२ तिमुति 2:2 - Muria Far Western

² अनि नना पकाय लोकुरा मुने परमेस्वरना पोल्लो वेहतुर अनि निमा वने अदेन केन्जति। अनि इद पोल्लोतुन दुसरोन वने करहान साटि योग्य मन्तोर ओर इमान्दार लोकुरा कयते इद पोल्लोतुन निमा सोपेकिम।

२ तिमुति 2:2 Iomraidhean Croise

मत्ति 13:52

येसु ओरकुन इतुर, “इन्जोर स्वरग राज्यतोर चेलाह बनेमातोर परमेस्वरना नियमतुन करिहवालोरक सबोय लोकुरक आपुना भंडारताल पुनांग अनि जुनांग चिजक टन्डान्तोर ओर मानेय लेहका मन्तोर।”

मत्ति 24:25

आटवन इराट, नना पहलेटाले मिकुन इद सबोय इतोना।

लूका 12:42

अनि प्रबु पतरासिन इतुर, “बरोबर बेराते तिन्दा-उन्दा हेविर इन्जोर मालकाल सबोय नोवकरकनिगा मुक्याल बनेकितोर विस्वासयोग्य अनि बुद्धिमान भणडारि, बोर मन्तोर?

१ कुरिन्थुस 4:2

इदेक परमेस्वर हिता बुतोतुन संभाले कियाना सोपे कितोर सबोय मानेय आपुना स्वामिनसंग इमानदार मन्दिला पहाजे।

२ कुरिन्थुस 2:14

मति मसिनिगा दरोज माकुन विजयता गिरिदातिगा ओन्तोर अनि मसिना बारेता ग्यान सोबाय दयमुर लेहका मावा द्वारा सबोय जागातिगा फयले किन्तोर ओर परमेस्वरना धन्यवाद आयि।

२ कुरिन्थुस 3:5

माक आपुनास मावा साटि सबोय बुतो कियाला लाववाले मन्तोरोम इदाम आयो मति इद सबोय बुतो कियाना लाव माकुन परमेस्वरताल पुटान्ता।

कुलुसि 1:7

अनि ओद सुसमाचार निमाट मावोर प्रिय सहकर्मि इपफ्रासनिकेडाल करहितोरिट ओर मावा साटि मसिहानोर विस्वासयोग्य सेवक मन्तोर।

१ तिमुति 1:12

अनि नाकुन लाव हितोर ओर आपुना प्रबु येसु मसि नाकुन विस्वासयोग्य हुळसुन ओना सेवा साटि ठहरे कितुर इन्जोर नना ओन धन्यवाद किन्तोना।

१ तिमुति 1:18

हे नावोर मरि लेहका मन्तोन तिमुथियुस, पहलेटाले निया बारेते पुटता परमेस्वरना पोल्लोता अनुसार उन्दि सयनिक आपुना देश साटि बदाम लळायि किन्तोर अदामे निमा वने परमेस्वरना खरोय उपदेशतुन जिकान साटि लळायि किम इन्जोर नना निकुन आग्या हिन्तोना।

१ तिमुति 4:14

अनि मसिलोकुरा सभाता मुक्याल लोकुरक नियागा ओरा कय इरसुन प्रार्थना किस ओर लोकुरक निया बारेते परमेस्वरना पोल्लो वेहतुरक असके परमेस्वर निकुन हिता वरदानतुन निमा बसकेय तुच्च मानेमायमा।

१ तिमुति 4:6

अनि हे तिमुथियुस, नना निकुन वेहता सबोय पोल्लोंग विस्वासि लोकुरकुन समजेहकिस परमेस्वरना खरोय पोल्लो अनि अदेना बारेता खरोय उपदेश निमा पालन कियाकि ते निमा परमेस्वरना सोबाय सेवक बनेमायकि।

१ तिमुति 5:22

अनि मसिलोकुरा सभाता मुक्याल लोकुरकुन सान्डेय आचमाट, बाक्याकि पाप केवाल वरोर मानेयतुन निमा मसिलोकुरा सभाता मुक्याल बनेकियाकि अनि ओर पाप कियानुर ते परमेस्वरना मुने निमा ओना पापता जिमेदार आयकि इन्जोर निमा आपुनतुन पवित्र बनेकिम।

१ तिमुति 6:12

विस्वासता परके हन्दान साटि नियागा पकाय सन्कट वायार असके निमा खरोय विस्वासते मुने हन्दान साटि मेहनता लळायि किम। अनि इद विस्वास निमा पकाय लोकुरा मुने गवाहि हिस मतोर अनि निया अनन्त जिवन नाश केमा बाक्याकि अनन्त जिवन साटि परमेस्वर निकुन आचतोर।

२ तिमुति 3:10

मति हे तिमुथियुस, इव सबोय पोल्लोंग निमा सोबाय पुन्तोन बाक्याकि लोकुरकुन नना करिहता नावा जिवन जगेमायाना ओद रिति परमेस्वरना इच्चाता अनुसार मता। अनि नावा लक्ष्य लोकुरकुन परमेस्वरना पोल्लो करहाना मता। अनि बदाम नना येसु मसिनिगा विस्वास कितान अनि बदाम नना लोकुरासंगे धीरज अनि मया किसोर मतान। अनि नना सबोय कटिन परिस्थितितिगा बदाम सहेन किन्दान, इव सबोय पोल्लोतुन निमा सोबाय पुन्तोन।

२ तिमुति 3:14

मति हे तिमुथियुस, निमा करियता खरोय उपदेशतिगा विस्वास किसोर मन अनि इद उपदेश खरोय मन्ता इन्जोर निमा पुन्तोन बाक्याकि निकुन इद खरोय उपदेश करिहवालोर लोकुरक निया विस्वास योग्य मतोरक,

यहुदि 2:17

इन्जोर लोकुरकुन ओरा पापताल मापि पुटहान साटि परमेस्वरना सेवातिगा दया केवाल अनि विस्वासयोग्य मन्तोर हजोर याजक आस पापता मापि साटि बलि हिया परिर इन्जोर मावा लेहका येसु सबोय रितिते खरोय मानेय बनेहकियाना जरुरि मता।