२ तिस्लुनि 3:5 - Muria Far Western

⁵ प्रबु परमेस्वर मिया मन्दुन परमेस्वरना मया अनि येसु मसिना धिरजतिके बरसान साटि मदत किम्ट।

२ तिस्लुनि 3:5 Iomraidhean Croise

रोमि 5:5

अनि आशा माकुन बसकेय लज्जा आयिला हेवो बाक्याकि परमेस्वर माकुन पवित्र आत्मा हितोर अनि ओर पवित्र आत्माता द्वारा परमेस्वरना मया मावा मन्दिगा पकाय हितोर।

रोमि 8:25

मति बोद चिजतुन माक हुळोम अदेना स्विकार कियान साटि आशा किन्तोरोम ते हिमते सहेमास ओद आशिषसाटि हर हुळसोर मन्तोरोम।

रोमि 8:28

अनि परमेस्वरतुन मया किन्तोरक अनि बोर ओना योजनाता अनुसार केयतोर मन्तोर ओर लोकुरक साटि सबोय पोल्लोंग मिलेमास भलायितुने उत्पन्न किन्तोर इदाम माक पुन्तोरोम।

१ कुरिन्थुस 8:3

मति बोरे मानेय परमेस्वरतुन मया किन्तोर ते ओन परमेस्वर पुतोर।

गलाति 5:22

मति पवित्र आत्माता बुतो इव मन्तांग: आपसते मया कियाना, गिरदाते मन्दाना, शान्तिते मन्दाना, दिरजते प्रगटकियाना, दया कियाना, भलायि कियाना, इम्मानदारिते मन्दाना,

१ तिस्लुनि 1:10

परमेस्वर हातोरिगाडाल जितो कितुर आपुनोर मरि, अनि माकुन वायानाता हजोर होंगताल पिसहानुर ओर येसु मसिना मल्स वायाना हर हुळसुन माक बदाम मूरति पुजा विळिचुन परमेस्वरनिके वातोम इन्जोरक ओरक वेहान्तोरक।

१ तिस्लुनि 3:11

इदेक मावोर बाबो परमेस्वर अनि मावोर प्रबु येसु मसि माकुन मियागा वायान साटि माकुन हरि हेविर।

२ तिमुति 4:8

अनि नावा साटि स्वरगतिगा उन्दि मुकुट बाकि मन्ता। ओद मुकुट परमेस्वरना मुने येताना योग्य जिवन जिवे मातोरक साटि मन्ता। अनि बसके प्रबु न्याय कियान साटि वायनुर असके ओद मुकुट प्रबु नाकुन हियानुर। अनि नाकुन वरोन साटि आयो मति ओना असा दुसरो बेरा वायाना साटि आशा केवालोरक सबोय लोकुरकुन इद मुकुट हियानुर।

यहुदि 9:28

अदामे मसि वने पकाय लोकुरकुन पापता मापि साटि उन्दि बेरा बलिदान आतुर अनि ओर दुसरो बेरा असा दिसानुर-लोकुरा पापता मापि हियान साटि आयो मति आपुना साटि हर हुळिला आतोरक लोकुरकुन पिसान साटि मन्ता।

याकुब 2:5

हे नावोर प्रिय बायि-दादालोरक केन्जाट: बाताल परमेस्वर गरिब लोकुरकुन विस्वासते दनवान बने कियान साटि अनि आपुनिगा मया केवालोरकुन वाचा किस मता परमेस्वरना ओद राज्यता वारिस आयान साटि ओरकुन आचतोर बहे? मति निमाट ओरक गरिब लोकुरकुन अपमान कितिट।

१ पतरस 4:1

मसि आपुना मेन्दुलते पकाय तकलिप सहेन कितुर इन्जोक निमाट वने ओदे विचारतुन हत्यारता रुपते स्विकार किम्ट।

२ पतरस 3:12

निमाट परमेस्वरना मुने पवित्र चाल-चलन किस ओना गिरिदा कियाना बुतो केवालोरक आयिला पहाजे।

१ युहनाल 4:19

अनि ओर माकुन पहले मया कितुर इन्जोर माक ओन मया किन्तोराट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:9

मिवोर तमो अनि येसुना पकाय तकलिपतिगा अनि राज्यतिगा अनि पोसोरिंग सहेन कियानातिगा मिया सहभागि मन्तोना नना युहन्ना, परमेस्वरना पोल्लो अनि येसुना गवाहिता कारण समुद्र नडुम मन्ता पतमुस पोरोयता टापुतिगा मतोना।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 13:10

“कयदितिगा हनवाल मन्तोर ओर कयदितिगा दायनुर; तलवारते हव्कानुर ओर तलवारतेय हायनुर।” पवित्र लोकुरा पोसोरिंग सहेनकियाना अनि विस्वास इगाय जरुरि पहाजे।