२ तिमुति 2:3 - Muria Far Western

³ अनि निमा येसु मसिना सोबाय सयनिक बनेमासुन नावासंग येसु मसि साटि दुःख सहेमाम।

२ तिमुति 2:3 Iomraidhean Croise

बुतोंग 23:31

इन्जोर सयनिक दलता मुक्य अदिकारिना आग्याता अनुसार सयनिक लोकुरक पोलुसतुन पयस नरकाय-नरका येरुसलेमताल अन्तिपत्रसतिगा वातुरक।

१ कुरिन्थुस 13:7

ओर आपुना जिवनतिगा सबोय सहेन किन्तोर अनि दरोज परमेस्वरनिगा विस्वास इरान्तोर। अनि ओर सबोय पोल्लोतिगा परमेस्वरनिगा आशा इरान्तोर अनि सबोय पोल्लोतिगा पोसोरिंग सहेन किस मन्तोर।

१ कुरिन्थुस 9:7

बोरे सयनिक आपुना डबुते सयनिक सेवा कियानुर बहे? अंगुरता बगिचा लावेकेवाल मानेय अदेना कायांग तिन्दानुरे। हरेनुंग मेहवाल मानेय अवेहना पाल उन्डानुरे।

२ कुरिन्थुस 1:6

माकुन मसिना कारणते तकलिप आन्ता ते इद मिया शान्ति अनि पिसान साटि मन्ता। अनि माकुन शान्ति पुटान्ता ते ओद मिकुन शान्ति पुटान साटि मन्ता अनि माक सहेन कितोम ओदे तकलिप निमाट वने धिरजतासंग सहन कियान साटि मन्ता।

१ तिमुति 1:18

हे नावोर मरि लेहका मन्तोन तिमुथियुस, पहलेटाले निया बारेते पुटता परमेस्वरना पोल्लोता अनुसार उन्दि सयनिक आपुना देश साटि बदाम लळायि किन्तोर अदामे निमा वने परमेस्वरना खरोय उपदेशतुन जिकान साटि लळायि किम इन्जोर नना निकुन आग्या हिन्तोना।

२ तिमुति 1:1

अनि नना येसु मसिना खास चेला पोलुस विस्वासते प्रिय मरि लेहका मन्तोर ओर तिमुथियुसिन इद पत्र कोटान्तोना। अनि परमेस्वरना इच्चा कियान साटि अनि बोर येसु मसिनिगा विस्वास किन्तोर ओर लोकुरकुन अनन्त जिवन पुटार इन्जोर परमेस्वरना ओद वाचा लोकुरकुन वेहान साटि ओर नाकुन आचतोर।

२ तिमुति 1:8

इन्जोर मावोर प्रबु येसु मसिना गवाहि वेहान साटि अनि नना साकळि करिहसुन प्रबुना साटि जेहलतिगा मन्तोना इन्जोर बसकेय लज्जा आयमा, मति सुसमाचार साटि नना बदाम दुःख सहेमातान अदामे परमेस्वरना सामर्थता अनुसार निमा वने दुःख सहेकिम,

२ तिमुति 2:10

इन्जोर परमेस्वर आचतोर ओर लोकुरकुन येसु मसिना द्वारा पिसाना पुटि अनि ओर उदस मन्तोर ओद स्थानतिगा महिमातासंग ओरक वने दरोज मन्दान साटि नना परमेस्वर आचतोर ओर लोकुरक साटि इद सबोय दुःख सहेमान्तोना।

२ तिमुति 2:9

अनि इद सुसमाचार साटि नना कुकरमिना लेहका साकळि करिहसुन दुःख सहेमान्तोनान, मति परमेस्वरना पोल्लो फयलेकियान साटि बोरे मानेय रोके कियापरोर।

२ तिमुति 3:11

अनि नना बसके अन्ताकिया अनि इकुनियुम अनि लुस्त्रा पोरोयता सहेरतिगा मन्दान असके अविस्वासि लोकुरकना द्वारा नना पकाय कष्ट अनि दुःख सहेन कितान। मति नना इद सबोय पकाय तकलिपता मुने बदाम कितान इन्जोर निमा पुन्तोन। मति प्रबु नाकुन सबोय पकाय तकलिपतिगाडाल पिसिहतुर।

२ तिमुति 4:5

अनि हे तिमुथियुस, निया सबोय परिस्थितितिगा सावदान मन, अनि दुःख सहेकिम, परमेस्वरना पोल्लोतुन प्रचार कियाना बुतो किम अनि परमेस्वर निया कयदे सोपे किता परमेस्वरना सेवातुन पुराकिम।

फिलेमोन 1:2

अनि हेलाळ अफिया अनि मावोर संगवाले सोबाय सेवा केवाल अरखिपुस अनि मिया लोता मसिलोकुरा सभातुन माक इद पत्र कोटान्तोरोम:

यहुदि 10:32

मति निमाट मसिना बारेता खरोय पोल्लो समजेमास मसि विस्वासि बनेमातिट असके मिया पकाय तकलिपतिगा हिमतासंग विस्वासते स्थिर मतोरिट ओव पहलेटा दियानुंग निमाट आल्हाट।

यहुदि 11:27

विस्वासता कारणतेय मूसा बोरे बसकेय दिसोर ओर परमेस्वरिन हुळस मजबुत आस आपुना लक्ष साटि स्थिरते नितितुर इन्जोर मिस्रि देशता हजोर राजाना होंगदुन वरियोर आस ओर इस्रायेल लोकुरासंग मिस्रि देशतुन तासिस पसियतुर।

यहुदि 6:15

अनि इदे रितिते अब्रहाम पोसोरिंग सहेनकिस परमेस्वर प्रतिज्ञा किता पोल्लो येतितुर।

याकुब 1:12

अनि बोर मानेय पकाय तकलिपतुन विस्वासते मन्जुन मजबुतते अदेन सहेनकिस विजय आन्तोर ओर मानेय आशिरवादते मन्तोर, बाक्याकि ओर पकाय तकलिपतुन सहेन किस विजय आसुन पजा प्रबु आपुनिगा मया केवालोरकुन अनन्त जिवनता सम्मान हियानुर इन्जोर वाचा हितोर ओद अनन्त जिवन ओन पुटार।