२ तिमुति 1:1 - Muria Far Western

¹ अनि नना येसु मसिना खास चेला पोलुस विस्वासते प्रिय मरि लेहका मन्तोर ओर तिमुथियुसिन इद पत्र कोटान्तोना। अनि परमेस्वरना इच्चा कियान साटि अनि बोर येसु मसिनिगा विस्वास किन्तोर ओर लोकुरकुन अनन्त जिवन पुटार इन्जोर परमेस्वरना ओद वाचा लोकुरकुन वेहान साटि ओर नाकुन आचतोर।

२ तिमुति 1:1 Iomraidhean Croise

युहनाल 10:28

अनि नना अवेहकुन अनन्त जिवन हिन्तोना, अनि अव बसकेय नाश आयो आयनुंग। अनि बोरायि अवेहकुन मेहान साटि नावाताल उन्दोर आयनुर।

युहनाल 17:3

अनि निमाय उन्दिय खरोय परमेस्वर मन्तोन अनि निमाय नाकुन लोहतोन अनि नना येसु मसिहा आन्दान इदाम नाकुन पुन्तोरक ओरकुनेय अनन्त जिवा पुटार।

युहनाल 5:24

बोरायि नावा पोल्लो केन्जुन नाकुन लोहवालिन विस्वास किन्तोर ओना अनन्त जिवन मन्ता अनि ओना पोरो हायानाता दन्ड आयो मति ओर हायनाताल पिचिहच अनन्त जिवन पुटहितोर इन्जोर नना मिकुन खरोय खरोय वेहान्तोना।”

युहनाल 6:40

बाक्याकि बोरायि नाकुन हुळस नावागा विस्वास किन्तोर ओन अनन्त जिवन पुटार इन्जोर नावोर बाबोना इच्चा इद मन्ता अनि नना आकरि दिया न्यायता बेरा ओन हातोरिगाडाल असा जितो कियाका” इदाम इतुर।

युहनाल 6:54

नावा मेन्दुल बोर तिन्तोर अनि नतुर उन्तोर असके अनन्त जिवन ओनाय मन्ता, अनि नना न्यायता आकरि दिया ओन असा जितो कियाका।

रोमि 1:1

परमेस्वर आपुनोर मरि अनि इद दुनियातिगा दावुदनोर वंशतिगा जनम आतोर, अनि हातोरिगाडाल असा जिवेमातुर इन्जोर पवित्र आत्माता द्वारा परमेस्वरनोर लाववाले मरि इदाम परमेस्वर आचतोर मावोर प्रबु येसु मसिना बारेते,

रोमि 5:21

अदाम पाप हायानाता द्वारा लोकुरा पोरो बदाम राज कितु अदामे परमेस्वरना दयाते मावोर प्रबु येसु मसिना विस्वासता कारण परमेस्वरना मुने येताना योग्य बनेमास अनन्त जिवनतिके ओयान साटि राज केविर इन्जोर।

रोमि 6:23

इन्जोर पापता मजदुरि हायाना मन्ता मति परमेस्वरना वरदान मावोर प्रबु येसु मसिना द्वारा पुटता अनन्त जिवन मन्ता।

१ कुरिन्थुस 1:1

येसु मसिनोर खास चेला आस परमेस्वर आपुना इच्चाते आचतोर नना पोलुस, अनि नावा संगे मन्तोर मावोर तमो सोस्तनेस वने कुरिन्थुस सहेरतिगा मनवालोरक मसिलोकुरा सभा साटि,

२ कुरिन्थुस 1:1

परमेस्वरना इच्चाते येसु मसिनोर खास चेलाल मन्तोना नना पोलुस अनि नावोर संगवारि विस्वासि तमो मन्तोर ओर तिमुथियुस निकेडाल कुरिन्थुस सहेरतिगा मन्तोर परमेस्वरना लोकुरा सभा अनि आखया प्रदेशतिगा मनवालोरक सबोय पवित्र लोकुरक साटि इद पत्र कोटान्तोरोम।

२ कुरिन्थुस 1:20

परमेस्वरना बचोक वाचा मन्तांग अव सबोय येसु मसिनिगा इंगोतासंग मन्ता इन्जोर परमेस्वरना स्तुति आयान साटि ओना द्वारा माक आमिन इन्तोरोम।

