२ तिमुति 1:13 - Muria Far Western

¹³ अनि निमा नावाताल करियति ओद खरोय पोल्लोतुन निमा येसु मसिना विस्वास अनि मयातासंग पालन किसोर मन अनि ओद खरोय पोल्लोतुन दुसरोन वने करहा।

२ तिमुति 1:13 Iomraidhean Croise

रोमि 2:20

निमा अळानि लोकुरकुन करिहवाल मन्तोन, बालकुन उपदेशक मन्तोन इन्जोर निमा आपुन मानेमान्तोन ते

रोमि 6:17

मति निमाट पापतोर दास मतोरिट ते वने माक करिहता उपदेशतुन पुरा मन्दे निमाट पालन किस,

फिलिप्पि 1:27

इदेक ते निमाट इद पोल्लोतिगा ध्यान किम्ट, निमाट येसु मसिना सोबाता पोल्लोता अनुसार जिवेमाम्ट। इदाम निमाट जिवेमायकिट ते नना मिया हेरे वास मिकुन हुळका या लक मन्जुन वने मिया बारेता गिरदाता पोल्लो केन्ज परान्तोना; अनि येसुना सोबाता पोल्लोता विरोद केवाल वेयरि लोकुरा मुने वने बोदे पोल्लोता बिना वरेते मन्ज निमाट सबोय लोकुरक उन्दि विचार अनि उन्दि जिवा आस सोबाता पोल्लोता विस्वास साटि पकायि बुतो किन्तोरिट इन्जोर नना केन्जिला परान्तोना। मिकुन परमेस्वरताल पुटता इद हिमत मिया पिसानाता अनि ओरा नाशता वने चिन्ह मन्ता।

फिलिप्पि 4:9

बोव पोल्लोंग निमाट नावागा हुळतिट, अनि केन्जतिट, अनि करियतोरिट, अनि स्विकार कितिट, अदेनाय पालन किसोर मन्ट, असके शान्तिता झरा मन्तोर ओर परमेस्वर मियासंग मन्दानुर।

कुलुसि 1:4

बाक्याकि येसु मसिनिगा मिया विस्वास अनि सबोय पवित्र लोकुरकनिगा मिया मयाता बारेते माक केन्जतोरोम।

१ तिस्लुनि 5:21

अनि सबोय पोल्लोतुन परिक्षाकिसुन सोबाय पोल्लोतुन पयिस मन्ट।

१ तिमुति 1:10

अनि मूसाना द्वारा परमेस्वर हिता नियम इदाम लोकुरक साटि मन्ता, बोर लोकुरक व्यभिचार किन्तोरक अनि समान लिंग लोकुरासंग कुकरम किन्तोरक अनि दासता लेहका दुसरोन मोमसुन पयसांग कमेहकिन्तोरक अनि खोटाल वळकवालोरक अनि खोटाल शपथ येतान्तोर अनि खरोय उपदेशता विरोद बुतो किन्तोर इदाम सबोय लोकुरक साटि मन्ता।

१ तिमुति 1:14

अनि मावा प्रबुना दया नाकुन पकाय पुटतु। अनि नना येसु मसिनासंग मन्तोना इन्जोर नना ओनागा विस्वास कियापरान्तोना अनि दुसरोन वने मया कियापरान्तोना।

१ तिमुति 6:3

अनि हुचुक लोकुरक प्रबु येसुना खरोय उपदेशतुन तासि, परमेस्वरिन गिरदा किस जिवेमायिला पहाजे इन्जोर करहोर आस अलग पुनाल उपदेश हिन्तोरक।

२ तिमुति 1:1

अनि नना येसु मसिना खास चेला पोलुस विस्वासते प्रिय मरि लेहका मन्तोर ओर तिमुथियुसिन इद पत्र कोटान्तोना। अनि परमेस्वरना इच्चा कियान साटि अनि बोर येसु मसिनिगा विस्वास किन्तोर ओर लोकुरकुन अनन्त जिवन पुटार इन्जोर परमेस्वरना ओद वाचा लोकुरकुन वेहान साटि ओर नाकुन आचतोर।

२ तिमुति 1:14

अनि निकुन परमेस्वर सोपेकिता सबोय सोबाय पोल्लोतुन पवित्र आत्माता मदतते केपसोर मन।

२ तिमुति 2:2

अनि नना पकाय लोकुरा मुने परमेस्वरना पोल्लो वेहतुर अनि निमा वने अदेन केन्जति। अनि इद पोल्लोतुन दुसरोन वने करहान साटि योग्य मन्तोर ओर इमान्दार लोकुरा कयते इद पोल्लोतुन निमा सोपेकिम।

