२ तिस्लुनि 3:8 - Muria Far Western

⁸ अनि मियागडाल बोनाय पोरो वजा आयमाकि इन्जोर माक बोनागाय पुकट गाटो तिनोम, माक नरका-पियाल मेहनत किन्तोम।

२ तिस्लुनि 3:8 Iomraidhean Croise

मत्ति 6:11

मावा दियामेटा जेवन नेन्ड माकुन हिम।

बुतोंग 18:3

पोलुसना अनि ओरा बुतो उन्दिय मता इन्जोर ओर ओरासंग मन्ज बुतो कियाला लागतुरक, अनि ओरा बुतो तम्बु बनेहकियाना मता।

बुतोंग 20:34

नावा अनि नावासंगवारि लोकुरा जरुरतुन पुरा कियान साटि नना इवे कयदे मेहनत कितान इन्जोर निमाट पुन्तोरिट।

१ कुरिन्थुस 4:12

अनि माक आपुनाय कयदे इद जिवातुन मेहनत किन्तोरोम। लोकुरक खराब इन्तोरक ते माक ओरकुन आशिरवाद हिसोर मन्तोरोम। ओर माकुन सतेह किन्तोरक मति माक सहन किसोर मन्तोरोम। ओर मावा बदनाम कियाना बेरा माक ओरासंग मयाते पोल्लोंग वळकसोर मन्तोरोम।

१ कुरिन्थुस 9:4

प्रबु येसुना बुतो कियान बेरा नना पोलुस अनि बरनाबासिन वने तिन्दाना उन्डाना चिज पुटाना अदिकार मन्ता,

२ कुरिन्थुस 11:27

पकाय मेहनता अनि पकायि कठिन बुतोते मतोना। अनि पकाय बेरा हुन्जवाकेन मतोना, अनि नना तिनोन उन्डोन आस मतोना, अनि पकायि बेरा नाकुन बोदे जेवन पुटो आतु इन्जोर उपासते मतोना, पिनिता दियांग तारिला मुचिला सन्दरांग कमि आस मता।

२ कुरिन्थुस 11:9

अनि नना मियासंग मन्दाना बेरा नाकुन डब्बुना जरुरि मता असके नना बोनाय पोरो वजा वाटोन। मकिदुनियाताल वातोर ओर तमो लोकुरक नावा जरुरितुन पुरा किस मतोरक। नना उन्दि उन्दि पोल्लोतिगा मिकुन वजा आयिला हेवोम इदाम ध्यान कितान अनि असा वने मिकुन वजा आयिला हेवोम इदाम ध्यान किसोर मनका।

इफिसुस 4:28

बोर कलेर बुतो किसोर वातोर, ओर मुने कलेता बुतो केमाकिर मति बोन जरुरि मन्ता ओनासंग तुसिला बाताले पहाजे इन्जोर ओन आपुना कयदे सोबाय मेहनत कियाला पहाजे।

१ तिस्लुनि 2:9

हे बायि-दादालोरक, निमाट मावा परिश्रम अनि मेहनतुन आलिहसोर मन्तोरिट; अनि परमेस्वरना सोबाता पोल्लोतुन वेहचुन माक बोने डब्बुना बारेते तकलिप आयमाकि इन्जोर नरका पियाल माक बुतो किसोर मन्तोम।

१ तिस्लुनि 4:11

बदाम मिकुन आग्या किन्तोरोम अदामे निमाट वरोर दुसरो विस्वासिना बुतोतिगा कय लावे केमाकिर, अनि आप आपुना कयदे आपुना बुतोकिसुन पयसांग कमेहकियाना कोसिस किम्ट,

२ तिस्लुनि 3:12

अनि इदाम आळसि लोकुरकुन ओरक कमेक बुतोकिसोर मनिर अनि आपुना कमायिता हारिनुंग तिनिर इन्जोर माक प्रबु येसु मसिना पोरोयते आग्या हिस ओरकुन समजेह किन्तोरोम।