२ तिमुति 1:10 - Muria Far Western

¹⁰ अनि मावोर पिसिहवाल येसु मसि दरतितिगा वातुर अनि ओद दया ओर प्रगट कितुर। अनि येसु मसि हायानाता अदिकारतुन समाप्त कितुर। अनि ओना सुसमाचारतुन स्विकार कितुर ओर लोकुरकुन परमेस्वरनासंग दरोज मन्दान साटि सन्दि पुटतु।

२ तिमुति 1:10 Iomraidhean Croise

लूका 11:36

अनि निया सबोय मेन्दुलतिगा वेळिचि मन्ता अनि मेन्दुलता बोद वने कोन्टाते आन्दार हिले ते उन्दि टिवरिता बदाम वेळिचि हिन्ता अदामे निया सबोय मेन्दुल वेळिचिते निन्दार।”

लूका 13:7

असके मालकाल बगिचातुन केपवाल नोवकोरिन इतुर, ‘केन्जा निमा, नना मून्ड वरसाताल इद मरातिगा कायांग हुळान साटि वान्तोना, मति नना इद अन्जीरता मरातिगा कायांग कल्योन इन्जोर इदेक इद मरातुन कदिया! बाक्याकि इद मरा दरतितुन रोकेकिस इरस मनमाकि।’

लूका 2:11

नेन्ड दावुद राजाना बेतलहेम सेहेरतिगा मिया साटि वरोर पिसिहवाल जनमेमातोर। ओरे प्रबु मसिहाल आन्दुर।

युहनाल 1:9

असके ओद खरोय वेळिचि दुनियातिगा वायवाल मता अनि आन्दारते मनवालोर लोकुरकुन वेळिचि बदाम सबोय चिजतुन प्रगट किस हिन्ता अदामे परमेस्वरना बारेते खरोयतुन लोकुरकुन वेहान साटि ओर उन्दि वेळिचि लेहका मतोर।

युहनाल 14:6

अनि येसु ओन इतुर, “हरि अनि खरोय अनि जिवन ननाय आन्दान। अनि नावा सिवायि बोरायि बाबोना हेरे अविला परोर।

युहनाल 20:31

मति येसुये परमेस्वरनोर मरि मसिहा आन्दुर इन्जोर निमाट विस्वास किम्ट अनि विस्वास किस ओना पोरोयते अनन्त जिवन पुटहाट इन्जोर साटि इद कोटता मन्ता।

युहनाल 4:42

अनि “इदेकताल माक येनिगा विस्वास किन्तोरोम ओद निमा वेहति इन्जोर आयो मति माक आपुने केन्जतोम अनि येरेय खरोयते इद दरतिता लोकुरकुन पापताल पिसिहवाल आन्दुर इन्जोर माक पुतोम” इन्जोर ओद आळदुन इतुरक।

युहनाल 5:40

ते वने निमाट अनन्त जिवन पुटहान साटि नावा हेरे वायाना इच्चा केविट।

बुतोंग 13:23

दावुद राजालना वंशतिगाडाल परमेस्वर आपुना वाचाता अनुसार इस्रायेल लोकुरक साटि वरोर पिसियवाल येसुन लोहतुर।

बुतोंग 5:31

इस्रायेल लोरकुन पस्तेमायाना अनि पापतुन मापि केविर इन्जोर परमेस्वर ओनेय प्रबु अनि पिसिहवाल आस ठहरे किस आपुना तिन्दान कयबासा उपिहतुर।

रोमि 16:26

इदेक दुनियाता सबोय लोकुरकुन इद येसु मसिना बारेता सोबाता पोल्लोतुन माक वेहिला पहाजे इन्जोर ओर दरोज मन्वाल परमेस्वर आग्या हिस वेहतोर, बाक्याकि परमेस्वर बोद इन्तोर अदेनिगा सबोय लोकुरक विस्वास इरिर अनि पालन केविर इन्जोर।

रोमि 2:7

अनि दरोज सोबाय बुतो किसोर महिमा, आदर अनि बसकेय नाश आयो ओद जिवनतुन पळकसोरिंग मन्तोरक ओर लोकुरकुन परमेस्वर अदेना बदला अनन्त जिवन हियानुर।

रोमि 3:31

इन्जोर माक येसुना पोरोयता विस्वासते मूसाना नियमतुन बेकार ठहरे किन्तोरोम? बसकेय आयो! बाक्याकि येसु मसिना विस्वासता द्वारा नियमता सबोय पोल्लोतुन पुरा किन्ता।

