२ तिमुति 3:10 - Muria Far Western

¹⁰ मति हे तिमुथियुस, इव सबोय पोल्लोंग निमा सोबाय पुन्तोन बाक्याकि लोकुरकुन नना करिहता नावा जिवन जगेमायाना ओद रिति परमेस्वरना इच्चाता अनुसार मता। अनि नावा लक्ष्य लोकुरकुन परमेस्वरना पोल्लो करहाना मता। अनि बदाम नना येसु मसिनिगा विस्वास कितान अनि बदाम नना लोकुरासंगे धीरज अनि मया किसोर मतान। अनि नना सबोय कटिन परिस्थितितिगा बदाम सहेन किन्दान, इव सबोय पोल्लोतुन निमा सोबाय पुन्तोन।

२ तिमुति 3:10 Iomraidhean Croise

लूका 1:3

नना वने येसुना पोल्लोतुन बराबर करियतान इन्जोर अव सबोय पोल्लोनुंग मुनेटाले खरोय-खरोय हुळसुन, हे माननिय तियुपिलुस, निया साटि अव पोल्लोनुंग ओळीय ओळीय कोटका इन्जोर नना निश्चय कितोनान।

बुतोंग 11:23

ओर बरनबास वरोर सोबाय मानेय मतोर; अनि ओर पवित्र आत्मातुन मानेमास परमेस्वरनिगा सोबाय विस्वास केवालोर मतोर, ओर अगा अवस परमेस्वर लोकुरा पोरो हिन्तोर आशिष हुळस गिरदा आतुर अनि जिवालावे किस प्रबुनिगा विस्वास किम्ट इन्जोर सबोयलोरकुन उपदेश हितुर। अनि दुसरो पकाय लोकुरक प्रबुनिगा विस्वास कितुरक।

बुतोंग 2:42

अनि ओरक येसुना खास चेला लोकुरकनिकेडाल करियाना अनि संगति इराना अनि प्रबु जेवन कियाना, अनि प्रार्थना कियाना इदाम बुतो दरोज कियानातिगा ओरक आपुनतुन समरपित कितुरक।

बुतोंग 20:18

अनि अगडाल मसिलोकुरा सभाता मुक्या लोकुरक ओना हेरे वातुर असके ओरकुन इतुर: “नना आसियातिगा अवतान ओद दियाताल सबोय बेरा मियासंग बदाम मतान इन्जोर निमाट पुन्तोरिट।

बुतोंग 26:4

पोलुस असा इतुर, “आपुना जातिता नडुम अनि येरुसलेमतिगा मुनेटाले नावा चाल-चलन बदाम मता इन्जोर सबोय यहुदिलोरक पुन्तोरक।

रोमि 16:17

हे नावोर बायि-दादालोरक, मिकुन करहिता खरोय पोल्लोता विरोदते मिकुन करहिच मसिलोकुरा सभाताल अलग किस परमेस्वरताल लक किन्तोर इदाम लोकुरकुन निमाट पुन्ट अनि ओराताल सावदान मन्ट इन्जोर इदेक नना विनन्ति किन्तोना।

२ कुरिन्थुस 1:17

ओद योजनातिगा नना चन्चलता कितान बहे? या उन्दि बेरा “इंगो, इंगो” अनि “आयो, आयो” इन्जोर इन्दाना इद दुनियाता लोकुरा सोच विचारता हिसाब लेहका नना इद योजनातुन बाक्या तयार कितोना बहे?

इफिसुस 4:14

इन्जोर माक हुडलोर बालक लेहका असा मनोम आयकोम। बाक्याकि बदाम समुद्रतिगा डोंगातुन वळिय वास नालुंग बासाडाल अदेन डेयहान्ता अदामे ओद खोटाल करहाना मावा विस्वासतुन डेयहार इन्जोर माकुन दोखा हिन्ता ओद खोटाल करहानातुन स्विकार केवाट। दोखा हेवालोरक इद खोटाल करहाना फयले किन्तोर।

फिलिप्पि 2:20

बाक्याकि खरोय मन्दते मिया मदत कियान साटि नाकुन तिमुथियुसिन लेहका दुसरो बोरे मानेय हिलेर।

फिलिप्पि 2:22

मति तिमुथियुसिन अदाम आयो; वरोर मरि आपुना बाबोनसंग बुतो किन्तोर लेहका ओर येसु मसिना सोबाता पोल्लो वेहान साटि नावासंग मेहनत किस ओना सोबाय स्वभावतुन तोहतोर इन्जोर निमाट वने पुन्तोरिट।

