२ तिस्लुनि 3:2 - Muria Far Western

² हेकळ अनि दुष्ट लोकुराताल माकुन पिसान साटि निमाट प्रार्थना किम्ट बाक्याकि सबोय लोकुरक विस्वासि हिलेरक।

२ तिस्लुनि 3:2 Iomraidhean Croise

मत्ति 17:17

येसु ओन उत्तर हितुर, “हे अविस्वासु अनि जिद्दि लोकुरक बचोक दियांग नना मियासंग मनका? अनि बचोक दियाताल मियांग इव सबोय पोल्लोनुंग नना सहेमासोरिंग मनका? ओन इगा नावा हेरे तराट” इन्जोर उत्तर हितुर।

मत्ति 23:23

येसु असा इतुर, “कपटि मन्तोरक हे नियमतुन करिहवालोरक अनि परीसि लोकुरक परमेस्वर मिकुन पकाय दन्ड हियानुर। निमाट पुदिना, सोप, अनि जिराता दहावो भागते हिन्तोरिट, मति न्याय, दया अनि इदाम मूसाना नियमता मुक्य पोल्लोतुन निमाट तासितोरिट। निमाट ओद पोल्लो कियाना अनि इव पोल्लोता वने पालन किसोर मन्दिला वने पहाजे।

लूका 18:8

परमेस्वर ओरकुन सान्डे न्याय कियानुर इन्जोर नना मिकुन चेतेकिसुन वेहान्तोना। मति नना मानेयतोर मरि दरतितिगा वायका ते नावागा विस्वास केवालोरक पकाय कमि लोकुरकुन कलियका” इन्जोर प्रबु इतुर।

बुतोंग 13:45

मति यहुदिलोर भीळतुन हुळस पकाय हेवाते पोलुसना पोल्लोता विरोदते निन्दा किस वळकिला लागतुरक।

बुतोंग 13:50

मति यहुदिलोरक सहेरता दुसरो लोकुरकुन अनि सोबाय आदर हेवांग परमेस्वरना वरे इरेंग आसक अनि अन्ताकिया सहेरता मुक्या लोकुरकुन भळकेह किस पोलुस अनि बरनबासना विरुद तकलिप हिस ओरकुन आपुना सिवाताल पसिहसितुरक।

बुतोंग 14:2

मति विस्वास केवोरक यहुदि आयोर लोकुरक मसि विस्वासि लोकुरा विरोदते यहुदि आयोर लोकुरकुन भळकेह किस ओरा मन्दुन होंगते निहचितुरक।

बुतोंग 17:5

मति यहुदिलोरक हेवा किस हाटुमतोर हुचुक दुष्ट लोकुरकुन आपुनासंग कितुरक अनि लोकुरा भीळतुन जमा किस नाटेनिगा गळबड कियाला लागतुरक। अनि यासोना लोन वास ओरकुन लोकुरा मुने तताना कोसिस कितुरक।

बुतोंग 25:27

बाक्याकि कयदितुन हजोर राजान मुने लोहानपा ओनागा बोव दोष लावेकितुर अदेना बारेते वेहाना सोबाय मन्ता इन्जोर नाकुन लागता।”

बुतोंग 28:24

असके हुचुलोर लोकुरक ओव पोल्लोनुंग मानेमातुरक, अनि हुचुलोर लोकुरक विस्वास केवोर आतुरक।

रोमि 10:16

मति सबोय इस्रायेल लोकुरक येसु मसिना बारेते सोबाता पोल्लोतुन स्विकार केवोरक बाक्याकि “हे प्रबु मावा वेहता येसु मसिना बारेते सोबाता पोल्लोतिगा बोर विस्वास कितुरक?” इन्जोर परमेस्वरना पोल्लो वेहवाल यशायाह इन्तोर।

रोमि 15:31

यहुदिया प्रदेशतोर परमेस्वरनिगा विस्वास इरोरक ओर लोकुरा कयदाल परमेस्वर नाकुन पिसहिर: अनि येरुसलेमतोर विस्वासु लोकुरक साटि नना ओयिला आतोना ओद दान विस्वासु लोकुरक गिरदातासंग स्विकार केविर इन्जोर नावासंग मिलेमास नावा साटि परमेस्वरनिके खरोय मन्दे प्रार्थना किसोर मन्ट,

१ कुरिन्थुस 15:32

अनि इफिसुस सहेरतोर लोकुरक केळाता जानवर लेहका नावासंग लळेमातुरक। ओद लळायि कियाना केवल इद सन्सारता पोल्लोंग साटि मन्ता ते इदाम कियाना द्वारा नाकुन बोदे फायदा हिले आसि। अनि हातोर लोकुरकुन असा जिवेह केवोर आयनुर ते “दटु माक सोबाय तिन्काट उन्काट बाक्याकि नाळ माकुन हायानाय मन्ता।”

१ तिस्लुनि 2:18

इन्जोर माट, विशेषाल नना पोलुस, निया हेरे वायान साटि पकाय कोसिस कितोम मति सयतान माकुन रोकेकित।

२ तिमुति 4:17

मति नावा वेहानाता द्वारा सबोय जातितोरक लोकुरक सोबाता पोल्लो केन्जान साटि प्रबु नाकुन लाव हिस नाकुन मदत कितुर। इन्जोर बदाम वरोर मानेय निरालता टोडिताल पिसान्तोर अदाम लेहका प्रबु नाकुन हायनाताल पिसिहतुर।