२ तिमुति 1:9 - Muria Far Western

⁹ अनि ओर माकुन पिसितुर अनि पवित्र जिवन जिवेमायान साटि केयतुर अनि इद मावा बुतोता अनुसार आयो मति दुनिया बनेकियानाता मुने येसु मसिना द्वारा पिसाना हियान साटि आपुना योजना पुरा कियान साटि ओर योजना कितुर,

२ तिमुति 1:9 Iomraidhean Croise

मत्ति 1:21

ओद वरोर पेकान जनम हियार अनि ओर आपुना लोकुरकुन ओरा पापताल पिसहानुर इन्जोर निमा ओना पोरोय येसु इरकि।”

लूका 10:21

अनि अचोन बेरा येसु पवित्र आत्माते पकाय गिरदा आसुन इतुर, “हे बाबा, स्वरगतोर अनि दरतितोर प्रबु, निमा इव सबोय पोल्लोनुंग ग्यानि लोकुराताल अनि समजदार लोकुराताल मकिहच इरस मतोन, अनि परमेस्वरनिगा खरोय विस्वास कियाना इच्चा मन्तोरक बालक लेहका मन्तोरक ओरक नम्र स्वभावतोर लोकुरकुन निमा तोहिति इन्जोर नना निया धन्यवाद किन्तोना। इंगो, हे बाबा, अदेय पोल्लो निकुन सोबाय लाकत।

युहनाल 17:24

हे बाबो, दुनिया बनेमायानाता मुने निमा नावागा मया किस ओद महिमा नाकुन हितोन। इन्जोर निमा नाकुन हितोन ओर लोकुरक वने ओद महिमा हुळिर इन्जोर नना बगा मन्तोना अगा ओरक वने नावासंग मनिर इदाम नावा इच्चा मन्ता।

युहनाल 17:9

अनि इदेक नना ओरक चेला लोकुरकुन साटि विनन्ति किन्तोना। दुनिया साटि विनन्ति केवोन मति बोरकुन निमा नाकुन हितोन ओरक नियोर आन्दुरक इन्जोर ओरा साटि विनन्ति किन्तोना।

युहनाल 6:37

बाबो नाकुन सोपेकितोर ओर सबोय लोकुरक नावा हेरे वायनुरक अनि बोरायि नावा हेरे वायनुर ओन नना बसकेय टन्डोन आयका।

बुतोंग 15:18

पकाय मुनेटाले सबोय पोल्लोतुन तोहवाल ओर प्रबु इन्तोर’ इदाम पवित्र पुस्तकतिगा कोटस मन्ता।

बुतोंग 2:47

अनि ओरक परमेस्वरना स्तुति किन्दुरक अनि येरुसलेम सहेरतिगा मन्वालोरक सबोय लोकुरक ओरकुन पकाय मानेमातुरक, अनि पिसाना पुटिहन्दुर ओरकुन प्रबु दरोज मसिलोकुरा सभातिगा मिलेह किसिन्दुर।

रोमि 11:14

बदामे आयि निमाट यहुदि आयोर लोकुरकुन हुळस नावोर आपुनोर यहुदिलोकुरकुन हेवा आयिला पहाजे अनि अदाम ओरागडाल हुचुलोर लोकुरा पिसाना आयिला पहाजे इन्जोर नना आपुना सेवातुन पकाय मह्त्वाता मानेमान्तोना।

रोमि 11:29

परमेस्वर आचुन वरदान हिन्तोर ओर लोकुरा बारेते ओर बसकेय आपुना मन बदले केवोर।

रोमि 16:25

परमेस्वरना स्तुति आयि! येसु मसिना सोबाता पोल्लो नना मिकुन वेहान्तोना अदेना अनुसार परमेस्वरे येसु मसिना विस्वासते माकुन मजबुत बनेमायान साटि लाववाले मन्तोर। अनि येसु मसिना सोबाता पोल्लो युगानयुगताल परमेस्वर रहस्यता रुपते इरस मतोर अदेन परमेस्वर इदेक सबोय लोकुरक साटि तोहतुर। मुने परमेस्वरना पोल्लो वेहवालोरक ओरा पुस्तकतिगा येसु मसिना वायाना बारेते वेहच मतोरक।

रोमि 3:20

इन्जोर मूसाना नियमता बुतोता कारण बोरे मानेय परमेस्वरना मुने येताना योग्य आय परोर मति मूसाना नियमता द्वारा आपुना पापता बारेते बराबर समजेमायनुर।

रोमि 9:11

अनि ओरक पेकोरा जनम आयानाता मुने अनि ओर बारायि खराब गलति कियानाता मुनेय परमेस्वरना आचानाता उदेश बोनाय मानेयना बुतोता कारणते आयो मति ओना योजना पुरा कियान साटि ओना इच्चाते कारण इदाम आयान साटि,