१ तिस्लुनि 1:5

बाक्याकि माक वेहता प्रबुना सोबाता पोल्लो केवल शब्द रुपते आयो मति पकाय लावदे अनि पवित्र आत्माता मदत अनि पकाय विस्वासते मिया हेरे अवतु। अनि माक मिया मदत साटि मियासंग बदाम मन्तोम इन्जोर निमाट पुन्तोरिट।

१ तिमुति 1:3

अनि इफिसुस सहेरतिगा मन्ज सबोय खोटाल प्रकारता करहानातुन बन्द कियान साटि हुचुक लोकुरकुन आग्या हिम इन्जोर नना रोमि देशता मकदुनिया प्रदेशतिके हन्दानपा निकुन सोबाय समजेकिस मतोना,

१ तिमुति 4:6

अनि हे तिमुथियुस, नना निकुन वेहता सबोय पोल्लोंग विस्वासि लोकुरकुन समजेहकिस परमेस्वरना खरोय पोल्लो अनि अदेना बारेता खरोय उपदेश निमा पालन कियाकि ते निमा परमेस्वरना सोबाय सेवक बनेमायकि।

१ तिमुति 6:11

मति हे तिमुथियुस, निमा परमेस्वरनोर मानेय मन्तोन इन्जोर निमा वने इद सबोय खराब पोल्लोताल लक आस परमेस्वरना मुने येताना योग्य बनेमाम। अनि दरोज परमेस्वरना भक्ति किस येसु मसिनिगा विस्वास किम अनि सबोय लोकुरकुन मया किस धीरज अनि नम्र स्वभावता परके हन।

२ तिमुति 2:22

इन्जोर हे तिमुथियुस, लयोर लोकुरक ओद पापता बुतो कियाना इच्चा किन्तोर मति निमा इदाम गलतितिकेडाल लक हन। अनि निमा परमेस्वरना मुने दरमि बनेमाम अनि भरोसा योग्य बनेमाम अनि दुसरोनिगा मयाकिम, अनि बोर शुद्ध मन्दे प्रबुनिगा विस्वास किन्तोर ओर लोकुरासंग शान्तिते मन्दान साटि पकाय कोसिस किम।

२ तिमुति 4:2

परमेस्वरना पोल्लो प्रचार कियान साटि सबोय परिस्थितिते तयार मन्ट। अनि सबोय प्रकारता सहनशीलताते उपदेशतासंग गलतितुन समजेकिस हिम। अनि प्रोत्साहन किस करहा।

२ तिमुति 4:3

बाक्याकि लोकुरक खरोय उपदेशतुन केन्जोर आयनुरक अनि ओरक केन्जान साटि विचारकिता पोल्लोंग वळकस ओरकुन गिरदा किन्तोर करिहवालोरकुन ओर लोकुरक पळकानुरक।

२ तिमुति 4:7

अनि उन्दि लळायि लेहका नना परमेस्वरना विस्वास साटि लळायि कितान, वरोर वितवाल बदाम जिकान्तोर अदाम लेहका परमेस्वर नावा कयदे हिता सोबाता पोल्लो वेहानाता बुतो नना सोबाय पुरा कितान। अनि येसु मसिना खरोय करहाना उपदेशतुन नना बसकेय तासिस हनोन।

तितुस 2:7

अनि निमा सबोय बुतोनुंग सोबाय किम अनि लयोरक लोकुरक वने अदामे कियाला पहाजे। अनि निमा ओर परमेस्वरना बारेते करिहकि ते इमान्दारिते करिहकि, अनि समजदारिते ओरक करिहतांग पोल्लोनुंग मानेमायिर,

यहुदि 13:9

प्रबु येसुना बारेता खरोय पोल्लोताल भटकेकिन्ता अलग अलग रितिता सबोय पुनाल करहानाते बहके मायमाट। पालन केवालोर लोकुरकुन बोदे फायदाते हिले जेवनता बारेता नियमते आयो मति परमेस्वरना दयातिगा मन स्थिर कियाना उचित मन्ता।

२ पतरस 3:11

इव सबोय चिजक इदे रितिते पिघलेमायवाल मन्तांग इन्जोर आबार किसते पिघलेमायार, अनि ब्रंमान्डता सबोय चिजक पकाय कासते पिघले मायनुंग, अनि परमेस्वर सबोय लोकुरकुन न्याय कियान साटि वायान ओद दिया हर हुळस ओद दिया सान्डे वायाना साटि कोसिस किस,