२ तिमुति 3:12 - Muria Far Western

¹² अनि येसु मसिनिगा विस्वास किस पवित्र जिवन जिवेमायाना विचार किन्तोरक सबोय लोकुरकुन पकाय तकलिप आयार,

२ तिमुति 3:12 Iomraidhean Croise

मत्ति 16:24

अनि पजा येसु सबोय लोकुरकुन इतुर, “बोने नावा चेला आयाना इच्चा मन्ता ते, ओर आपुना इच्चा अनि योजनातुन तासिस आपुना कुरुस ताहच आपुना पकाय तकलिपतुन सहेन किस नावा परके वायिर।

मत्ति 23:34

इन्जोर नना मिया हेरे परमेस्वरना पोल्लो वेहवालोरक अनि बुद्धिमान अनि मूसाना नियमतुन करिहवालोरकुन लोहान्तोना, अनि निमाट ओरागाडाल हुचुलोर लोकुरकुन कुरुस पोरो अन्जिहच हव्किट, अनि हुचुलोर लोकुरकुन आपुना समाज मन्डलितिगा सोटाते हियाकिट अनि उन्दि सहेरताल दुसरो सहेर ओरकुन हाहान साटि वलियकिट।

मरकुस 10:30

ते ओन इद दुनियातेय नुर पट लोन, तमो हेलाळ, अवाल बाबाल, बालक अनि डन्ड वने पुटार अनि अदेनासंग लोकुरकनिकेडाल मिकुन पकाय तकलिप वने पुटार। अनि वायाना काळते ओन स्वरगतिगा अनन्त जिवा वने पुटार इदाम नना मिकुन खरोय इन्तोना।

युहनाल 16:2

अनि ओरक मिकुन समाज मन्दिरताल बाहरो टन्डसिनुरक, मिकुन हव्कस वाटनुरक, ओरक नना परमेस्वरना सेवा किन्तोना इन्जोर समजेमास मिकुन हव्काना बेरा वायिला आता।

युहनाल 16:33

अनि मिकुन नावागा शान्ति पुटि इन्जोर नना इव पोल्लोंग मिकुन इतोना। अनि दुनियातिगा मिकुन तकलिप आन्ता मति हिमत किम्ट बाक्याकि नना दुनियातुन जिकतोना।”

युहनाल 17:14

अनि नना निया पोल्लो ओरकुन अविहच हितोना, अनि नना दुनियातोर आयोन अदामे ओरक वने इद दुनियातोरक लोकुरक लेहका आयोरक इन्जोर दुनिया ओरकुन दुश्मनि कितुरक।

बुतोंग 14:22

“विस्वासते बनेमास मन्ट अनि माकुन पकाय तकलिप ताहच परमेस्वरना राज्यतिगा हन्दा लागार” इदाम उपदेश किस येसुना चेलालोरा मन्दुन स्थिर किसोर मतोरक।

१ कुरिन्थुस 15:19

अनि केवल इद दुनियाता जिवन साटि माक मसिनिगा विस्वास किन्तोरोम ते माक सबोय मानेयताल पकाय दयनिय मन्तोरोम।

२ कुरिन्थुस 1:12

माक इद दुनियातिगा, खास किस मिया नडुम, मेन्दुलता ग्यान ते आयो मति परमेस्वरना दयातासंग, पवित्रता अनि इमानदारितासंग परमेस्वरना योग्य चालचलन कितोम इन्जोर मावा मन्दा गवाहितिगा माक हजोरपण किन्तोरोम।

२ कुरिन्थुस 4:9

मावोर दुश्मन लोकुरक माकुन पकाय सतेह किन्तोरक मति परमेस्वर माकुन हरचिवोर अनि ओर माकुन हहान साटि अरहान्तोरक मति माक हायोम।