रोमि 9:24

ओर आचतोर ओरिगा केवल यहुदिलोकुरक आयो मति माक यहुदि आयोर लोकुरक वने मन्तोरोम।

१ कुरिन्थुस 1:18

मसि कुरुस पोरो हायानाता बारेता पोल्लो नाश आयवालोरकुन बेकार पोल्लो मन्ता मति पिसिहचोरे मन्तोर माकुन ते ओद पोल्लो परमेस्वरना लाव मन्ता।

इफिसुस 1:11

आपुना इच्चाता अनुसार सबोय पोल्लोतुन पुरा किन्तोर ओर आपुना योजनाता अनुसार मसिनिगा माकुन पहलेटाले आचतुर।

इफिसुस 1:9

परमेस्वर आपुना मन्दे इरस मता ओद रहसय योजनातुन येसु मसिना द्वारा आपुना गिरदाता अनुसार माकुन प्रगट कितुर।

इफिसुस 2:5

माक आपुना गलतिता कारण आत्मिक रितिते हास मतोरोम ते परमेस्वर माकुन मसिनासंग जितो कितुर (परमेस्वरना दयातेय मिया मुक्ति आता),

इफिसुस 3:11

ओर मावोर प्रबु येसु मसिनिगा पुराकिता अनन्त योजना अनुसार मसिलोकुरा सभाता द्वारा तोहिला परिर।

फिलिप्पि 3:14

अनि परमेस्वर येसु मसिना द्वारा नाकुन केयतुर ओद पकाय महत्वपुर्ण केयनाता अनुसार स्वरगतिगा नावा साटि इरता बक्षिस पुटान साटि ओद लक्षयतिके पकाय ध्यान किस वितसोर दान्तोना।

१ तिस्लुनि 4:7

बाक्याकि परमेस्वर माकुन अशुद्धि आयान साटि आयो मति पवित्र आयाना साटि केयतुर।

१ तिमुति 1:1

मावा पिसिहवाल परमेस्वर अनि मावा आशा हेवाल येसु मसिना आग्याता अनुसार नना पोलुस येसु मसिना खास चेला बनेमास, विस्वासते नावोर मरि लेहका मन्तोन तिमुथियुसिन इद पत्र कोटान्तोना।

२ तिमुति 1:1

अनि नना येसु मसिना खास चेला पोलुस विस्वासते प्रिय मरि लेहका मन्तोर ओर तिमुथियुसिन इद पत्र कोटान्तोना। अनि परमेस्वरना इच्चा कियान साटि अनि बोर येसु मसिनिगा विस्वास किन्तोर ओर लोकुरकुन अनन्त जिवन पुटार इन्जोर परमेस्वरना ओद वाचा लोकुरकुन वेहान साटि ओर नाकुन आचतोर।

तितुस 1:2

अनि इद दुनिया बनेमायानाता मुनेटाले बसकेय खोटाल वळकोर ओर परमेस्वर इद आशाता बारेता वाचा हितोर।

यहुदि 3:1

ओद कारणते, परमेस्वर संगे केयतोर पवित्र लोकुरक हे बायि-दादालोरक, ओर परमेस्वरना खास राजदूत अनि माक वेहान्तोरोम मावा विस्वासता हजोर याजक मन्तोर ओर येसुनाय बारेते निमाट पकाय ध्यान किम्ट।

१ पतरस 1:20

दुनियाता उत्पन्न आयानाता पहलेटाले मसिन आचतुर मति इदेक ओर इद आकरि काळतिगा मिया साटि दिसतुर।

१ पतरस 2:9

मति निमाट ते अन्दकारताल आपुना अत्भुत वेळिचितिगा मिकुन केयतोर ओना गुणांग प्रगट कियान साटि आचतोर वरोर वंश, अनि राजालना याजक लोकुरा समाज, अनि पवित्र लोकुरा दल, अनि परमेस्वरना निच लोकुरक आन्दिट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 13:8

दुनियाता उत्पतिता बेराताल असकता बेळा पिलाता जिवनता पुस्तकतिगा पोरोय कोटोर दरतितोर सबोय लोकुरक ओद जानवरता आरादना कियानुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 17:8

निमा हुळतोन ओद जानवर ओद पहले मता मति इदेक हिले अनि अडिय बचोन खोल मन्ता इन्जोर माक पुनोम अचोन हजोर पतियता किसिता गडदाताल वायवाल काळते पसियस अनन्त काळता नाश साटि वायवाल मन्ता; अनि ओद जानवर पहले मता मति इदेक हिले ते वने ओद वायवाल मन्ता ओद जानवरतुन दरतिता सृष्टिता सुरुताले जिवनता पुस्तकतिगा पोरोय कोटोर आतुरक दरतितोर लोकुरक ओद जानवरतुन हुळस चकेमायनुरक।