२ तिमुति 2:22 - Muria Far Western

²² इन्जोर हे तिमुथियुस, लयोर लोकुरक ओद पापता बुतो कियाना इच्चा किन्तोर मति निमा इदाम गलतितिकेडाल लक हन। अनि निमा परमेस्वरना मुने दरमि बनेमाम अनि भरोसा योग्य बनेमाम अनि दुसरोनिगा मयाकिम, अनि बोर शुद्ध मन्दे प्रबुनिगा विस्वास किन्तोर ओर लोकुरासंग शान्तिते मन्दान साटि पकाय कोसिस किम।

२ तिमुति 2:22 Iomraidhean Croise

बुतोंग 7:59

“हे प्रबु येसु नावा आत्मातुन स्विकार किम” इदाम इन्ज ओर प्रार्थना किसोर मतोर असके ओरक ते स्तिफानुसतुन कल्कने हिसोर मतोरक

बुतोंग 9:14

इदेक ओन दमासकसनिकेडाल वने वातुर। निया पोरोय येतितोरक सबोयलोरकुन दोहिर इन्जोर मुक्याल याजक लोकुरकनिकेडाल अदिकार पत्र ओना हेरे मन्ता” इन्जोर हनन्या उत्तर हितुर।

रोमि 14:17

बाक्याकि परमेस्वरना राज्य तिन्दान उन्डानातिगा आयो मति सबोयनासंग पवित्र आत्माता द्वारा पुटता शान्तिते अनि गिरदाते परमेस्वरतुन गिरिदा आन्ता इदाम बुतो किसोर जिवन जिवे मायिर ते परमेस्वर मावा जिवनतिगा राज्य कियानुर।

रोमि 14:19

इन्जोर माक दरोज वरोर दुसरोनासंग शान्तिते मन्दान साटि कोसिस कियाला पहाजे अनि वरोर दुसरोना विस्वासतिगा मजबुत बनेमायान साटि मदत कियाला पहाजे।

१ कुरिन्थुस 1:10

हे बायि-दादालोरक, निमाट सबोय आपसते उन्दिय जिवा आस मिया नडुम बोदे फुट आयमाकि अनि उन्दिय मन अनि उन्दिय विचारते मिलेमास मन्दिला पहाजे इन्जोर मावोर प्रबु येसु मसिना अदिकारते नना मिकुन विनन्ति किन्तोना।

१ कुरिन्थुस 1:2

येसु मसिना द्वारा पवित्र किहितुर अनि सबोय लोकुरकनिगा मावोर अनि ओरा प्रबु येसु मसिना आरादना केवालोर सबोय लोकुरासंग परमेस्वरना पवित्र लोकुरक आयान साटि केयतोर निमाट लोकुरकुनेय इद पत्र कोटान्तोरोम;

१ कुरिन्थुस 10:14

इन्जोर हे नावोर प्रिय गोतियालोरक, निमाट मूरति पुजाताल लक मन्ट इदाम नना इन्तोना।

१ कुरिन्थुस 14:1

मया सबोयताल हजोर पोल्लो मन्ता इन्जोर निमाट दरोज वरोन दुसरोनसंग मया किसोर मन्ट! अनि पवित्र आत्माता द्वारा हिता सबोय वरदानतुन पुटहान साटि विशेषाल परमेस्वरना पोल्लो वेहानाता वरदान पुटि इदाम निमाट पकाय इच्चा किसोर मन्ट।

१ कुरिन्थुस 6:18

व्यभिचारताल लक मन्ट। मानेय बोद किन्तोरक अद सबोय पाप मेन्दुलताल बाहरो मन्ता मति व्यभिचार केवाल आपुनाय मेन्दुलता विरोद पापकियाला आतोर।

१ तिमुति 1:14

अनि मावा प्रबुना दया नाकुन पकाय पुटतु। अनि नना येसु मसिनासंग मन्तोना इन्जोर नना ओनागा विस्वास कियापरान्तोना अनि दुसरोन वने मया कियापरान्तोना।

१ तिमुति 1:5

अनि सबोय लोकुरक परमेस्वरना मयाता द्वारा पवित्र मन, खरोय अनि गलतितुन समजेमायान साटि सोबाय बुद्धि, अनि परमेस्वरनिगा कपटरहित विस्वास कियाला पहाजे इन्जोर मावा आग्याता उदेश मन्ता।

१ तिमुति 2:8

इन्जोर निमाट बगाय प्रार्थनाकियान साटि मिलेमायिकिट ते निमाट मानेयक वरोन दुसरोनसंग होंग अनि बहस हरचिस आपुना मन अनि मेन्दुल पवित्र योग्य बनेकिसुन प्रार्थना किम्ट।

१ तिमुति 4:12

अनि बोरे निकुन हुडलोर समजेमायमाकिर बाक्याकि ओरकुन करहान साटि निमा पकाय लयोर मानेय मन्तोन। निया वळकाना रिति, चाल चलन, दुसरो लोकुरा बारेते निया माया, विस्वास, अनि निया जिवनता पवित्रता इद सबोय पोल्लोते निमा सबोय विस्वासि लोकुरकुन सोबाय आदरश बनेमाम।

१ तिमुति 6:11

मति हे तिमुथियुस, निमा परमेस्वरनोर मानेय मन्तोन इन्जोर निमा वने इद सबोय खराब पोल्लोताल लक आस परमेस्वरना मुने येताना योग्य बनेमाम। अनि दरोज परमेस्वरना भक्ति किस येसु मसिनिगा विस्वास किम अनि सबोय लोकुरकुन मया किस धीरज अनि नम्र स्वभावता परके हन।

यहुदि 12:14

सबोय लोकुरासंग शान्तिते मन्दाना अनि सबोय रितिते परमेस्वरतुन सोपेकिस पवित्रता साटि कोसिस किसोर मन्ट। पवित्रताता शिवाय बोरे मानेय प्रबुना हेरे हन्दिला परोर आयनुर।

१ पतरस 2:11

हे प्रिय गोतियालोरक, निमाट इद दुनियातिगा आपुनतुन परदेशि अनि यात्रि समजेमास मिया आत्मातासंग लळायि किन्ता ओव मेन्दुलता खराब इच्चाताल लक मन्ट इन्जोर नना मिकुन विनन्ति किन्तोना।

१ पतरस 3:11

ओर खराबता बुतो तासिस भलायि केविर, ओर शान्तितुन पळकसोर अदेन कियान साटि पकायि कोसिस केविर।

३ युहनाल 1:11

हे प्रिय, गलति लोकुरा चेला आयमा मति भला बुतो किन्तोर लोकुरा चेला आम। अनि भला बुतो किन्तोर ओर परमेस्वरनिकेडाल मन्तोर मति बोर गलति किन्तोर ओर परमेस्वरदुन पुनोर।