२ तिमुति 3:14

मति हे तिमुथियुस, निमा करियता खरोय उपदेशतिगा विस्वास किसोर मन अनि इद उपदेश खरोय मन्ता इन्जोर निमा पुन्तोन बाक्याकि निकुन इद खरोय उपदेश करिहवालोर लोकुरक निया विस्वास योग्य मतोरक,

२ तिमुति 4:3

बाक्याकि लोकुरक खरोय उपदेशतुन केन्जोर आयनुरक अनि ओरक केन्जान साटि विचारकिता पोल्लोंग वळकस ओरकुन गिरदा किन्तोर करिहवालोरकुन ओर लोकुरक पळकानुरक।

तितुस 1:9

अनि ओर खरोय करियनातुन उपदेश हिस प्रोत्साहन किया परिर, अनि बोर लोकुरक खरोय करिहनातुन होंग किन्तोर ओरा गलतितुन समजेहकिसुन ओरा वळकाना बन्द केवाल मनिर इन्जोर ओर माक करिहिता विस्वास योग्य पोल्लोता अनुसार स्थिर मनवाल पहाजे।

तितुस 2:1

मति खरोय उपदेशता योग्य मन्तांग ओव पोल्लोनुंग निमा विस्वासि लोकुरकुन करहा।

तितुस 2:8

अनि बोव खरोय मन्तांग अवेकुने निमा करहा बाक्याकि अवेन बोरे गलति समजेमायमाकिर अनि इन्माकिर। अनि बोर माकुन होंग किन्तोर, ओरकुन मावागा दोष लावेह कियानाता सन्दि हेमाट असके ओरक लज्जा आयनुरक।

यहुदि 10:23

अनि माकुन प्रतिज्ञा कितोर ओर खरोय मन्तोर ओर अदेन पुरा कियानुर इन्जोर माक जरुर पुटार इदाम वाचा पुटता पोल्लोता बारेते दुसरो लोकुरकुन वेहिलाय हिमतते मनिर।

यहुदि 3:6

मति मसि ते परमेस्वरना लोन इदाम माक केयान्तरोम ओद सबोय परमेस्वरनोर लोकुरा पोरो ओर वरोर मरिना रुपते विस्वास योग्य मन्तोर। माक परमेस्वरना वाचाता पका आशातिगा स्थिर मन्दाना अनि येसुना विस्वासतिगा मजबुते मनकाट ते माकेय परमेस्वरना लोन इदाम माक केयान्तरोम ओर परमेस्वरनोर लोकुरक मन्तोरोम।

यहुदि 4:14

स्वरगतिगा हतोर ओर वरोर महान हजोर याजक मन्जे परमेस्वरनोर मरि येसु स्वरगतिगा परमेस्वरना मुने मावा साटि मन्तोर इन्जोर माक विस्वास किन्तोरोम इदाम वेहान्ता ओद विस्वास बसकेय तासिमाट।

यहुदा 1:3

हे प्रिय गोतियालोरक, माक सबोय लोकुरक सहभागि मन्ता ओद पिसानाता बारेते नना कोटान साटि योजनाकिस पकाय मेहनत कितान। ओद बेरा पवित्र लोकुरक साटि, सबोय काळ साटि, उन्दिय बेरा सोपेह किस मतोर ओद विस्वास साटि लळायिकियाना जरुरिता बारेते मिकुन प्रोत्साहन कियाना पकाय जरुरि मन्ता इन्जोर नाकुन समजेमातान।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:25

मति मियागा मन्ता खरोय विस्वास नावा असा मलस वायानवनाह हिमते पयस मनिर इन्जोर नना आग्या हिन्तोना।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:11

नना सान्डेय वायवाल मन्तोना, निया मुकुटतुन दुसरो बोरे उन्च ओयमाकिर इन्जोर नियागा मन्ता ओद खरोय विस्वासतुन हिमते पयस मन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:3

इन्जोर ओरक निकुन केन्जिहता खरोय करिहाना अनि बदाम निमाट ओव पोल्लो येतितोन इन्जोर अलहा। ओद खरोय करहानातुन पालन किम अनि आपुना पापताल पस्तेमाम। अनि निमा हुशार मनवि आयकि ते नना कलेर लेहका वायका अनि बोद बेरा नना निया हेरे वायकान इन्जोर निमा पुनवि आयकि।