२ तिमुति 2:14 - Muria Far Western

¹⁴ अनि नना वेहता सबोय पोल्लोंग विस्वासि लोकुरकुन आलहिच हिम्ट, अनि उन्दि उन्दि पोल्लोता अर्थतुन पयसुन ओरक अदेना बारेते तर्क वितर्क किसुन लोकुरकना विस्वासतुन नाश किन्तोर अनि इदेना द्वारा दुसरोन बाताले लाभ पुटो। अदाम तर्क वितर्कतुन निमा बन्द किम।

२ तिमुति 2:14 Iomraidhean Croise

मत्ति 16:26

मति मानेयक दुनियाता सबोय पोल्लोंग पुटहानुर मति ओना अनन्त जिवन नष्ट आयार ते ओन बाताल फायदा मन्दार? या ओना अनन्त जिवन पुटान साटि मानेय बोद चिज बदला हियानुर?

बुतोंग 13:10

“हे सबोय दोखा अनि कपटिते निन्दितोर सयतानोर सन्तान, परमेस्वरना मुने येताना योग्य मन्ता सबोय बुतोता दुश्मन, निमा प्रबुना बारेता खरोय पोल्लोतुन वकळे कियाना बाताल तासिवि आयकि?

बुतोंग 15:24

मावानिगाडाल हुचुक लोकुरक अगा वास आपुना पोल्लोंगते मिकुन तकलिप किस मिया मन्दुन दुःख कितुरक इन्जोर माक केन्जतोम मति ओर लोकुरकुन माक बाताले आग्या हेवोम आसि।

रोमि 14:1

हे मावोर बायि-दादालोरक, मियागाडाल बोरे विस्वासते कमजोर मन्तोर ते वने ओन येताट मति बोनाय मनतिगा मावाताल बाताले अलग विचार मन्ता ते अदेना बारेते निमाट न्याय केमाट।

गलाति 1:7

मति खरोय ओद सोबाता पोल्लोये हिले। मति हुचुक लोकुरक येसु मसिना सोबाता पोल्लोतुन बिगळे किस मिकुन भळके कियाना इच्चा किन्तोर।

इफिसुस 4:17

इन्जोर परमेस्वरनिगा विस्वास केवोर यहुदि ओयोर लोकुरक आपुना मन्दा गलति विचारते ताकान्तोरक अदाम निमाट ओरा लेहका असा ताकमाट इन्जोर नना प्रबु नाकुन हितोर ओद अदिकारते मिकुन वेहान्तोना।

१ तिस्लुनि 4:1

इन्जोर हे बायि-दादालोरक, बदाम निमाट मावाकेडाल योग्य चाल चलन ताकाना अनि परमेस्वरतुन गिरिदा कियाना करियतोरिट, अदाम निमाट ताकिन्तोरिट अनि असा वने विळसोर हन्ट इन्जोर माक मिकुन विनन्ति किस समजेकिन्तोरोम।

२ तिस्लुनि 3:6

हे बायि-दादालोरक, बोर खरोय करहाना मावाकेडाल येतितोर मति ओदेना अनुसार ओर ताकोर अनि ओर खराब चाल ताकान्तोरक अदाम तमो लोकुरकताल निमाट अलग आम्ट इन्जोर माक मिकुन प्रबु येसु मसिना पोरोयते आग्या हिन्तोरोम।

१ तिमुति 1:4

अनि खोटाल उपदेश करिहवालोरक आपुना पिळि पिळिता कालपनिक पिटेंग अनि आपुना दादा दादि लोकुरकना अनन्त वंशावलिता बारेते बहस किन्तोर, इदाम खोटाल उपदेश करिहवालोरकना सबोय पोल्लोतुन रोकेकिम बाक्याकि इद बहस परमेस्वरना योजना अनुसार आयो। अनि परमेस्वरना बुतोतुन परमेस्वरनिगा भरोसा किसुन कियाला पहाजे मति इद बहस खरोय विस्वासते मुने हन्दान साटि बसकेय मदत केवो।

१ तिमुति 1:6

अनि हुचुलोर लोकुरक परमेस्वरना खरोय पोल्लोतुन हरचुन काल्पनिक पिटो अनि अनन्त वंशावलिता बारेता बहसते भटकेमातुरक।

१ तिमुति 4:8

बाक्यकि आपुना मेन्दुलतुन मजबुत बनेकियान साटि माक कसरत किन्तोरोम अनि माक दरतितिगा मन्तोरोम अचोवनाहका इद कसरत माकुन मदत किन्ता। मति परमेस्वरिन गिरदा कियाना बुतो अदेनताल वने पकाय सोबाय मन्ता बाक्याकि इदाम बुतो कियाकि ते इद काळते अनि अनन्त काळते वने जिवन जगेमायिला मदत आयार।

१ तिमुति 5:21

अनि निमा आपुना मन्दे इद पोल्लोतुन स्विकार किसुन मानेमाम अनि बोदे बुतोतुन बोनागाय भेदभावते केमा इन्जोर परमेस्वर, येसु मसि अनि आचतोर स्वरगदूतकना मुने नना आग्या हिन्तोना।

१ तिमुति 6:13

अनि सबोय लोकुरकुन जिवन हिन्तोर ओर परमेस्वरना मुने, अनि पुन्तियुस पिलातुसना मुने, पकाय सोबाय गवाहि हिस मन्दुर ओर येसु मसिना मुने नना निकुन इद आग्या हिन्तोना। नना निकुन हिता सबोय आग्यातुन मावोर प्रबु दुसरो बेरा वायानवनाह पालन किसोर मनकि ते दुसरो लोकुरक नियागा दोष लावे केवोर आयनुर।

२ तिमुति 1:6

इन्जोर नना नियागा कय इरस निकुन सोपेह किता परमेस्वरना वरदानतुन निमा सोबाय उपयोग किसोर मन।

२ तिमुति 2:16

अनि परमेस्वरना विरोद मन्ता ओद गलति करहानाताल निमा लक हन बाक्याकि इदाम पोल्लोंग लोकुरकुन परमेस्वरनिकेडाल लक ओयनुंग।

२ तिमुति 2:23

अनि मुर्खताता निरर्थ बहसताल वाहचाना आन्ता इन्जोर समजेमास अदेनताल निमा लक हन।

२ तिमुति 4:1

येसु मसिलोकुरकनिगा राज कियान साटि असा मलस वायनुर असके ओर जितो अनि हातोर लोकुरा न्याय कियानुर इन्जोर नना परमेस्वर अनि येसु मसिन गवाहि किस मिकुन आग्या हिन्तोना:

तितुस 3:1

अनि सरकारि अदिकारिना अदिकारते मनिरक अनि ओरा आग्या मानेमायिरक अनि बोदे खरोय बुतो कियान साटि तेयार मनिरक इन्जोर विस्वासि लोकुरकुन आलिहचिम,

यहुदि 13:9

प्रबु येसुना बारेता खरोय पोल्लोताल भटकेकिन्ता अलग अलग रितिता सबोय पुनाल करहानाते बहके मायमाट। पालन केवालोर लोकुरकुन बोदे फायदाते हिले जेवनता बारेता नियमते आयो मति परमेस्वरना दयातिगा मन स्थिर कियाना उचित मन्ता।

२ पतरस 1:13

मावोर प्रबु येसु मसिहाल नावागा प्रगट कितोर अदाम लेहका नावा तम्बु लेहका मन्ता इद मेन्दुलता नाश सान्डेय वायवाल मन्ता इन्जोर पुन्तोना।