२ तिमुति 1:5 - Muria Far Western

⁵ अनि निया खरोय विस्वासतुन नना आलहान्तोना, ओद खरोय विस्वास पहले निया आजि लोयिस अनि निया याल युनिकनिगा मता। अनि ओद खरोय विस्वास इदेक नियागा वने मन्ता इन्जोर नना पका मन्तोना।

२ तिमुति 1:5 Iomraidhean Croise

युहनाल 1:47

येसु नतन्येलतुन आपुनिके वायाना हुळसि ओना बारेते इतुर, “हुळा येर खरोय इस्रयेलि आन्दुर: येनागा बोदे कपट हिले।”

बुतोंग 16:1

पजा ओर दिरबे अनि लुस्त्रा सहेरतिगा वने हतुर। अगा तिमुथियुस पोरोयतोर वरोर चेलाल मतोर, ओर वरोर यहुदि मसि विस्वासि आळदा मरि मतोर, मति ओनोर बाबो युनानि मतोर।

बुतोंग 26:26

इव पोल्लोनुंग राजाल वने पुन्तोर। नना खुलो मन्दे ओना मुने वळकिला आतोना। इव पोल्लोंगनिगाडाल बोदे पोल्लो ओनाताल मकता हिले इन्जोर नाकुन विस्वास मन्ता बाक्याकि इद घटना दरतिता बोदे कोन्टातिगा आता मकता पोल्लो आयो।

रोमि 14:14

सबोय चिजक तिन्दान साटि सोबाय मन्ता इन्जोर प्रबु येसुनिगा विस्वास किता द्वारा नाकुन बराबर समजेमाता। मति बोरे बोदे चिज तिन्दान साटि अशुद्ध मन्ता इदाम समजेमान्तोर ते ओना साटि ओद चिज अशुद्धेय मन्ता।

रोमि 14:5

हुचुलोर लोकुरक उन्दि दियातुन दुसरो दियाताल सोबाय मानेमान्तोरक मति असा हुचुलोर लोकुरक सबोय दियातुन उन्दि लेहकाय मानेमान्तोरक इन्जोर इदेना बारेता आपुना विस्वासते निमाट शंका केमाट अनि आप आपुना विस्वासते पका आस मन्ट।

रोमि 15:14

हे नावोर बायि-दादालोरक, निमाट सोबाय स्वभावते मन्तोरिट। अनि मिकुन बाताल कियाना उचित मन्ता अदेन पुरा पुन्तोरिट इन्जोर निमाट वरोर दुसरोन करिहला परान्तोरिट इदाम नना पुरा रितिते पुन्तोना।

रोमि 4:21

परमेस्वर हितोर ओद वाचा पुरा कियान साटि ओर परमेस्वर सबोय रितिते लाववाले मन्तोर इन्जोर अब्रहाम सोबाय समजेमातुर।

रोमि 8:38

बाक्याकि हायाना आयो अनि जिवन आयो, स्वरगदूत आयो अनि राज केवाल दुष्टात्मा आयो, वर्तमानता अनि भविष्यता बोवे पोल्लोंग आयो, दरतिता पोरोडा अनि दरतिता अडियता बोवे आत्मिक लाव आयो, इदाम बोवे सृष्टितुन,

२ कुरिन्थुस 6:6

अनि माक परमेस्वर हिता ग्यानते आपुना पवित्रताते, अनि धिरजताते, दुसरो लोकुरकुन दया कियानाते माक परमेस्वरना सेवक लोकुरक आन्दोम इदाम तोहान्तोरोम। पवित्र आत्माता द्वारा खरोय मयाते,

१ तिमुति 1:5

अनि सबोय लोकुरक परमेस्वरना मयाता द्वारा पवित्र मन, खरोय अनि गलतितुन समजेमायान साटि सोबाय बुद्धि, अनि परमेस्वरनिगा कपटरहित विस्वास कियाला पहाजे इन्जोर मावा आग्याता उदेश मन्ता।

१ तिमुति 4:6

अनि हे तिमुथियुस, नना निकुन वेहता सबोय पोल्लोंग विस्वासि लोकुरकुन समजेहकिस परमेस्वरना खरोय पोल्लो अनि अदेना बारेता खरोय उपदेश निमा पालन कियाकि ते निमा परमेस्वरना सोबाय सेवक बनेमायकि।

२ तिमुति 1:12

इन्जोर इद सबोय दुःखतुन नना सहेमातान। मति नना लज्जा केवोन बाक्याकि बोनागा नना विस्वास कितोना इन्जोर नना पुन्तोना, ओर ओना न्यायकियानाता दियावनाह नाकुन केप परान्तोर इन्जोर नना पका मन्तोना।

२ तिमुति 3:15

अनि निमा हुडलोरपणताल परमेस्वरना पवित्र पोल्लो करियतोन अनि येसु मसिनिगा विस्वास किस पिसाना पुटार इन्जोर परमेस्वरना पोल्लोताल निमा समजेमातोन।

यहुदि 11:13

ओरक सबोय हजोर लोकुरक हायानावनाह विस्वासतेय मन्जोर मतोरक। परमेस्वर ओरकुन वाचा किस मतोर ओद पोल्लो ओरकुन पुटो। मति भविष्य काळतिगा वायवाल मन्ता ओद पोल्लोतुन विस्वासते हुळस मन लावेकिस ओरक गिरिदा आतुरक। माक इद दरतितिगा केवल दुसरो देशतोर अनि परदेशि लोकुरक लेहका मन्तोरोम इन्जोर मानेमातुर।

यहुदि 6:9

मति हे प्रिय लोकुरक, माक इदाम इन्तोरोम ते वने मसिना विस्वासता द्वारा पिसता लोकुरा सोबाय गुण मियागा मन्ता इन्जोर खरोय विस्वास किन्तोरोम।

१ पतरस 1:22

खरोयतुन पालन कियानाता कारण मिया आत्मा निषकपट बन्धुभावता माया साटि शुद्धकिस इन्जोर मन लावेकिस वरोर दुसरोन पकाय मया किम्ट।