२ तिमुति 2:21 - Muria Far Western

²¹ अनि वरोन पापताल शुद्ध किन्तोर ते बदाम आदर कियानाता दळियातुन आपुनोर मालकाल उपयोग किन्तोर अदामे ओरकुन सोबायता बुतो साटि प्रबु उपयोग कियानुर।

२ तिमुति 2:21 Iomraidhean Croise

बुतोंग 9:15

मति प्रबु ओन इतुर, “निमा हन, बाक्याकि ओर ते यहुदि आयोर लोकुरकुन अनि राजाहकुन अनि इस्रायेल लोकुरा मुने नावा पोरोय तोहान साटि नना आचतोर सेवक मन्तोर।

१ कुरिन्थुस 5:7

ओद सोडा लेहकाता जुनाल पापता स्वभावतुन तासिस निमाट सबोय लोकुरक पवित्र आयकिट। असके सोडा वाटोर अदाम पुनाल पिन्डि लेहका आयकिट। निमाट खरोय बोदे पाप हिले अदाम मन्दिला पहाजे। बाक्याकि ओद पसहा हनुमता बेरा बलि हिता बेळा पिला लेहका मसि सबोय लोकुरा पापतुन पिसहान साटि बलिदान आतोर।

२ कुरिन्थुस 7:1

इन्जोर हे नावोर बायि-दादालोरक, इव वाचांग माकुन पुटतांग इन्जोर वराट माक परमेस्वरना मुने आपुना मेन्दुलता अनि आत्माता अशुद्ध किन्ता पोल्लोंग सबोय हरचिस परमेस्वरतुन मानेमास पवित्रतातुन पुरा केविट।

२ कुरिन्थुस 9:8

निमाट सबोय पोल्लोतिगा दरोज गिरिदा आस मिया सबोय सोबाय बुतोतिगा पकाय विळान साटि मिकुन सबोय प्रकारता वरदान पकाय हियाना साटि परमेस्वर लाववाले मन्तोर।

इफिसुस 2:10

बाक्याकि माक ओनोर बनेहकितोर मन्तोरोम। माक सोबाय बुतो कियाला पहाजे इन्जोर परमेस्वर येसु मसिना द्वारा माकुन पुनाल जिवन बनेहकितुर; माक पकाय सोबाय बुतो किसोर आपुना जिवन ताकिहिला पहाजे इन्जोर परमेस्वर मुनेटाले योजना तयार कितोर।

१ तिमुति 6:11

मति हे तिमुथियुस, निमा परमेस्वरनोर मानेय मन्तोन इन्जोर निमा वने इद सबोय खराब पोल्लोताल लक आस परमेस्वरना मुने येताना योग्य बनेमाम। अनि दरोज परमेस्वरना भक्ति किस येसु मसिनिगा विस्वास किम अनि सबोय लोकुरकुन मया किस धीरज अनि नम्र स्वभावता परके हन।

२ तिमुति 2:16

अनि परमेस्वरना विरोद मन्ता ओद गलति करहानाताल निमा लक हन बाक्याकि इदाम पोल्लोंग लोकुरकुन परमेस्वरनिकेडाल लक ओयनुंग।

२ तिमुति 2:20

अनि उन्दि धनि मानेयना लोतिगा सोनाता अनि चान्दिता दळियांग मन्तांग अनि मराना अनि तोळियता दळियांग वने मन्तांग; अनि हुचुक दळियांग खास बुतो साटि अनि दुसरो हुचुक दळियांग साधारन बुतो साटि उपयोग किन्तोर।

२ तिमुति 3:17

इन्जोर ओद पवित्र पोल्लो, परमेस्वरनिगा विस्वास केवालोरकुन सबोय सोबाय बुतो कियान साटि तेयार अनि योग्य बने कियार।

२ तिमुति 4:11

अनि इदेक लूकाल वरोरे मावा संगे मन्तोर। मरकुसिन नावा हेरे तरा बाक्याकि प्रबुना सेवा साटि ओर नाकुन पकाय मदत केवाल मतोर।

तितुस 3:1

अनि सरकारि अदिकारिना अदिकारते मनिरक अनि ओरा आग्या मानेमायिरक अनि बोदे खरोय बुतो कियान साटि तेयार मनिरक इन्जोर विस्वासि लोकुरकुन आलिहचिम,

तितुस 3:14

अनि ओरक सोबाय बुतो केविर इन्जोर निमा सबोयलोर विस्वासि लोकुरकुन करहा, बाक्याकि ओरक वरोन दुसरोना जरुरितुन पुरा केविर, अनि इदाम ओरक बिना फयदाते मनमाकिर।

तितुस 3:8

अनि इव पोल्लोंग बोव नना मिकुन वेहान्तोना इव पोल्लोंग पकाय खरोय मन्तांग, इन्जोर विस्वासि लोकुरकुन इव पोल्लोंग डाटेह किसुन ओरकुन समजे किम। अनि बोर परमेस्वरतिगा विस्वास कितोर ओरकुन इव पोल्लोनुंग सोबाय बुतो कियान साटि मन लावेह किसोर मनिरक इन्जोर इव पोल्लोंग पकाय सोबाय मन्तांग अनि सबोय लोकुरकुन फायदातांग मन्तांग।

१ पतरस 1:22

खरोयतुन पालन कियानाता कारण मिया आत्मा निषकपट बन्धुभावता माया साटि शुद्धकिस इन्जोर मन लावेकिस वरोर दुसरोन पकाय मया किम्ट।

१ पतरस 1:7

बाक्याकि परिक्षाते विजय आता मिया खरोय विस्वास ओद किसतिगा परिक्षा किता सोनोताल वने पकाय किमति मन्ता इन्जोर येसु मसि असा प्रगट आयनुर असके परिक्षाते विजय आता मिया खरोय विस्वास वाहवाता, महिमाता अनि आदरता कारण ठहरे मायि।

१ युहनाल 3:3

अनि ओनागा इद आशा इरान्तोर ओर बदाम येसु पवित्र मन्तोर अदामे आपुना जिवनतुन पवित्र बनेकिन्तोर।