रोमि 6:6

माक असा पापता दास मनोम आयकोम इन्जोर पापते निन्दिता मावा मेन्दुल नाश आयान साटि मावा जुनाल पापि स्वभावता मानेय मसिनासंग कुरुसतिगा अन्जिहतोर इन्जोर माक पुन्तोरोम।

१ कुरिन्थुस 15:26

अनि सबोयता आकरि दुश्मनिन नाश कियानुर, ओद दुश्मन हायाना मन्ता।

१ कुरिन्थुस 4:5

इन्जोर प्रबु असा मलस वायनुर; ओद बेराता मुने निमाट बोरे मानेयना न्याय केमाट। प्रबु वायनुर असके लोकुरा न्याय आयार। प्रबु आन्दारते मकता मावा सबोय पोल्लोनुंग वेळिचितिगा तोहानुर अनि लोकुरा मन्दे मकस मन्ता ओद सबोय उद्देश्य तोहानुर पजा वरोर वरोर बदाम बुतो कितुर अदेना अनुसार सबोय लोकुरकुन परमेस्वरनिकेडाल प्रशंसा पुटार।

२ कुरिन्थुस 5:4

अनि माक तम्बु लेहका मन्ता इद मेन्दुलतिगा मन्जोर तकलिपते दुःख किसोर मन्तोरोम। बाक्याकि माक इद दुनियाते मन्दाना योग्य मेन्दुल हरचियाना इच्चाते आयो मति स्वरगतिगा मन्दाना योग्य ओद मेन्दुल पोन्डस अनन्त जिवनतिगा मिलेमायाना पकाय इच्चाते मन्ता।

गलाति 5:4

निमाट ओद नियमता द्वारा परमेस्वरना येताना योग्य बनेमायाना इच्चा किन्तोरिट ते निमाट मसिहाताल अलग अनि ओना दयाताल अरतोरिट।

इफिसुस 1:18

अनि मिकुन ओर केयतोर असके मियागा हिता आशा बाताल मन्ता अनि ओना पवित्र लोकुरा वारिसता महिमाता धन बाताल मन्ता इन्जोर निमाट पुन्दान साटि मिया मन्दा कोन्डांग तरयिंग इन्जोर नना प्रार्थना किन्तोना।

इफिसुस 1:9

परमेस्वर आपुना मन्दे इरस मता ओद रहसय योजनातुन येसु मसिना द्वारा आपुना गिरदाता अनुसार माकुन प्रगट कितुर।

२ तिस्लुनि 2:8

बसके ओर पोसिहवाल आपुना हरितिगाडाल लक हन्दानुर असके प्रबुन अनि प्रबुना कानुनतुन विरुद बुतोकेवाल प्रगट आयनुर असके प्रबु येसु आपुना आग्याते ओन हव्कानुर अनि आपुना वायाना लावते ओन भस्म कियानुर।

२ तिमुति 1:1

अनि नना येसु मसिना खास चेला पोलुस विस्वासते प्रिय मरि लेहका मन्तोर ओर तिमुथियुसिन इद पत्र कोटान्तोना। अनि परमेस्वरना इच्चा कियान साटि अनि बोर येसु मसिनिगा विस्वास किन्तोर ओर लोकुरकुन अनन्त जिवन पुटार इन्जोर परमेस्वरना ओद वाचा लोकुरकुन वेहान साटि ओर नाकुन आचतोर।

२ तिमुति 1:8

इन्जोर मावोर प्रबु येसु मसिना गवाहि वेहान साटि अनि नना साकळि करिहसुन प्रबुना साटि जेहलतिगा मन्तोना इन्जोर बसकेय लज्जा आयमा, मति सुसमाचार साटि नना बदाम दुःख सहेमातान अदामे परमेस्वरना सामर्थता अनुसार निमा वने दुःख सहेकिम,

२ तिमुति 4:1

येसु मसिलोकुरकनिगा राज कियान साटि असा मलस वायनुर असके ओर जितो अनि हातोर लोकुरा न्याय कियानुर इन्जोर नना परमेस्वर अनि येसु मसिन गवाहि किस मिकुन आग्या हिन्तोना:

२ तिमुति 4:8

अनि नावा साटि स्वरगतिगा उन्दि मुकुट बाकि मन्ता। ओद मुकुट परमेस्वरना मुने येताना योग्य जिवन जिवे मातोरक साटि मन्ता। अनि बसके प्रबु न्याय कियान साटि वायनुर असके ओद मुकुट प्रबु नाकुन हियानुर। अनि नाकुन वरोन साटि आयो मति ओना असा दुसरो बेरा वायाना साटि आशा केवालोरक सबोय लोकुरकुन इद मुकुट हियानुर।

