२ तिमुति 2:23 - Muria Far Western

²³ अनि मुर्खताता निरर्थ बहसताल वाहचाना आन्ता इन्जोर समजेमास अदेनताल निमा लक हन।

२ तिमुति 2:23 Iomraidhean Croise

१ तिमुति 1:4

अनि खोटाल उपदेश करिहवालोरक आपुना पिळि पिळिता कालपनिक पिटेंग अनि आपुना दादा दादि लोकुरकना अनन्त वंशावलिता बारेते बहस किन्तोर, इदाम खोटाल उपदेश करिहवालोरकना सबोय पोल्लोतुन रोकेकिम बाक्याकि इद बहस परमेस्वरना योजना अनुसार आयो। अनि परमेस्वरना बुतोतुन परमेस्वरनिगा भरोसा किसुन कियाला पहाजे मति इद बहस खरोय विस्वासते मुने हन्दान साटि बसकेय मदत केवो।

१ तिमुति 4:7

अनि ओद खोटाल अनि व्यर्थ पिटोतुन पुरा इन्कार किम; अनि इदाम पिटो सिरानते बनेकितुरक मति इव खोटाल अनि व्यर्थ पिटेंग लोकुरकुन परमेस्वरना आदर कियान साटि मदत केवोंग इन्जोर निमा परमेस्वरना खरोय उपदेशता पालन कियाकि ते निमा परमेस्वरिन गिरदा केवाल मानेय आयकि।

२ तिमुति 2:14

अनि नना वेहता सबोय पोल्लोंग विस्वासि लोकुरकुन आलहिच हिम्ट, अनि उन्दि उन्दि पोल्लोता अर्थतुन पयसुन ओरक अदेना बारेते तर्क वितर्क किसुन लोकुरकना विस्वासतुन नाश किन्तोर अनि इदेना द्वारा दुसरोन बाताले लाभ पुटो। अदाम तर्क वितर्कतुन निमा बन्द किम।

२ तिमुति 2:16

अनि परमेस्वरना विरोद मन्ता ओद गलति करहानाताल निमा लक हन बाक्याकि इदाम पोल्लोंग लोकुरकुन परमेस्वरनिकेडाल लक ओयनुंग।

तितुस 3:9

मति बेकारता पोल्लोंग अनि वारसाना बारेते ओरा विवादताल लक मन्ट अनि यहुदि नियमता बारेते विवाद किन्तोरक ओरा वने लक मन्ट अनि वाहचानाताल लक मन्ट, बाक्याकि इव सबोय पोल्लोंग बाताले फायदातांग हिलेंग अनि बाताले बुतोता वने हिलेंग।

याकुब 4:1

मिया नडुम हाहाना-पिटाहाना अनि वाहचाना बाक्या आन्ता? बाताल मिया लोपा गलति कियाना अनि ओद गलतितिगा पकाय गिरदा आयाना इदाम इच्चाताल मन्ता बहे?