२ तिमुति 3:11 - Muria Far Western

¹¹ अनि नना बसके अन्ताकिया अनि इकुनियुम अनि लुस्त्रा पोरोयता सहेरतिगा मन्दान असके अविस्वासि लोकुरकना द्वारा नना पकाय कष्ट अनि दुःख सहेन कितान। मति नना इद सबोय पकाय तकलिपता मुने बदाम कितान इन्जोर निमा पुन्तोन। मति प्रबु नाकुन सबोय पकाय तकलिपतिगाडाल पिसिहतुर।

२ तिमुति 3:11 Iomraidhean Croise

बुतोंग 13:14

मति पिरगा सहेरताताल मुने विळस ओरक पिसिदिया प्रदेशता अन्ताकियातिगा अवतुरक, अनि पवित्र दिया यहुदि लोकुरा समाज मन्डलितिगा हन्जुन उदितुरक।

बुतोंग 13:45

मति यहुदिलोर भीळतुन हुळस पकाय हेवाते पोलुसना पोल्लोता विरोदते निन्दा किस वळकिला लागतुरक।

बुतोंग 14:8

लुस्त्रातिगा काल्क कमजोर मतांग वरोर मानेय मतोर। ओर जनमताले लंगळाल मतोर, ओर बसकेय ताकोर आसि।

बुतोंग 20:19

पकाय नम्रताते अनि कनेळक अरहिच-अरहिच यहुदि लोकुरा खराब योजनाता कारण नावागा वास अरता पकाय तकलिपतासंग नना प्रबुना सेवा किसोरे मतान।

बुतोंग 23:10

इदाम पकाय वाहचतुरक असके ओरक पोलुसिन तुकळेंग तुकळेंग कियानुरक इन्जोर सयनिक दलतोर मुक्या अदिकारि वरियस सयनिक लोकुरकुन केयस पोलुसिन ओरा नडुमताल जबरदस्ति पसिहस किल्लातिगा ओयिर इन्जोर आग्या हितुर।

बुतोंग 26:17

अनि नना निकुन निया यहुदिलोकुरकताल अनि दुसरो जातितोर लोकुरकनिकेडाल पिसिहतोना,

बुतोंग 26:22

मति परमेस्वरना मदतते नना नेन्डवनाह जिवित मन्तोना, अनि हुडलोरक या हजोरक इदाम सबोय लोकुरा मुने गवाहि हिसोर इगा मन्तोना।

बुतोंग 9:16

अनि नावा पोरोय साटि ओन बदाम-बदाम पकाय तकलिप लागार इन्जोर नना ओन वेहका” इन्जोर इतुर।

रोमि 15:31

यहुदिया प्रदेशतोर परमेस्वरनिगा विस्वास इरोरक ओर लोकुरा कयदाल परमेस्वर नाकुन पिसहिर: अनि येरुसलेमतोर विस्वासु लोकुरक साटि नना ओयिला आतोना ओद दान विस्वासु लोकुरक गिरदातासंग स्विकार केविर इन्जोर नावासंग मिलेमास नावा साटि परमेस्वरनिके खरोय मन्दे प्रार्थना किसोर मन्ट,

२ कुरिन्थुस 1:5

मसिना तकलिपतिगा माक पकायि सहभागि आन्तोरोम, अदामे मसिना द्वारा ओना शान्ति वने माक असा पकायि अनुभव किन्तोरोम।

२ कुरिन्थुस 1:7

निमाट मावा पकायि तकलिपतिगा सहभागि आन्तोरिट अदामे मावा सान्तवनतिगा वने सहभागि मन्तोरिट इदाम पुन्तोरोम इन्जोर मिया बारेते मावा आशा मजबुत मन्ता।

२ कुरिन्थुस 12:10

इन्जोर नावा कमजोरितिगा नना मसिन साटि सहेन किता निन्दांग, गरिबि, सतेहकियाना, अनि सन्कटता बारेते गिरिदा किन्तोना बाक्याकि नना कमजोर आन्तोना असके लाववाले आन्तोना।

२ तिमुति 4:7

अनि उन्दि लळायि लेहका नना परमेस्वरना विस्वास साटि लळायि कितान, वरोर वितवाल बदाम जिकान्तोर अदाम लेहका परमेस्वर नावा कयदे हिता सोबाता पोल्लो वेहानाता बुतो नना सोबाय पुरा कितान। अनि येसु मसिना खरोय करहाना उपदेशतुन नना बसकेय तासिस हनोन।

२ पतरस 2:9

परमेस्वरना मुने येताना योग्य लोकुरकुन पकायि तकलिपताल बदाम पिसहाना, अनि परमेस्वरना नियमता विरोदते ताकवाल पापि लोकुरकुन न्यायता दियावनाह दन्ड हियान साटि बदाम इरिला पहाजे इदेन प्रबु पुन्तोर।