तितुस 2:11

बाक्याकि सबोय मानेयकना पिसाना साटि परमेस्वरना दया प्रगट आतु,

तितुस 3:4

असके पजा मावा पिसिहवाल परमेस्वरना दया अनि मया माक सबोय मानेयनिगा प्रगट आतु।

यहुदि 10:32

मति निमाट मसिना बारेता खरोय पोल्लो समजेमास मसि विस्वासि बनेमातिट असके मिया पकाय तकलिपतिगा हिमतासंग विस्वासते स्थिर मतोरिट ओव पहलेटा दियानुंग निमाट आल्हाट।

२ पतरस 1:1

येसु मसिनोर दास अनि येसु मसिना खास चेलाल शिमोन पतरस, मावोर परमेस्वर अनि पिसिहवाल येसु मसिना दारमिकताता द्वारा मावालेहका पकाय किमति विस्वास पुटहान्तोर ओर लोकुरक साटि इद पत्र कोटान्तोर।

२ पतरस 1:11

इदाम कियाकिट ते निमाट मावोर प्रबु अनि पिसिहवाल येसु मसिना अनन्त काळता राज्यतिगा हजोर आदरतासंग हन्दा परकिट।

२ पतरस 1:3

आपुना दारमिकता अनि महिमाता सहभागि आयान साटि माकुन केयतोर ओर परमेस्वरना बारेता मावा पुन्दानाते परमेस्वरना गिरिदा किस जिवेमायान साटि बाताले माकुन जरुरि मन्ता ओद सबोय आपुना दिव्य लावता द्वारा परमेस्वर माकुन हितोर।

२ पतरस 2:20

ओरक मावोर प्रबु अनि पिसिहवाल येसु मसिना पुन्दाना द्वारा सन्सारता अलग-अलग प्रकारता अशुद्धताताल पिसियतोर, असा ओव पोल्लोतिगा हिरक्स हारेमातुर ते ओरा आकरि दसा पहलेटाल वने खराब आयार।

२ पतरस 3:18

मावोर प्रबु अनि पिसिहवाल येसु मसिना दया अनि पुन्दानातिगा विळसोर हन्ट। ओनाय दरोज अनि सबोय काळदे महिमा आसोर मनि। आमिन।

२ पतरस 3:2

बाक्याकि निमाट परमेस्वरना पोल्लो वेहवाल पवित्र लोकुरक पहलेटाले इतोर ओव पोल्लोंग अनि मावोर प्रबु अनि पिसिहवाल ओर येसु मसि आपुना खास चेलाल लोकुरा द्वारा हिता आग्यातुन आल्हाट इन्जोर इव रन्डास पत्रतिगा हुचुक पोल्लोंग आलिहच खरोय रितिते विचार कियान साटि मिया मन्दुन जागृत कियाना कोसिस किन्तोना।

१ युहनाल 1:2

इद जिवन हेवाल पोल्लो प्रगट आत; अनि माक ओदेन हुळतोम अनि ओद मिकुन अनन्त जिवन हिन्ता। अनि बाबोनासंग मता मावागा प्रगट आत ओद जिवन हेवाल पोल्लोता बारेते माक मिकुन वेहान्तोरोम।

१ युहनाल 4:14

अनि बाबो आपुनोर मरिन दरतिता लोकुरकुन पिसान साटि लोहतोर ओद हुळस माक गवाहि हिन्तोरोम।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 18:1

इदेना पजा नना हजोर अदिकार मन्ता वरोर स्वरगदूततुन स्वरगताल रयाना हुळतान अनि ओना महिमाते दरति मान्जतु।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:7

पवित्र आत्मा मसिलोकुरा सभातुन बाताल इन्ता अदेन पकाय ध्यानते केन्जुन सम्जेमाम्ट, बोर जिकानुर ओन स्वरगतिगा परमेस्वरना बगिचातिगा मन्ता अनन्त जिवा हेवाल मरातिगाडाल काया तिन्दिला हियाका।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 20:14

हामुर अनि हातोर लोकुरा मन्दाना जागातुन किसता तळायतिगा वाटसितुर। इद किसता तळाय दुसरो हामुर आन्दु।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:14

“जिवनता मराता कायांग तिन्दाना अदिकार पुटान साटि अनि पाटकताल सहेरता लोपा हन्दाना साटि आपुनांग सन्दरांग हुकान्तोरक ओर धन्य मन्तोरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:17

आत्मा अनि दुल्हि इवुरास इन्तांग, “वाय!”; अनि केन्जवाल वने, “वाय!” इन्जोर इनिर; एर उन्डावसता मन्ता ओर वायिर, अनि इच्चा मन्ता ओर जिवनता एर फुकोटते येतिर।