२ तिमुति 2:1 - Muria Far Western

¹ इन्जोर हे नावोर प्रिय मरि, निमा येसुना दयाता द्वारा लाववाले आम।

२ तिमुति 2:1 Iomraidhean Croise

१ कुरिन्थुस 16:13

हे नावोर बायि-दादालोरक, निमाट हुशारते मन्ट, अनि विस्वासते स्थिर मन्ट अनि हिमतवाले बनेमाम्ट। अनि विस्वासतिगा लाव वाले बनेमाम्ट।

इफिसुस 6:10

आकरिते प्रबुनिगा अनि ओना पकाय हजोर लावता प्रभावते लाववाले बनेमाम्ट।

फिलिप्पि 4:13

नाकुन लाव हेवाल येसु मसि मन्तोर इन्जोर इदाम सबोय परिस्थितिते ओना मदतते नाक इदाम सबोय किया परान्तोना।

१ तिमुति 1:18

हे नावोर मरि लेहका मन्तोन तिमुथियुस, पहलेटाले निया बारेते पुटता परमेस्वरना पोल्लोता अनुसार उन्दि सयनिक आपुना देश साटि बदाम लळायि किन्तोर अदामे निमा वने परमेस्वरना खरोय उपदेशतुन जिकान साटि लळायि किम इन्जोर नना निकुन आग्या हिन्तोना।

१ तिमुति 1:2

अनि बाबो परमेस्वर अनि मावोर प्रबु येसु मसिनिकेडाल निकुन कृपा, दया अनि शान्ति हेविर।

२ तिमुति 1:1

अनि नना येसु मसिना खास चेला पोलुस विस्वासते प्रिय मरि लेहका मन्तोर ओर तिमुथियुसिन इद पत्र कोटान्तोना। अनि परमेस्वरना इच्चा कियान साटि अनि बोर येसु मसिनिगा विस्वास किन्तोर ओर लोकुरकुन अनन्त जिवन पुटार इन्जोर परमेस्वरना ओद वाचा लोकुरकुन वेहान साटि ओर नाकुन आचतोर।

२ तिमुति 1:2

बाबो परमेस्वर अनि मावोर प्रबु येसु मसिनिकेडाल निकुन कृपा, दया अनि शान्ति पुटसोर मनि।

२ तिमुति 1:7

बाक्याकि परमेस्वर माकुन पवित्र आत्मातुन हितुर ओर पवित्र आत्मा माकुन वरिहवाल आयो मति माकुन सामर्थ, मया अनि शान्ति स्वभाव हितोर।

२ तिमुति 2:10

इन्जोर परमेस्वर आचतोर ओर लोकुरकुन येसु मसिना द्वारा पिसाना पुटि अनि ओर उदस मन्तोर ओद स्थानतिगा महिमातासंग ओरक वने दरोज मन्दान साटि नना परमेस्वर आचतोर ओर लोकुरक साटि इद सबोय दुःख सहेमान्तोना।

२ तिमुति 4:17

मति नावा वेहानाता द्वारा सबोय जातितोरक लोकुरक सोबाता पोल्लो केन्जान साटि प्रबु नाकुन लाव हिस नाकुन मदत कितुर। इन्जोर बदाम वरोर मानेय निरालता टोडिताल पिसान्तोर अदाम लेहका प्रबु नाकुन हायनाताल पिसिहतुर।

२ पतरस 3:18

मावोर प्रबु अनि पिसिहवाल येसु मसिना दया अनि पुन्दानातिगा विळसोर हन्ट। ओनाय दरोज अनि सबोय काळदे महिमा आसोर मनि। आमिन।