२ तिमुति 3:13 - Muria Far Western

¹³ अनि खोटाल उपदेश करिहवालोर ओर लोकुरक सोबाय उपदेश करहान्तोर लेहका आपुना खोटाल उपदेश करहिन्तोर अनि खराब बुतो किसोर मन्दानुरक। अनि ओर लोकुरक दुसरोन दोखा किन्तोर अनि आपुन वने दोखा तिन्तोर।

२ तिमुति 3:13 Iomraidhean Croise

२ कुरिन्थुस 6:8

हुचुलोर लोकुरक माकुन आदर किन्तोरक मति दुसरो हुचुलोर लोकुरक माकुन अनादर किन्तोरक। हुचुलोर लोकुरक मावा प्रशंसा किन्तोरक मति दुसरो हुचुलोर लोकुरक मावा विरोदते निन्दा किन्तोरक। मावोर विरोदि लोकुरक माक खोटाल समजेमान्तोर मति माक खरोय वळकान्तोरोम।

१ तिमुति 4:1

मति येसु मसिना असा मल्स वायाना मुने हुचुक लोकुरक परमेस्वरना खरोय उपदेशतुन हरचियानुरक इन्जोर परमेस्वरना आत्मा साप रुपते वेहिन्तोर। अनि ओरक दोखा हेवाल दुष्टात्माता पोल्लो केन्जानुरक अनि दुष्टात्मा बाताल करहान्ता ओद खोटाल उपदेशतिगा लोकुरक विस्वास कियानुरक।

२ तिमुति 3:8

अनि बदाम यन्नोस अनि यम्ब्रोस पकाय वरसाना पहले परमेस्वरनोर सेवक मूसाना विरोद कितुरक अदामे खोटाल उपदेश करिहवालोरक मसिना खरोय उपदेश करिहानातुन विरोद किन्तोरक। अनि ओर आपुना बुद्धिते गलति पोल्लोंग विचार किन्तोरक। अनि ओर लोकुरक येसु मसिना खरोय उपदेश करिहानातुन बसकेय विस्वास केवोरक।

तितुस 3:3

अनि माक वने येसु मसिन विस्वास कियानाता मुने निरबुद्धि, परमेस्वर अनि मानेयना आग्यानुंग मानेमायोम आन्दोम, असके माक खरोय हरितुन लेस मतोरोम अनि मन्दा पकाय खराब विचार अनि पाप कियानाता विचारता नियत्रणते मतोम अनि माक एका-मेका होंगते मतोम, हेवा किन्दोम, दुसरो लोकुरक माकुन होंग किन्दुरक अनि माक वने ओरकुन होंग किन्दोम।

२ पतरस 2:20

ओरक मावोर प्रबु अनि पिसिहवाल येसु मसिना पुन्दाना द्वारा सन्सारता अलग-अलग प्रकारता अशुद्धताताल पिसियतोर, असा ओव पोल्लोतिगा हिरक्स हारेमातुर ते ओरा आकरि दसा पहलेटाल वने खराब आयार।

२ पतरस 3:3

“ओना वायाना वाचा बगा हतु?

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 12:9

अनि सबोय दुनियातुन भळकेह केवाल इबिलिस या सयतान इदाम पोरोयतोर ओद पकाय हजोर मासुल तरासिन अर्थ ओद जुनाल तरासिन दरतितिगा अरिहचितुर अनि ओनोर दूतकुन वने ओनासंग अरिहचितुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 13:14

पहलेटा जानवरता मुने तोहान साटि परवांगि पुटता ओव चिन्हता द्वारा ओद दुसरो जानवर दरतितिगा मनवालोरकुन भळकेह किन्दुर। अनि तलवारते घाव आतु ते वने असा जितो आता ओद पहलेटा जानवरता मूरति बनेहकिम्ट इन्जोर ओद दुसरो जानवर दरतितिगा मनवालोरकुन इन्दुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 18:23

अनि टिवरिता वेळिचि असा बसकेय नियागा मान्जो आयार, अनि दुलहाल अनि दुल्हिना शब्द असा बसकेय नियागा केन्ज वायो आयार, नियोर व्यापारी लोकुरक दरतितोर मुक्याल मतोरक अनि निया अळहानाते सबोय जाति भळकेमास मतांग।