्र पुस्तकतिगा कोटता मन्ता।

१ पतरस 5:5

इदे रितिते हे लयोरक, निमाट वने मुक्याल लोकुरा अदिकारते मन्ट, अनि निमाट सबोय लोकुरक नम्रताते वरोर दुसरोना सेवा कियान साटि तयारिते मन्ट, बाक्याकि “आपुनतुन हजोरपण केवालोरकुन परमेस्वर विरोद किन्तोर, मति परमेस्वर गरिब लोकुरकनिगा दया किन्तोर।”

२ पतरस 2:10

विशेषाल बोर आपुना मेन्दुलता अनुसार अशुद्ध इच्चाता परके ताकान्तोरकुन अनि सबोय अदिकारतुन तुच्च मानेमान्तोरकुन वने। अनि ओरक खोटाल करिहवालोरक ओरा गलत बुतो कियान साटि पकाय हिमत मन्तोरक, अनि हजोर पदवालोरा वने निन्दा कियान साटि वरियोरक।

२ पतरस 2:12

मति येरक खोटाल करिहवालोरक केवल मानेयना कयते पयस हव्काना साटि जनम आता केळाता निरबुद्धि जानवर लेहका मन्तोरक। अनि बोव पोल्लोनुंग ओरक बाताले पुनोरे अदेना बारेते दुसरो लोकुरकुन गलति खराब इन्तोरक, मानेय जानवरकुन हव्कान्तोरक अदामे परमेस्वर येर खोटाल करिहवालोरकुन वने नाश कियानुर।

२ पतरस 2:18

ओरक खराब बुतो किस-किस जिवित मन्वालोर लोकुरकनिकेडाल पकायि मुसकिलते इदेक पिसिस वातोर ओर लोकुरकुन, येरक बेकार हजोरपणता पोल्लोंग वळकस वळकस आपुना शारिरिक इच्चाता खराब बुतो कियाना साटि फसेकिहिन्तोरक।

२ पतरस 2:3

ओरक खोटाल करिहवाल लोकुरक ओरा पकायि लालुचता कारणते आपुना बनेहकिता दोखाता पोल्लो वळकस मियाकेडाल धन कमेह कियानुरक। ओरा दन्ड परमेस्वरना द्वारा पकाय पहलेटाले तयार किन्ता। ओरा साटि तयार किता ओद नाश ओरकुन हर हुळिला आता।

यहुदा 1:16

येरक लोकुरक बळबळेमायाना अनि दोष पळकवालोर मन्तोरक, अनि आपुना इच्चा अनुसार ताकवालोर मन्तोरक, अनि येरक घमेन्डता पोल्लोंग वळकान्तोरक, अनि येरक आपुना फायदा साटि दुसरोनसंग चापलुसि पोल्लोंग वळकवाल मन्तोरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 13:1

असके नना उन्दि जानवरतुन समुद्रताल पसियानपा हुळतान, अदेन दाहा कोहक अनि सात तलांग मतांग। अदेना कोहकपोरो दाहा राजमुकुट अनि अदेना तलांग पोरो परमेस्वरना निन्दाता पोरोयिंग कोटस मतोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 16:11

लोकुरक पकाय नोमुरता कारण आपुना-आपुना वन्जेर कसकिला लागतुरक। अनि आपुना नोमुर अनि किरकना कारण स्वरगतोर परमेस्वरना निन्दा कितुरक ते वने आपुना आपुना खराब बुतोता बारेते पस्तेमायाना इच्चा केवोरक आतुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 16:21

आबारताल लगभग पन्चेचाळिस-पन्चेचाळिस किलोतांग पकाय हजोर अदुहता पिर मानेयकना पोरो अरतुंग, हजोर अदुहता पिरता तकलिप पकाय भयानक मता इन्जोर लोकुरक परमेस्वरना निन्दा कितुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 16:9

मानेयक पकाय अदिते कासतुर, असके इदाम तकलिपता पोरो अदिकार मन्ता परमेस्वरना पोरोयता निन्दा कितुरक सिवायि ओरक परमेस्वरना महिमा कियाना या आपुना पापताल पस्तेमायोर आतुरक।