गलाति 3:26

बाक्याकि येसु मसिनिगा विस्वासता द्वारा निमाट सबोय लोकुरक परमेस्वरना बालक आयकिट।

गलाति 3:28

इदेक यहुदि अनि युनानि इदाम हिलेर, दास अनि स्वतन्त्र इदाम हिलेर, मानेय अनि आळ इदाम हिले, बाक्याकि निमाट सबोय लोकुरक येसु मसिनिगा उन्दि मन्तोरिट।

इफिसुस 3:6

यहुदिलोकुरक आयोर मसिना संगतिगा परमेस्वरना सोबाता पोल्लोतुन विस्वास किस यहुदि लोकुरासंग परमेस्वरना सबोय भलायिता वारिसदार आयिला पहाजे। यहुदि आयोर अनि यहुदिलोकुरक उन्दि मेन्दुलता अलग अलग भाग मन्ता अनि इद रन्ड दल येसु मसिना वाचाता आशिषतुन सहभागि आयिला पहाजे इन्जोर ओद रहस्य योजना मन्ता।

१ तिमुति 6:19

अनि इदाम वायाना काळते खरोय जिवन ओरकुन मिलेमायाना साटि सोबाता पायवा इरिर इन्जोर ओरकुन आग्या किम।

२ तिमुति 1:10

अनि मावोर पिसिहवाल येसु मसि दरतितिगा वातुर अनि ओद दया ओर प्रगट कितुर। अनि येसु मसि हायानाता अदिकारतुन समाप्त कितुर। अनि ओना सुसमाचारतुन स्विकार कितुर ओर लोकुरकुन परमेस्वरनासंग दरोज मन्दान साटि सन्दि पुटतु।

२ तिमुति 1:13

अनि निमा नावाताल करियति ओद खरोय पोल्लोतुन निमा येसु मसिना विस्वास अनि मयातासंग पालन किसोर मन अनि ओद खरोय पोल्लोतुन दुसरोन वने करहा।

२ तिमुति 1:9

अनि ओर माकुन पिसितुर अनि पवित्र जिवन जिवेमायान साटि केयतुर अनि इद मावा बुतोता अनुसार आयो मति दुनिया बनेकियानाता मुने येसु मसिना द्वारा पिसाना हियान साटि आपुना योजना पुरा कियान साटि ओर योजना कितुर,

२ तिमुति 2:1

इन्जोर हे नावोर प्रिय मरि, निमा येसुना दयाता द्वारा लाववाले आम।

२ तिमुति 2:10

इन्जोर परमेस्वर आचतोर ओर लोकुरकुन येसु मसिना द्वारा पिसाना पुटि अनि ओर उदस मन्तोर ओद स्थानतिगा महिमातासंग ओरक वने दरोज मन्दान साटि नना परमेस्वर आचतोर ओर लोकुरक साटि इद सबोय दुःख सहेमान्तोना।

२ तिमुति 2:3

अनि निमा येसु मसिना सोबाय सयनिक बनेमासुन नावासंग येसु मसि साटि दुःख सहेमाम।

२ तिमुति 3:15

अनि निमा हुडलोरपणताल परमेस्वरना पवित्र पोल्लो करियतोन अनि येसु मसिनिगा विस्वास किस पिसाना पुटार इन्जोर परमेस्वरना पोल्लोताल निमा समजेमातोन।

तितुस 1:2

अनि इद दुनिया बनेमायानाता मुनेटाले बसकेय खोटाल वळकोर ओर परमेस्वर इद आशाता बारेता वाचा हितोर।

तितुस 1:4

परमेस्वरना आग्याते इद सोबाता पोल्लो वेहाना साटि सोपेकिया, नना परमेस्वरनोर दास अनि येसु मसिना खास चेला पोलुस, उन्दिय परमेस्वरनिगा विस्वास किन्तोरिट इन्जोर नावोर खास मरि लेहका मन्तोर ओर तितुस साटि इद पत्र कोटान्तोना; मावोर परमेस्वर बाबाल अनि पिसिहवाल येसु मसि निकुन दया अनि शान्ति हेविर इन्जोर नना प्रार्थना किन्तोना।

यहुदि 9:15

अनि इद कारणते परमेस्वर मूसानासंग किता जुनाल करारता काळते ओद नियमतुन पालन किया परोर आतोरक सबोय पापि लोकुरकुन आपुना हायानाता द्वारा अनन्त काळता वारिस आयाना वाचाते केयतोर सबोय लोकुरकुन लेहचियान पुटान साटि मसि पुनाल करारता मध्यस्थि मन्तोर।

१ युहनाल 2:25

अनि ओर येसु मसि माकुन हिता वाचा अनन्ता जिवन आन्दु।