१ तिमुति 2:2

विशेषाल राजाह साटि अनि सबोय हजोर सरकारि नवकरि लोकुरक साटि प्रार्थना किम्ट बाक्याकि ओरक आपुना देशतोरक लोकुरकुन खरोय रितिते न्याय अनि सोबाय शासन कियान साटि परमेस्वर ओरकुन मदत कियाला पहाजे। अनि इदाम सबोय लोकुरकुन साटि प्रार्थना कियाकिट ते माक सोबाय शान्ति अनि परमेस्वरना इच्चाता अनुसार मन्दा परान्तोरोम।

१ तिमुति 3:16

अनि मसिहा मानेय आस जनम आतुर अनि ओर मसिहा आन्दुर इन्जोर पवित्र आत्माता द्वारा प्रगट आतुर। अनि स्वरग दूततुन दिसतुर अनि येसु मसिना बारेते ओनोर चेला लोकुरक सबोय जातिता लोकुरकुन वेहतुर। पजा लोकुरक ओनिगा विस्वास कितुरक। अनि परमेस्वर ओन स्वरगतिगा येतितुर। इदाम माक बाताल विस्वास किन्तोरोम अदेना खरोयिता रहस्य पकाय हजोर मन्ता। अनि इदेना बारेते बाताले शंका माकुन हिले।

१ तिमुति 6:3

अनि हुचुक लोकुरक प्रबु येसुना खरोय उपदेशतुन तासि, परमेस्वरिन गिरदा किस जिवेमायिला पहाजे इन्जोर करहोर आस अलग पुनाल उपदेश हिन्तोरक।

तितुस 1:1

परमेस्वर आचतोरक ओर लोकुरकुन विस्वासते मजबुत कियान साटि अनि परमेस्वरना सबोय आग्यातुन पालन किस जिवेमायान साटि मदत किन्ता ओद खरोय पोल्लोतुन ओरकुन करहान साटि, इदेनते ओरकुन परमेस्वरनासंग अनन्त जिवन जिवेमायाना आशा पुटानसाटि प्रबु येसु मसि नाकुन निवळेकितुर।

तितुस 2:12

अनि ओद दया प्रगट आतु इन्जोर मावोर हजोर परमेस्वर अनि मावोर पिसिहवाल येसु मसि हजोर लावदे असा वायनुर इन्जोर गिरदाते माक आशा किस जिवित मन्दानपा दुनियाता बेकार पोल्लोतुन तासिस इद दुनियातिगा संयम, परमेस्वरना मुने येताना योग्य अनि परमेस्वरना भक्तिते जिवन जिवेमायान साटि इद दया माकुन मदत किन्ता,

१ पतरस 3:14

निमाट परमेस्वरना मुने येताना योग्य बुतोंग कियानाता कारण दुःख सहेन कियाकिट ते धन्य मन्तोरिट। “लोकुरा वरहानातुन वरियमाट, अनि चिन्ताकेमाट।” मति मिया मन्दिगा मसिन प्रबु इन्जोर समजेमास आरादना किम्ट।

२ पतरस 3:11

इव सबोय चिजक इदे रितिते पिघलेमायवाल मन्तांग इन्जोर आबार किसते पिघलेमायार, अनि ब्रंमान्डता सबोय चिजक पकाय कासते पिघले मायनुंग, अनि परमेस्वर सबोय लोकुरकुन न्याय कियान साटि वायान ओद दिया हर हुळस ओद दिया सान्डे वायाना साटि कोसिस किस,

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 12:4

अदेना तोकार आबारता हुकोता तिसरोता उन्दि भागतुन पिळिंगस दरतितिगा वाटसित। बारतपन आयाना ओद आळ बारतपन आतु, सान्डे अदेनोर नोनान तिन्दान साटि ओद मासुल तरास ओद आळदा मुने नितित।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 7:14

नना ओन इतान, “हे सयबाल, निमा पुन्तोन।” ओर नाकुन इतुर, “येरक पकाय तकलिपताल पसियस वातोरक, अनि बेळा पिलाता नतुरतिगा आपुना-आपुना सन्दरा नोरस पान्डरि कितोरक।